Европа
Дали Путин би ризикувал да ги искористи своите подморници во предизвикување експлозии на „Северен тек“?

Три крајбрежни линии на рускиот гасовод Северен тек, кој ја снабдува Германија, претрпеа „невидена“ штета во понеделникот, што резултираше со големо истекување на гас под вода.
Шведските сеизмолози подоцна објавија дека регистрирале две експлозии по должина на трасата на гасоводот. Европските лидери во вторникот рекоа дека веруваат дека експлозиите биле „намерни“, додека некои официјални лица го обвинија за инцидентот Кремљ, сугерирајќи дека тие биле наменети како закана за континентот во услови на неуспешна руска инвазија на Украина.
И покрај военото колебање на Русија во Украина, модернизираната руска подморничка флота се смета за застрашувачка сила.
И нејзината шпионска нуклеарна подморница „Белгород“, модифициран брод од класата Оскар III управуван од Генералниот директорат за истражување на длабинско море (GUGI), е способен да ги наруши подводните комуникации, а како што пренесува „Јутарни лист“, ако може да ги попречи каблите – зошто не и цевководите?
Меѓутоа, прашањето е дали рускиот претседател Владимир Путин би ризикувал да ги искористи своите подморници за таква работа, под закана од дипломатски и други последици доколку нешто тргне наопаку.
Друга можност е дека можеби биле користени автономни подводни возила или подводни дронови кои носат експлозиви. Но, тие би морале да доаѓаат од брод, а тоа тешко дека би останало незабележано на оваа област, а што се однесува до беспилотните летала, секогаш постои можност да фрлат експлозиви на погрешно место.
Ако претпоставиме дека е користен некаков вид бомба, експлозијата не би морала да се случи директно на цевката бидејќи експлозијата се зголемува под вода, па за истото количество полнење може да се постигне многу поголем ефект под површината отколку на брегот.
Иако штетата немаше непосредно влијание врз снабдувањето со енергија на Европа – континентот претходно се сврте кон складирање залихи и алтернативни извори, па оваа епизода, како што пишува „Вашингтон пост“, најверојатно ќе го означи крајот на проектот за гасоводот Северен тек, што е повеќе од дводецениски напор што ја продлабочи европската зависност од рускиот гас и сега се смета за „тешка стратешка грешка“.
Двете експлозии доведоа до истекување на сите три цевководи на подводниот гасовод што ги поврзува Русија и Германија, како резултат на што на површината на данските и шведските води почнаа да излегуваат гасни меури, создавајќи „дамка“.
„Тоа се намерни дела, а не случајност“ изјави во вторникот данската премиерка Мете Фредериксен.
Во морето истече големо количество гас, како што соопшти данската агенција за енергетика – на бродовите и авионите им беше наредено да останат најмалку пет наутички милји од овие локации. Британски „Телеграф“ истакнува дека истекувањето на гасоводи во морето е ретко и дека три истовремено укажуваат на саботажа.
Со оглед на тоа дека цевката е на длабочина од само околу 70 метри, тајното влегување на нуклеарна подморница во Балтичкото Море би било многу тешка задача, ако не и невозможна, пренесува „Јутарњи лист“. Додека нуркачите можат да оперираат на тие длабочини, морските струи може да бидат многу незгодни, а секој придружен брод – подморница или брод – најверојатно би бил забележан со оглед на густината на сообраќајот во областа.
Се вели дека руските подморници се многу добро обучени за такви операции бидејќи со децении ги усовршувале своите вештини „истражувајќи“ подводни интернет кабли по должина на Северниот Атлантски Океан. Подморничките сили на Советскиот Сојуз беа познати меѓу западните поморски команданти по нивната способност да се движат по морското дно со специјално дизајнирани инженерски уреди за време на Студената војна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео/Фото) Масивен руски напад со дронови врз Киев, Харков и Одеса

Руските сили ја нападнаа Украина со беспилотни летала од типот „Шахед“, при што најтешко се погодени Харков, Одеса и Киев, според локалните власти. Во Харков, повеќе од 20 цивили беа повредени откако беспилотните летала погодија станбени области и цивилна инфраструктура во раните утрински часови.
Градоначалникот Ихор Терехов и началникот на Харковската регионална воена администрација, Олех Синегубов, потврдија дека се погодени областите Шевченковски и Слобидски. Оштетена е детска градинка и неколку станбени згради.
Според последниот извештај на Синегубов, повредени се вкупно 23 лица, вклучувајќи три деца. Петнаесет лица се ранети во Шевченковски, а осум во Слобидски. Најмалку три лица, вклучувајќи едно дете, се хоспитализирани со умерени повреди. Службите за итни случаи се уште се на терен.
Напад врз Одеса
Околу 1 часот по полноќ, началникот на регионалната воена администрација на Одеса, Олех Кипер, предупреди дека градот е нападнат од беспилотни летала. За време на тревогата, локалните канали на Телеграм објавија експлозии, проследени со повеќе детонации. Кипер подоцна потврди дека едно лице загинало во нападот.
„И покрај активната работа на воздушната одбрана, имаше уништување и штета на цивилната инфраструктура во градот, вклучувајќи автосервиси и патнички возила“, напиша тој.
Тој додаде дека нападот предизвикал пожар во колибата на чуварот во близина на новоизградена зграда. „За жал, еден чувар беше убиен. Искрено сочувство до неговото семејство и пријателите. Сите надлежни служби работат на отстранување на последиците“, се вели во извештајот.
Киев, исто така, нападнат
Во меѓувреме, Киев беше цел на беспилотни летала „Шахед“ рано наутро во понеделник. Градот доживеа два воздушни напади: од 1:37 до 2:15 часот наутро и повторно од 7:48 до 8:04 часот наутро. Главниот град претрпе штета во неколку области, од кои најсериозна последица беше прекинот на снабдувањето со топла вода за 500 згради, вклучувајќи училишта, болници и државни институции. Немаше повредени.
Во населбата Десњан, остатоците од дронот ја оштетија фасадата на административната зграда, гасовод и резервоар. Избувна пожар, кој брзо беше изгаснат. Во Соломјански, остатоците од дрон паднаа врз перална за автомобили, оштетувајќи возила и водоводна цевка. Во Холошијевско, остатоците скршија прозорци на канцеларии и оштетија цевка за греење со голем дијаметар, оставајќи стотици згради без топла вода.
Градоначалникот на Киев, Виталиј Кличко, ја потврди штетата на Телеграм, додавајќи дека комуналните претпријатија веќе работат на враќање на снабдувањето.
Шефот на Кабинетот на претседателот, Андриј Јермак, реагираше на најновиот напад со објава на Телеграм: „Одеса, Харков. Повторно масовни руски напади – цивили и нивните домови повторно се убиени“.
Тој истакна дека една од клучните цели на одбраната е да се спречи непријателот да произведува оружје за масовно уништување. Рускиот воено-индустриски комплекс, рече тој, мора да биде ослабен со сите расположиви средства – од санкции до директни напади.
Европа
(Видео) Експлодира бензинска пумпа во Рим, неколку повредени, тројца со сериозни изгореници

Неколку лица се повредени, меѓу кои тројца со сериозни изгореници, по експлозија на бензинска пумпа во Рим, јавуваат медиумите.
#Últimahora 🚨 Sentida en #Roma una fuerte explosión originada en un depósito de combustible de #Centocelle. Hay varios heridos.#Rome #Italia #Italypic.twitter.com/DNyPh0Vr7e
— eSPAINews (@eSPAINews_) July 4, 2025
Силна експлозија на дистрибутивна станица за бензин, дизел и течен нафтен гас на Виа деи Гордијани се слушнала во целиот италијански главен град.
Локалниот портал „Рома тудеј“ објави фотографија, на која се гледа огромен облак од чад и пламен над бензинската пумпа.
BREAKING: A powerful explosion struck a fuel depot on Via dei Gordiani in Rome, Italy, injuring multiple people. pic.twitter.com/Aw0EM1dhEW
— Weather Monitor (@WeatherMonitors) July 4, 2025
Агенцијата за јавен превоз во Рим, „Атак“, соопшти дека блиската метро-станица Теано е затворена по наредба на полицијата.
Европа
(Видео) Украинците со дронови нападнаа трафостаница во близина на Москва

Украина изврши напад со беспилотно летало врз областа Сергиев Посад во близина на Москва рано утрово, при што едно лице беше повредено и беше прекинато снабдувањето со електрична енергија во делови од верски значајниот центар, изјави раководителот на областа.
„Ги молам сите да останат смирени, да не се приближуваат до прозорците, да не ја фотографираат работата на воздушната одбрана“, напиша Оксана Јероханова во објава на апликацијата за пораки Телеграм.
Таа рече дека во округот – на околу 75 километри од Кремљ – биле пријавени најмалку четири експлозии и дека е оштетена трафостаница, оставајќи делови од округот без електрична енергија.
Drones strike Russia’s Sergiyev Posad in the Moscow region, with a power station among the damaged targets. pic.twitter.com/H2vVCwddql
— KyivPost (@KyivPost) July 4, 2025
Административниот центар на округот, градот Сергиев Посад, се смета за религиозен центар на Московскиот регион и духовно срце на Руската православна црква.
Руското Министерство за одбрана соопшти на Телеграм дека единиците за воздушна одбрана уништиле 48 украински беспилотни летала над пет руски региони преку ноќ. Министерството, кое известува само за бројот на беспилотни летала што ги уништиле неговите сили, а не за бројот на летала лансирани од Украина, не го наведе Московскиот регион како регион каде што биле соборени беспилотните летала.