Европа
Девет држави од ЕУ ги укинаа ковид-мерките за влез во земјата
Девет членки на ЕУ и Шенген зоната целосно ги укинаа мерките за ковид за влез во земјата.
Еден број го олеснил режимот за влез, а останатите ги задржале мерките за одредени категории патници, покажуваат податоците на порталот „Шенгенвизаинфо њуз“.
Така, Данска, Унгарија, Исланд, Ирска, Норвешка, Полска, Романија, Словенија и Шведска ги укинаа сите мерки за влез на сите патници во земјата.
Чешка, Летонија и Холандија ги укинаа ограничувањата за Ковид-19 за влез само за патници од земјите на ЕУ и членки на Европската економска област (ЕЕА).
Австрија, Белгија, Кипар, Естонија, Финска, Франција, Хрватска, Германија, Грција, Литванија, Малта, Португалија, Словачка и Шпанија ги задржаа мерките за влез во земјата.
Оние кои сакаат да влезат во Австрија, на пример, мора да покажуваат валиден сертификат за вакцинација, прележан Ковид-19 или негативен тест. Истите правила важат за влез во Белгија, Бугарија, Хрватска, Германија …
Кипар, на пример, е уште построг и во земјата ги пушта без никакви ограничувања, вакцинираните и оние кои го прележале вирусот, додека другите патници, доколку нивната земја е на таканаречената зелена листа, можат да влезат со негативен тест, а на оние кои пристигнуваат од држава која е на црвената листа, потребен им е дополнителен тест при пристигнувањето.
Естонија го задржа правилото дека само вакцинираните и оние кои го прележале коронавирусот можат да влезат во земјата без карантин или без обврска таму да се тестираат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Човек ненадејно почина на лет од Бугарија: авионот принудно слета во Келн
Авион на Jet2 од Бугарија за Велика Британија ненадејно бил пренасочен кон Келн, откако еден патник починал за време на летот.
Летот LS3214 полета од Бургас, Бугарија за Ливерпул во понеделникот околу 13 часот по локално време, пред екипажот да прогласи вонредна состојба два часа подоцна.
Авионот бил пренасочен кон Келн, а по слетувањето на оддалечената писта на аеродромот околу 15 часот и 32 минути, кон авионот веднаш се упатила брзата помош.
Мажот, наводно, добил срцев удар и бил прогласен за мртов, и покрај огромните напори на патниците и екипажот да го реанимираат, пишува Мирор.
По неколку часа поминати на аеродромот, авионот конечно повторно полета за Ливерпул во 21.17 часот и слета во Велика Британија во 22.27 часот.
Европа
Советникот на Зеленски: Кина е најголемиот проблем
Приближно 60 отсто од странските делови на руското оружје што се користи на бојното поле во Украина доаѓаат од Кина, изјави денеска Владислав Власиук, советник на украинскиот претседател.
„Ако ги земете сите вообичаени видови оружје и ги броите компонентите произведени во странство, околу 60 отсто ќе бидат од Кина. Имавме долги разговори со некои производители за ова. Би рекол дека НР Кина е најголемиот проблем“, рече Власиук.
Советникот на Володимир Зеленски рече дека некои од важните делови што се користат во надзорот, беспилотните летала и ракетите доаѓаат од САД, Холандија, Јапонија и Швајцарија, заедно со други западни земји.
По почетокот на руската агресија врз Украина во февруари 2022 година, меѓународната заедница воведе трговски санкции кон Москва, но Русија оттогаш успеа да ја снабди својата воена машина со западни микрочипови и полупроводници, пишува Ројтерс.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.