Европа
Германската влада усвои рамка за легализација на канабисот
Германската влада ја усвои рамката за легализација на канабисот, соопшти министерот за здравство Карл Лаутербах.
Усвоениот документ, како што појасни на прес-конференцијата, треба да ја декриминализира употребата на канабис и неговото производство.
Лаутербах нагласи дека првиот чекор е направен со документот и дека сега е потребно да се анализира дали намерите се одржливи според европското и меѓународното право.
Тој рече дека документот ќе биде доставен до Европската комисија и дека се очекува брз одговор дали е во согласност со европското право, за да се премине на изработка на законот.
Германскиот министер нагласи дека коалицискиот договор предвидува декриминализација на употребата на канабис, со цел поголема заштита на младите и здравјето на граѓаните.
Тој рече дека претходниот пристап бил неуспешен бидејќи консумацијата на канабис постојано се зголемува, како и уделот на психоактивната супстанца ТХЦ.
Претходниот пристап, вели тој, го поттикнал црниот пазар, а со тоа и криминалот.
За разлика од Холандија, Германија сака да го контролира целиот пазар – одгледување, продажба и потрошувачка.
„Сакаме да лиценцираме и да го регулираме производството и продажбата само преку лиценцирани продажни места. Од холандското искуство научивме дека не сакаме да го легализираме канабисот без контрола“, рече тој.
Лаутербах, на прашањето дали некогаш користел канабис, потврди дека еднаш го направил тоа јавно за да ги види ефектите.
Тој посочи дека минатата година околу четири милиони Германци користеле канабис, а меѓу младите уделот бил околу 25 проценти.
Според владината одлука, канабисот и ТХЦ, откако ќе се донесе законот, нема законски да се третираат како наркотици.
Ќе биде дозволено и ограничено приватно производство – три растенија по возрасен.
Продажбата на канабис се обезбедува преку лиценцирани продавници, со пристап само за возрасни.
Продажбата без лиценца останува кривично дело.
Идниот закон, сепак, ќе забрани рекламирање на канабис.
Тој објасни дека поради ризикот од оштетување на мозокот што може да го предизвика канабисот кај младите, се истражува дали ќе има ограничување на количината на TХЦ во производите од канабис за клиентите на возраст под 21 година.
Покрај вообичаениот данок, ќе се воведе и данок за канабисот, чија висина ќе зависи од количината на ТХЦ.
Ќе биде дозволено да се продаваат производи од канабис за пушење и вдишување, но и во форма на капсули, спрејови или капки, но не и во форма на бисквити, слатки и слично.
Лаутербах рече дека германскиот модел може да биде модел за цела Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Фаворитот за германски канцелар ја исклучува соработката со АфД
Конзервативниот кандидат за канцелар Фридрих Мерц од германските демохристијани (ЦДУ) го потврди своето одбивање да соработува со екстремно десничарската Алтернатива за Германија (АфД) и покрај вчерашното заедничко усвојување на предлогот на Бундестагот за миграциската политика.
„Луѓето на АфД сега можат да триумфираат како што сакаат, но тоа нема да се случи“, изјави лидерот на ЦДУ, кој многумина го сметаат за иден германски канцелар, за јавната телевизија АРД во средата навечер.
Ден по федералните избори, гласот за АфД „нема да вреди ништо“, тврди Мерц. Оние кои сакаат промена на политиката треба да гласаат за ЦДУ, додаде тој.
Германските пратеници вчера со поддршка на десничарската Алтернатива за Германија (АфД) го прифатија предлогот на Христијанско-демократската унија ЦДУ/ЦСУ за заострување на миграциската политика, што предизвика бурни реакции кај другите партии во парламентот.
Европа
(Видео) Украинците погодија рафинерија 800 километри длабоко на руска територија
Нуклеарна централа била меѓу целите на масовниот украински беспилотен напад врз руските нафтени и електроенергетски постројки, објавија руски официјални лица и медиуми.
Системите за противвоздушна одбрана уништија беспилотно летало, кое цели на нуклеарна централа во регионот Смоленск, кој граничи со Белорусија, напиша гувернерот Василиј Анохин на апликацијата за пораки „Телеграм“. Нуклеарната централа „Смоленск“, најголемата централа за производство на електрична енергија во северозападна Русија, работи нормално, јави државната новинска агенција РИА повикувајќи се на прес-службата на централата.
Tver 👀💥 pic.twitter.com/2vHrqxNZhg
— MAKS 24 🇺🇦👀 (@Maks_NAFO_FELLA) January 29, 2025
Руското Министерство за одбрана на „Телеграм“ објави дека 104 беспилотни летала учествувале во нападите во западна Русија, а 11 беспилотни летала се уништени над регионот Смоленск. Вкупно, руската противвоздушна одбрана собори беспилотни летала во девет региони, од кои речиси половина беа над регионот Курск, каде што руските сили се борат да ги истераат украинските војници.
🤩✌️ More BAVOVNA from Kstovo, Russia pic.twitter.com/NZtwpVmHmQ
— MAKS 24 🇺🇦👀 (@Maks_NAFO_FELLA) January 28, 2025
Рускиот петрохемиски гигант „Сибур“ соопшти дека утринава ја прекина работата во рафинеријата во Кстово кога остатоци од украински дрон предизвикаа пожар. Нема жртви во фабриката, која се наоѓа во регионот Нижни Новгород на речиси 800 километри од украинската граница, соопшти компанијата, додавајќи дека службите за итни случаи се на терен.
Good morning Dear World ✌️🔥 pic.twitter.com/uyrGvNSQfF
— MAKS 24 🇺🇦👀 (@Maks_NAFO_FELLA) January 29, 2025
Едно лице е повредено и хоспитализирано како резултат на напад со беспилотно летало на Белгородската област, која граничи со Украина, соопшти гувернерот на регионот. Рускиот авијациски регулатор „Росавијација“ привремено ги прекина летовите на аеродромот „Казан“ во Руската Република Татарстан и на аеродромот „Пулково“ во регионот Ленинград.
Двете страни негираат дека целеле цивили во нивните напади во војната. Киев тврди дека неговите напади во Русија се насочени кон уништување на инфраструктурата клучна за воените напори на Москва.
Европа
Путин: Во 2022 година ги повлековме силите од околината на Киев за да избегнеме крвопролевање
Рускиот претседател Владимир Путин зборуваше за преговорите со Украинците што се одржаа во пролетта 2022 година, непосредно по почетокот на целосната руска инвазија. Тој тврди дека Русија била свесна дека може да биде измамена доколку ги повлече своите сили од околината на Киев, но сепак тоа го направила за да избегне крвопролевање.
Првите преговори се одржаа на почетокот на март 2022 година во Белорусија, но тие не дадоа резултати. Друга рунда преговори се одржа во Истанбул на крајот на март 2022 година. Москва повеќе пати повтори дека за време на преговорите во Истанбул, Киев изрази подготвеност да го почитува својот неутрален, неврзан статус и да не распоредува странско оружје, вклучително и нуклеарно оружје на нејзината територија.
Путин истакна дека нацрт-договорот од Истанбул бил договорен на 15 април 2022 година. „Но, пред тоа, некои од европските лидери ми рекоа по телефон дека Украина не може да потпише мировен договор, како што објасни еден од колегите, со пиштол во главата. Прашав: Добро, што треба да се направи? Ми рекоа дека морам да ги повлечам силите од околината на Киев“, му кажал Путин на новинарот Павел Зарубин.
„Ни беше јасно дека можеме да бидеме измамени, како што Русија беше измамена со децении кога рекоа едно, а направија нешто сосема друго. Сепак, се согласивме да го направиме ова за да избегнеме крвопролевање и сериозна војна. Почнавме да ги повлекуваме војниците на крајот на март.“, додаде тој. Тој истакна дека Киев се откажал од договорот откако руските сили биле повлечени од регионите Киев и Чернихив.
Путин подоцна во разговорот повтори дека не е во ред да се поврзе забраната за преговори на Украина со присуството на руските сили во близина на Киев, бидејќи меѓу овие настани има голем временски јаз.
„Да го повторам ова уште еднаш: руските сили повеќе не беа пред Киев на 4 април 2022 година, а договорот доби конечно одобрение на 15 април. А декретот за забрана на преговори беше потпишан на крајот на септември и стапи на сила на 4 октомври или шест месеци откако беше одобрен нацрт-мировниот договор. Затоа, апсолутно е неточно да се каже дека забраната за преговори е воведена кога руските трупи стоеја во близина на Киев“, наведе тој.
Возачот кој ја усмрти Фросина на „Партизанска“ возел под дејство на алкохол, без возачка и поминал на црвено светло
Дваесетгодишникот кој синоќа усмрти 22-годишна девојка на Партизанска, управувал возило на неговиот татко, без возачка дозвола, а бил и под...
Мицкоски: Го разбирам бојкотот на граѓаните на маркети, а јавноста ќе дознае како функционери на СДСМ манипулирале со пресметките
Премиерот Христијан Мицкоски на денешната собраниска седница за пратенички прашања истакна дека легитимно право е на граѓаните да изразат револт...
(Видео) „Во оваа несреќа нема преживеани“: полека исчезнува надежта за семејствата по судирот на патничкиот авион и американскиот воен хеликоптер
Се стравува дека голем број луѓе загинале кога патничкиот авион на „Американ ерлајнс“ се судрил со хеликоптерот на американската армија...
Гаши за смената во Судскиот совет: Досега неколкупати сме избрзале, сега сакаме да дојдеме до издржливо решение
Собранискиот спикер Африм Гаши оценува дека во правосудството се потребни подлабоки реформи, но дека треба да се внимава. „На сите...
Пријавете мито во полиција, во Здравство или на клиниките, повика Таравари откога хирург беше фатен со бележани 150 евра
Министерот за здравство Арбен Таравари ги повика граѓаните да привајат доколку од нив се бара мито за вршење услуги во...
(Видео) Се појави нова снимка од судирот меѓу патничкиот авион и хеликоптерот над Вашингтон
Регионален патнички авион на „Американ ерлајнс“ се судри во воздух со хеликоптер „блек хок“ на американската армија во близина на...
Финансиската полиција поднесе две кривични пријави до ОJO Струмица за даночно затајување
Управата за финансиска полиција до Основното јавно обвинителство Струмица поденсе кривична пријава против К.Х поради основано сомнение дека го сторил...
22-годишна девојка усмртена кај „Партизанска“, ја прегазил 20-годишник
Вчера 22-годишна девојка била удрена од автомобил на булеварот „Партизански одреди“. Подлегнала на повредите и починала на лице место. Несреќата...
(Видео) Во авионот што се урна во Вашингтон се наоѓале и поранешни светски шампиони во уметничко лизгање
Руските уметнички лизгачи и тренери Евгенија Шишкова и Вадим Наумов биле во авионот на „Американ ерлајнс“, кој се урна во...
Успешно пронајдено изгубено лице на планината Скопска Црна Гора
Синоќа, беше успешно пронајдено изгубено лице на планината Скопска Црна Гора во координирана акција на АМСМ, МВР и на ЦУК,...
Трамп очаен по падот на патничкиот авион во Вашингтон: „Не е добро!“
Американскиот претседател Доналд Трамп е информиран дека патнички авион се урнал во Вашингтон, откако авионот се судрил со воен хеликоптер....
(Видео) Што сними „Флајтрадар“ за фаталниот лет за Вашингтон: Авион се урна во заледена река по судир со хеликоптер
Најмалку 18 лица загинаа кога авион на летот АА5342 од Вичита до Вашингтон се судри со воен хеликоптер при слетување...
(Видео) Најмалку 18 тела се пронајдени по авионската несреќа во САД
Според извештајот од САД, службите за итни случаи извлекле најмалку 18 тела. Цитирајќи полициски функционер, Си-Би-Ес Њуз додаде дека сè...
Поранешен американски сенатор осуден на 11 години затвор за корупција
Поранешниот американски сенатор Боб Менендез (71) е осуден на 11 години федерален затвор под обвинение за мито, изнуда и корупција....
(Видео) Патнички авион се урна по судир со воен хеликоптер над Вашингтон, снимен моментот на падот
Регионален патнички авион на „Американ ерлајнс“ се судри во воздух со хеликоптер на американската армија „Блек Хок“ во близина на...
Битолски хирург извршил операција, па побарал 150 евра да се почести, доставена мерка за притвор
Основното јавно обвинителство Битола поведе постапка против едно лице поради основано сомнение дека сторило кривично дело примање поткуп од член...
Ригорозни контроли за цените во два големи синџир-маркета од денес, инспекторите ќе утврдуваат дали ги изигрувале законите
Во пресрет на најавениот бојкот на маркетите поради лажно намалените цени, премиерот Христијан Мицкоски извести дека од денес се почнати...
Падна владата, но не и Вучиќ, кој владее со Србија, вели полскиот премиер
Полскиот премиер Доналд Туск ги негира наводите дека во Србија избувнала вознемирувачка криза, која исто така е опасна за безбедноста...
Кривична против поранешен помошник-министер и против раководител во МВР за незаконски јавни набавки
Управата за финансиска полиција до Основното јавно обвинителство за гонење организиран криминал и корупција поднесе кривична пријава против Ж. Т....
Да му се забрани влез во Македонија на Додик и на други спорни лица од регионот, бара ЛДП
„Со настапот на Свечената академија посветена на празникот Свети Сава, со која се одбележува денот на српската заедница во Македонија...
