Европа
Германска студија: Повеќето од пациентите кои оздравеле од коронавирус имаат проблеми со срцето
Две нови студии од германски научници покажаа дека повеќе од три четвртини од пациентите кои оздравеле од Ковид-19 имаат проблеми со срцето, дури и ако нивната состојба не бара хоспитализација.
Лекарите ги споредиле резултатите од магнетната резонанција на срцето (МРИ) на сто оздравени од Ковид-19 со резултатите на сто лица кои не биле заразени со коронавирус. Просечната возраст на испитаниците била 49 години, а две третини од пациентите оздравеле дома.
Се покажало дека повеќето пациенти, 78 од нив, претрпеле сериозно оштетување на срцевиот мускул, како оние што се јавуваат по срцев удар.
Шеесет и седум пациенти оздравеле дома, а 33 биле хоспитализирани.
„Фактот дека 78 проценти од пациентите кои оздравеле од Ковид-19 развиле сериозни проблеми со срцето укажуваа дека болеста кај повеќето остава последици врз срцевиот мускул, иако не постојат вообичаени симптоми на срцеви заболувања, како што се болка во градите што ја придружува ангина пекторис“, објасни д-р Валентина Пантман, кардиолог во Универзитетската болница Франкфурт, која ја спроведе студијата за МНР. Таа додава дека штом на пациентот ќе му се дијагностицира Ковид-19, треба да се дејствува и да се следи состојбата на срцевиот мускул.
Втората студија ги анализирала наодите од обдукција на 39 лица кои починале на почетокот на пандемијата и чија просечна возраст била 85 години. Кај 24 од нив биле откриени високи нивоа на вирус во срцевиот мускул.
И двете студии сугерираат дека луѓето заразени со Ковид-19 се со поголема веројатност да развијат проблеми со срцето подоцна во животот, вели д-р Метју Томи, кардиолог и доцент на Медицинскиот факултет Икан, кој работи во рамките на здравствениот систем на мрежата на болницата „Маунт Синај“ во Њујорк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.