Свет
Германски кардинал обвинет за сексуално малтретирање две децении по неговата смрт

Кардиналот Франц Хенгсбах (1910-1991) е обвинет за сексуални напади врз малолетници во текот на 50-тите и 60-тите.
Кардиналот и денес е популарен, а стана познат во текот на трите децении што ги помина на чело на епархијата Есен.
Првично три лица излегоа со обвинувања против него, а бискупијата Есен објави дека се работи за сериозни обвинувања.
Во исто време други можни жртви беа поканети да се јават. Според епархијата, последното обвинение било упатено во октомври 2022 година, а уште две датираат од 2011 година. Епархијата не дала никакви информации за природата на нападите, што го објаснила со заштита на личните права на погодените.
Обвиненијата се насочени против двајца други германски бискупи: поранешниот епископ Емил Стеле (1926-2017) од надбискупијата во Фрајбург и поранешниот епископ на Хилдесхајм, Хајнрих Марија Јансен (1907-1988).
Наводите што минатата есен биле пријавени до независните контакт лица на есенската епархија се однесуваат на 1967 година, соопштија од епархијата.
Како резултат на тоа, сегашниот бискуп на Есен, Франц-Јозеф Овербек, почна дополнителни истраги – вклучително и една во матичната епархија на Хенгсбах во Падерборн.
При разгледувањето на досието „Падерборн“, истражниот тим од Есен наишол на белешка во која се наведува дека Хенгсбах во 2011 година бил обвинет за сексуално малтретирање малолетна тинејџерка во 1954 година додека бил помошен епископ.
Тогаш Ватикан оцени дека обвинувањата се неверодостојни, но по последните истраги се оценети како веродостојни.
Исто така, една жена изјавила дека во 1954 година, кога имала 16 години, била сексуално малтретирана од Франц Хенгсбах и неговиот брат Пол. Братот, кој почина во 2018 година, а исто така беше свештеник во надбискупијата, остро ги отфрли обвинувањата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Хорор на базен во Германија! Четворица Сиријци сексуално нападнале 9 девојчиња, најмладата има 11 години

Малолетничките само сакале да се забавуваат и сакале да се разладат со пријателите. Но, наместо тоа, денот завршил ужасно. Бројни малолетни девојки биле злоупотребени во отворен базен во Хесен.
Нападите се случиле минатата недела во Барбаросабад во Гелнхаузен (население од околу 23.000 жители). Неколку девојки пријавиле кај персоналот на базенот во југоисточен Хесен околу 17 часот дека група мажи ги допирале по целото тело во просторијата за џакузи.
Полицијата успеала да уапси четворица осомничени, на возраст меѓу 18 и 28 години. Се вели дека друг маж го напуштил базенот без да биде идентификуван. Мажите се сириски државјани, потврди портпаролката на полициската станица во југоисточен Хесен во Офенбах за Билд. Двајцата се во роднинска врска. Против сите нив се поднесени кривични пријави. Исто така, им е забранет пристапот до базенот.
Првично, пет ученички се јавија да ги пријават инцидентите. Откако сексуалните напади на отворениот базен станаа јавно познати, уште девојки го следеа примерот. Тие исто така сведочеа дека биле сексуално вознемирувани. „Моментално имаме девет девојчиња“, изјави полицијата за Билд. Најмладата жртва има 11 години, а најстарата 17.
Инцидентот беше прв од ваков вид во Барбаросабад оваа година, рече градоначалникот Кристијан Лицингер, според Хесише Рундфунк.
Во моментов, не може да се исклучи можноста дека и други девојчиња или жени биле жртви на Сиријците.
Регион
(Видео) Протестот заврши, хаосот почна! Еве што се случуваше откако студентите се повлекоа од белградските улици

Синоќа во Белград се одржа масовен протест во организација на студентите под слоганот „Се гледаме на Видовден“, на кој, според проценките, учествуваа десетици илјади граѓани.
MUP kaže da je na Slaviji 36.000 ljudi, a vi pogledajte snimak iz drona N1 i prosudite sami. pic.twitter.com/oidIEKlDJ7
— TV N1 Beograd (@n1srbija) June 28, 2025
Протестот помина мирно сè додека не беше прогласен крајот од страна на организаторите, по што студентите се повлекоа.
“Uništavaju sve čega se dohvate – Kosovo i Metohiju, vodu, zemlju, vazduh, univerzitet” – akademik Slobodan Vukosavić pic.twitter.com/zwn5JdqoTY
— TV N1 Beograd (@n1srbija) June 28, 2025
Ситуацијата ескалираше веднаш потоа, кога група маскирани лица влегоа во судир со припадниците на полицијата. Безбедносните сили употребија солзавец за да ги растераат присутните, а улиците останаа преполни со граѓани. Полицијата потоа започна со насилно растерување на толпата, што дополнително ја вжешти атмосферата во центарот на српската престолнина.
U Ulici Kneza Miloša došlo je do intervencije Policijske brigade koja je u jednom trenutku počela da potiskuje građane. Nakon potiskivanja, policija je počela jače da odguruje građane okupljene kod Londona, ljudi idu niz Ulicu kneza Miloša. Čuju se topovski uidari i upotrebljen… pic.twitter.com/GYbAOw4a48
— TV N1 Beograd (@n1srbija) June 28, 2025
23.40h žestoka intervencija u kralja aleksandra pic.twitter.com/yiirFEROuj
— zarko bogosavljevic (@zarkobns) June 28, 2025
Истовремено, пред зградата на Владата на Србија се одржа контра-настан во форма на „литературна вечер“, организиран од поддржувачите на власта.
Incidenti kod turske ambasade, bačeno je nekoliko topovskih udara i petardi, javlja naš reporter. pic.twitter.com/FGauiM6xIA
— TV N1 Beograd (@n1srbija) June 28, 2025
Протестите на студентите траат уште од ноември минатата година, кога на Железничката станица во Нови Сад се случи трагична несреќа во која животот го загубија 16 лица, меѓу кои и еден македонски професор.
Токму таа несреќа беше иницијална каписла за студентското движење кое со месеци бара отчетност, реформи и оставки.
Свет
Нова крвава ноќ во Газа, најмалку 56 загинати во израелските напади

Најмалку 56 лица се убиени во последниот бран израелски воздушни напади врз Појасот Газа што започнаа вчера изутрина, соопштија палестински медицински извори и припадници на цивилната заштита.
Според Министерството за здравство во Газа, најмалку 11 лица загинале во населбата Туфа, во близина на поранешна училишна зграда во градот Газа. Палестинската новинска агенција ВАФА јави дека меѓу жртвите има и деца.
Дополнително, службите за цивилна заштита објавија уште 45 загинати во други области, без прецизирани детали. Според истите извори, десетици луѓе се повредени, но точната бројка сè уште не е официјално потврдена.
Од израелската војска засега нема коментар за нападите и наводите за цивилни жртви.
Министерството за здравство во Газа претходно објави дека вкупно 81 лице било убиено во претходните 24 часа, вклучувајќи ги и жртвите од нападите извршени во петокот.
Со најновите жртви, вкупниот број на убиени Палестинци од почетокот на конфликтот надмина 56.400, покажуваат податоците од палестинските здравствени власти.