Свет
Данската влада им препорачува на бензинските пумпи и на продавниците да работат само со кредитни картички
Данската влада размислува да им даде на продавниците и бензинските пумпи можност за безготовинско работење како мерка против криминалот, пренсува „Локал“.
Пратениците треба да размислат за олеснување на тековните правила според кои огромно мнозинство од продавниците мора да прифаќаат готовински плаќања.
Предложените измени на правилата ќе им овозможат на бизнисите како бензинските пумпи, стоковните куќи и продавници за облека да работат само со картички и со онлајн форми на плаќање.
„Таквата мерка ќе обезбеди дополнителна безбедност за продавниците. Денес се помалку луѓе користат готовина, па сметаме дека треба да постои рамнотежа помеѓу тешкотиите и безбедносните ризици наметнати врз сопствениците на бизниси и придобивките од прифаќањето готовина,“ вели министерот за бизнис, Расмус Јарлов.
Законот од 2017 година им овозможи на одредени продавници да аплицираат за безготовинско работење во периодот од 22 до 6 часот, но владата очекува определен број продавници да ја искористат можноста за целосно исклучување на готовинското плаќање ако им се понуди.
„Ако се уште сакате да користите готовина, би ве советувал да им кажете тоа и на продавниците каде што купувате. Очекувам бизнисите да ги слушаат своите клиенти. Ние не принудуваме никого да престане да користи готовина,” додаде Јарлов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ги повлекува тенковите Абрамс од борба: Пет од нив веќе се уништени во руските напади
Украина ги повлече од борбата тенковите Абрамс М1А1 испратени до неа од САД, делумно затоа што нападите со руски беспилотни летала ја попречија работата на тие тенкови и затоа што тие се цел на напади, изјавија за АП двајца американски воени претставници.
Засега, тенковите се преместени од првите линии на фронтот, а САД ќе соработуваат со Украинците за да најдат нова тактика за користење на тие тенкови, изјавија заменик-претседателот на Здружениот генералштаб, адмирал Кристофер Грејди и неименуван претставник на одбраната.
САД одобрија испраќање 31 тенк Абрамс во Украина во јануари 2023 година, откако украинските власти побараа нивна испорака, тврдејќи дека тенковите, кои чинат по околу 10 милиони долари, се од витално значење за пробивање на руските борбени линии.
Оттогаш фронтот значително се промени, особено поради употребата на руски извидувачки беспилотни летала, што им отежна на украинските сили да ги заштитат тенковите Абрамс од руски напади, бидејќи беспилотните летала брзо ги откриваат, наведува АП.
Агенцијата додава дека пет од 31 тенк Абрамс веќе се уништени во руските напади.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.