Свет
Демонстрантите ja запалија државната зграда во Ирак

Демонстрантите ја запалиле локалната канцеларија на парламентот во Басра, а безбедносните сили пукале во воздух за да ги растераaт, пренесува „Ројтерс“.
Демонстрантите побарале ирачкиот парламент да го отпушти гувернерот на покраината кога двајца активисти на опозицијата беа убиени и неколкумина ранети во три одделни напади од непознати вооружени лица неделава.
Бранот насилство почна кога активистот Тахсен Осама беше убиен минатата недела по што следуваа тридневни улични демонстрации за време на кои полицијата употреби куршуми против демонстрантите што фрлаа камења и „молотови коктели“ кон куќата на гувернерот и блокираа неколку големи патишта.
Премиерот Мустафа ал-Кадими ги отпушти шефовите на полицијата и на националната безбедност во Басра и нареди истрага за насилството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Фото) Најголемиот американски носач на авиони во Норвешка; НАТО: Не го гледате ова секој ден

Втора ноќ по ред, неидентификувани дронови летаа над данското небо, потврди данското Министерство за одбрана. Ова е најновиот во низата инциденти што се регистрирани над воените бази во една недела, а поради кои исто така привремено беше затворен и аеродромот во Копенхаген.
Како одговор на зголемените закани, НАТО објави засилување на својата мисија во Балтичкото Море со испраќање фрегата за воздушна одбрана и дополнителни средства за следење и надзор.
That's something you don't see every day!
The world’s largest aircraft carrier, 🇺🇸 USS Gerald R. Ford, sailing in the Oslofjord 🇳🇴 pic.twitter.com/nJ6xmpo6Xv
— NATO (@NATO) September 28, 2025
НАТО објави фотографија од најголемиот носач на авиони во светот како плови во норвешки води на својот официјален Икс профил.
„Ова е нешто што не се гледа секој ден. Најголемиот носач на авиони во светот, USS Gerald R. Ford, плови во Ослофјорд“, се вели во соопштението на НАТО.
Слични инциденти се регистрирани во Норвешка, каде што неидентификувани авиони се видени во близина на воени бази, а полицијата продолжува да истражува инциденти во воздухопловната база Орланд.
фото: принтскрин
Свет
Италијанската полиција фати Албанец со над 27 килограми кокаин

Италијанската полиција уапси 47-годишен албански државјанин, откако во автомобилот му биле пронајдени 27,6 килограми кокаин.
Дрогата била скриена во посебен простор под предните седишта на возилото.
Покарај кокаинот, полицијата го конфискува и возилото, а приведениот е однесен во притвор во затворот во Катанија.
Според албанските медиуми во италијанските затвори се наоѓаат над 2.000 албански државјани, осудени главно за трговија со дрога.
Регион
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.