Свет
Деветмесечно бебе почина заклучено во автомобил: бабата го оставила на жештината со часови во Тексас
Деветмесечно бебе во Бивил, Тексас, било оставено од страна на нејзината баба во автомобил. Попладнето го пронашла детето врзано на детско седиште на задното седиште без знаци на живот.
Бебето починало од топлотен удар, откако неговата баба со часови го оставила во автомобилот врзано за детско седиште, пренесува „N1“.
Трагедијата се случила во градот Бивил во сојузната држава Тексас, кој води во САД по бројот на такви смртни случаи кај децата. Дури 156 деца починале на ист начин во последните 23 години во таа земја, пишува „Дневник.хр“.
Последниот случај се случил откако бабата го заборавила детето во автомобилот. Таа го напуштила возилото во 08:30 часот и се вратила во возилото околу 16 часот за да го пронајде детето без знаци на живот.
Само ден претходно, 22-месечно дете загина во автомобил во Корпус Кристи.
„Овој случај го третираме како убиство. Засега не е покренато обвинение против никого, но најверојатно тоа ќе биде направено“, соопшти окружната полиција додавајќи дека истрагата се уште е во тек.
Само оваа година во САД имало најмалку 25 случаи во кои мали деца загинале затворени во жешки автомобили, пишува „ABC News“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Фото) Грчки нуркачи го чистеа морето кај Солун, не можеле да поверуваат што пронашле
Тим од 20 нуркачи волонтери го чистеа брегот кај Солун и извлекоа неочекуван „улов“ од водата: цела флота возила, наведуваат на страницата Никана.гр.
„Дваесет нуркачи волонтери, со помош на други членови на тимот и механизација, го чистеа брегот кај Солун на потегот од Белата кула до првото пристаниште. Како што можете да видите на сликите, „фатен е“ цел арсенал на превозни средства“, скутери, велосипеди, па дури и помали мотори. Им честитаме на волонтерите и секако ги поддржуваме ваквите акции кои придонесуваат за почиста морска средина“, беше наведено заедно со фотографии од местото на настанот.
Многумина беа шокирани, на луѓето не им е јасно како и зошто сето ова се нашло на морското дно, а објавата брзо стана вирална како предупредување за околината.
Регион
Трагедија во Улцињ: се удави Украинец, жената и детето извлечени во последен момент
Во текот на денот се случила несреќа на црногорското приморје кога на плажата кај Улцињ се удави 36-годишниот Украинец О.Ј., објавија црногорските медиуми.
„Беше во морето со сопругата и синот, тој загина, а сопругата и детето беа спасени благодарение на Холанѓанецот кој ги извлече. Нивните животи не се во опасност“, потврдија од полицијата за РИНА.
Инаку, поради лошите временски услови од претходните денови, се апелира до граѓаните и туристите да внимаваат кога е во прашање капењето во море и возењето чамци.
Европа
Австрија се подготвува за поплави и лизгање на земјиштето, Салцбург издаде предупредување за лавина
Метеоролозите во Австрија во наредните денови очекуваат обилни врнежи од дожд со потенцијални поплави и лизгање на земјиштето, соопшти државниот метеоролошки институт Геосфера Австрија.
Од вечерва во поголемиот дел од Австрија се очекува да наврнат околу 200 литри на квадратен метар.
Службите за вонредни состојби долж Дунав се подготвуваат за ретки нивоа на поплави, кои обично се случуваат еднаш во деценија или помалку, според властите. Луѓето поставија мобилни системи за заштита од поплави и наполнија вреќи со песок.
На патниците им беше кажано да очекуваат доцнења на аеродромот во Виена. „Поради моменталните лоши временски услови на различни европски локации и во Виена, во моментов има изолирани доцнења на полетувањата од аеродромот во Виена“, се вели во извештајот.
На планините снегот предизвика затворање на локалните патишта, а Салцбург предупреди на опасност од лавини.
Поради невремето откажани се неколку концерти на отворено и фудбалски натпревари.