Свет
Девојка била малтретирана од претпоставениот офицер во војска, па се самоубила: телото ѝ било пронајдено во кампот „Лахрил“
19-годишната Џесли Бек извршила самоубиство бидејќи подолг период трпела сексуална злоупотреба од претпоставениот, покажале резултатите од истрагата.
Нејзиното тело беше пронајдено во декември 2021 година во кампот „Лархил“.
Во извештајот, кој потоа беше објавен, се наведува дека „подолг период била изложена на непријатното однесување на својот претпоставен“.
Нејзиниот шеф, офицер што не е именуван од правни причини, бил задолжен за давање наредби на Џесли.
Џесли им кажала на пријателите и семејството дека на почетокот го гледала својот шеф како пријател и се трудела да биде разбирлива, но неговото однесување станало неподносливо.
Во октомври 2021 година таа примила 1.000 пораки, но следниот месец тој број се зголемил на 3.500.
Тој наводно сакал да биде во врска со Џесли, но таа го одбила бидејќи во тоа време имала момче.
Џесли ѝ се приклучила на војската на 16-годишна возраст. Мајка ѝ за Би-би-си изјавила дека ќерка ѝ носи светлина каде и да се појави. Мајката вели дека неколку дена пред смртта почнала да се плаши поради однесувањето на претпоставениот.
Ја терала ќерка си да го пријави претпоставениот, но Џесли не го сторила тоа бидејќи не сакала да го повреди.
Воен портпарол рече дека нивните мисли се со семејството и пријателите на Џесли во тешкиот момент.
„Армијата ги прифати сите 18 препораки наведени во извештајот, а 15 од нив се веќе спроведени“, е соопштено.
Како умре Џесли, ќе се знае дури кога истрагата ќе биде целосно завршена, пренесуваат локалните медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Продолжување на вонредната состојба и општа мобилизација во Украина
Претседателот на Украина, Володимир Зеленски денеска го потпиша законот за продолжување на вонредната состојба и општа мобилизација од 14 мај до 11 август.
Зеленски на 6 мај достави до парламентот предлог за продолжување на вонредната состојба и општа мобилизација за уште 90 дена, објави „Киев индепендент“.
Украинскиот парламент гласаше да го одобри продолжувањето два дена подоцна.
Тој претходно ја продолжи вонредната состојба и мобилизацијата од 14 февруари до 14 мај.
Зеленски првпат прогласи вонредна состојба и општа мобилизација на 24 февруари 2022 година, кога Русија започна напад врз Украина.
Оттогаш, мерката беше продолжена неколку пати.
Оваа мерка значи дека Украинците на возраст меѓу 18 и 60 години, со некои исклучоци, не можат да ја напуштат земјата бидејќи може да бидат повикани на воена служба.
Во април, парламентот усвои закон за ажурирање на правилата за мобилизација додека земјата се обидува да ги надополни редовите на своите вооружени сили.
Свет
Нетанјаху по најавата на Бајден дека ќе престане да испраќа оружје: Ќе се бориме со нокти
Бенјамин Нетанјаху рече дека Израел ќе „застане сам“ ако мора, откако САД се заканија дека ќе престанат да испраќаат оружје до својот сојузник, пишува „Скај Њуз“.
„Ќе се бориме со нокти ако треба, но имаме многу повеќе од нокти“, рече Нетанјаху, а потоа додаде:
„И со таа сила на духот, со Божја помош, заедно ќе победиме“.
Американскиот претседател Џо Бајден изјави дека ќе ја прекине испораката на оружје за Израел доколку го нападне Рафа на југот на Газа.
Ројтерс ги пренесе изјавите на палестинските сведоци кои рекоа дека израелски тенкови и воени авиони го бомбардирале Рафа. Хамас исто така потврди дека неговите борци истрелале противтенковски ракети и минофрлачи врз израелските тенкови.
Инаку, Израел тврди дека борците на Хамас се кријат во Рафа, град во кој стотици илјади луѓе побарале засолниште од бомбардирањето што се случува на палестинската територија.
Европа
На парадата на Путин имаше само еден тенк, луѓето се потсмеваат: „Па, барем вози“
Иако воената парада во Москва е нормално можност Русија да се пофали со својата војска, оваа година само еден тенк помина низ Црвениот плоштад. За работите да бидат уште поинтересни, тоа беше тенк Т-34, произведен пред 90 години – уште пред да се роди Путин.
Да потсетиме, на воената парада и минатата година учествуваше еден тенк, истиот Т-34. Многумина го исмеваат Путин поради ова.
The only Russian tank present at today’s Victory Day parade in Moscow is a single T-34. pic.twitter.com/ut3T6zr31v
— OSINTtechnical (@Osinttechnical) May 9, 2024
„Овој Т-34, легендарниот советски тенк од Втората светска војна, беше единствениот руски тенк изложен на парадата на Денот на победата на Црвениот плоштад денес“, напиша Макс Седон, шеф на московското биро за „Фајненшл тајмс“. „Сите останати мора да се некаде зафатени!“
Про-украински корисник на „Икс“ напиша: „Па, барем вози“.
Друг корисник додаде: „Ништо не говори „втора армија на светот“ како осамениот тенк на победничката парада втора година по ред“.