Контакт

Свет

Детали за летот на Зеленски до САД: Украинскиот лидер бил следен од цела флота шпионски и борбени авиони на НАТО

Објавено пред

Флота од тајни шпионски и борбени авиони на НАТО го следеше украинскиот претседател Володимир Зеленски додека тој патуваше од Киев до Вашингтон во САД, пишува „Дејли мејл“.

dobivaj vesti na viber

Боинг Ц-40А на американската морнарица го превезувал Зеленски преку Атлантскиот Океан, а на тој дел од патувањето го придружувал и борбен авион.

Посетата на украинскиот претседател на САД првпат беше спомната кога претседателката на Претставничкиот дом на САД, Ненси Пелоси, учествуваше на Првиот парламентарен самит на Меѓународната кримска платформа во Загреб на крајот на октомври. Американскиот претседател Џо Бајден и Зеленски разговараа за средба во Вашингтон на 11 декември, а Белата куќа официјално го покани украинскиот лидер на 14 декември.

Зеленски им кажа на Бајден и на Белата куќа дека сака неговото прво патување во странство од почетокот на војната во Украина да биде во САД. Украинскиот претседател на 16 декември ја прифати поканата, а два дена подоцна беше потврдено дека тој навистина ќе дојде во Вашингтон. Тогаш за се беше информиран кабинетот на претседателката на Претставничкиот дом, Ненси Пелоси.

Десетчасовното патување на Зеленски, кое вклучуваше средба со Бајден во Овалната соба, нивната заедничка прес-конференција во Белата куќа и обраќање пред американскиот Конгрес, беше организирано релативно брзо.

Зеленски пристигна од Украина рано во средата на железничката станица во полскиот град Пжемишл, град недалеку од украинско-полската граница каде прво пристигнуваат многу од оние што бегаат од војната во Украина. Украинскиот претседател потоа беше префрлен на аеродромот во Жешов заедно со американската амбасадорка во Украина Бриџит Бринк во возилото на американската амбасада. Зеленски се качи на авионот во 08:15 часот, кој потоа го префрли во воздухопловната база Ендрјус во американската држава Мериленд, недалеку од Вашингтон, каде што слета нешто по 12:00 часот. До Белата куќа може да се стигне со автомобил од воздухопловната база Ендрус за 30 минути.

Зеленски леташе со авион на американското воено воздухопловство што вообичаено го користат официјални лица кои се наоѓаат веднаш под американскиот претседател и потпретседател по важност.

Белата куќа ја испрати потврдата за пристигнувањето на Зеленски дури во среда во 01 часот, бидејќи сакаше да се увери дека тој без проблеми ја напуштил Украина.

За безбедно прелетување над Северното Море и руските подморници кои патролираат во него, од Германија е испратен шпионски авион Боинг Е-3 Сентри, познат и како АВАКС.

Додека леташе над Велика Британија, го следеше борбен авион McDonnell Douglas F-15 Eagle на американските воздухопловни сили, кој вообичаено е стациониран во базата во Милденхол, округот Сафолк. Штом Зеленски го напушти шкотскиот воздушен простор, Ф-15 се врати во базата.

Летот со кој Зеленски пристигна од Европа во САД, љубопитните можеа да го следат преку Интернет во последната етапа од патувањето, додека патуваше преку Атлантикот. Накратко се појави и на онлајн услугите за следење летови додека минуваше низ Германија.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Орбан: Зеленски е комичар кој глуми претседател

Објавено пред

Унгарскиот премиер Виктор Орбан го нарече украинскиот претседател Володимир Зеленски „комичар“ кој „ја игра улогата на претседател“.

dobivaj vesti na viber

Во интервју за „Јутуб“ каналот „Домољуб“, Орбан се потсети на своите минатогодишни посети на Украина, Русија, Кина и САД со цел да почне мировна иницијатива, велејќи дека Киев го одбил.

Зеленски, рече Орбан, создал нов тип „политичар-влијателен, актер или комичар“, но дека „неговото претходно искуство не му помага во она што го прави сега, особено не во средината на војна“. Според него, Зеленски „ја игра улогата на претседател“, додавајќи дека двајцата „не успеале да разговараат за подлабокиот контекст“.

Прикажи повеќе...

Свет

Зеленски се сретна со папата Лав во Ватикан

Објавено пред

Украинскиот претседател Володимир Зеленски се сретна со папата Лав XIV и му се заблагодари за напорите на Ватикан да помогне во враќањето на децата земени од Русија.

dobivaj vesti na viber

И Зеленски и Лав предложија Ватикан да биде домаќин на мировни преговори за завршување на војната.

Зеленски го посети Лав во папската летна резиденција во Кастел Гандолфо, во ридовите Коли Албани јужно од Рим. Зеленски е во Рим за четвртата Конференција за реконструкција на Украина, која се одржува утре и петок.

Ватикан објави дека Лав и Зеленски разговарале за конфликтот „и за итната потреба од праведен и траен мир“.

„Светиот Отец го изрази своето жалење за жртвите и ги обнови своите молитви и блискост со украинскиот народ, охрабрувајќи ги сите напори насочени кон ослободување на затворениците и барање заеднички решенија“, се вели во соопштението на Ватикан. „Светиот Отец уште еднаш ја изрази својата подготвеност да биде домаќин на претставници на Русија и Украина во Ватикан за преговори“.

Соединетите Американски Држави посочија дека Ватикан би можел да биде домаќин на можни мировни преговори меѓу Украина и Русија, но Москва сè уште не го прифатила ова.

Во разговор со новинарите по напуштањето на папската вила, Зеленски рече дека му се заблагодарил на американскиот папа за напорите на Ватикан да помогне во повторното обединување на децата земени од Русија по инвазијата во 2022 година.

Експертите поддржани од ОН проценуваат дека околу 20.000 украински деца се насилно депортирани или префрлени од окупираните територии на Украина во Русија, иако точниот број е тешко да се утврди.

Прикажи повеќе...

Свет

Папата Лaв: Светот гори поради вооружените конфликти и глобалното затоплување

Објавено пред

Папата Лав денес го прекина двонеделниот одмор за да одржи посебна миса со која ги повикува католиците да се грижат за создадениот свет, за справување со глобалните климатски промени.

dobivaj vesti na viber

„Светот гори поради вооружените конфликти и глобалното затоплување“, рече папата.

„Мора да се молиме за многу луѓе кои сè уште не ја гледаат итноста од грижата за нашиот заеднички дом“, рече папата.

Новиот папа рече дека Црквата со 1,4 милијарда члена е посветена да зборува за ова прашање, „дури и кога е потребна храброст за да се соочиме со деструктивната моќ на владетелите на овој свет“.

Мисата вклучуваше молитва за жртвите од поплавите во Тексас, каде што до вторникот загинаа најмалку 109 луѓе.

Кардиналот Мајкл Черни, висок функционер на Ватикан, кој помогна во организирањето на мисата, за „Ројтерс“ изјави дека одлуката на папата да го скрати својот одмор е знак за важноста што ќе ја придаде на еколошките прашања.

Прикажи повеќе...

Најново

Македонија3 часа

(Фотогалерија) Армијата вклучена во гаснењето на пожарите

Армијата согласно одлуката на претседателката Гордана Сиљановска-Давкова за учество на дел од припадниците на Армијата во гаснењето на пожарите и...

Македонија4 часа

Тошковски: Пожарите можеби се дел од поинакво сценарио, истрагите за подметнувања се во тек

Министерот за внатрешни работи, Панче Тошковски, изјави дека денеска бил тежок ден со вкупно 20 пожари ставени под контрола, а...

Македонија6 часа

Ангажирани 60 војници за пожарот кај Ѓорче Петров, грчките канадери упатени кај Дојран

По барање на Центарот за управување со кризи, грчки канадери веќе дејствуваат на пожарот кај селото Николиќ, во близина на...

Македонија7 часа

Најдено починато лице во близина на пожар во Кривопаланечко

Едно лице е најдено починато во близина на пожар во сeлото Лозаново, Кривопаланечко, соопшти МВР. Во присуство на јавен обвинител...

Македонија7 часа

Општина Крива Паланка до граѓаните: Излезете и помогнете, состојбата со пожарите е сериозна

Крива Паланка попладнево е зафатена од голем пожар. Од општината информираат дека огнот претставува сериозна закана за домовите, шумите и...

Македонија8 часа

(Видео) Мицкоски за извештајот во ЕП: Ова е уште една неправда врз Македонија – не се работи за Бугарите во Уставот, туку за идентитетот и јазикот

Ова е уште една неправда врз Македонија – не се работи за Бугарите во Уставот, туку за идентитетот и јазикот,...

Македонија9 часа

(Видео) Целосно прекинат сообраќајот кон ГП Блаце поради пожар

Министерството за внатрешни работи ја известува јавноста дека поради повторно разгорување на пожарот во близина на Блаце, целосно е прекинат...

Македонија10 часа

(Видео) Пожарот кај Лозаново закана за домовите, градоначалникот на Крива Паланка бара итна интервенција

Во директна опасност од огнената стихија се наоѓаат населеното месо Лозаново и домовите на жителите, соопшти градоначалникот на Крива Паланка,...

Македонија10 часа

На територијата на Македонија активни 10 пожари

Според последните податоци од Центарот за управување со кризи, до 13 часот на територијата на целата држава имало 14 активни...

Македонија12 часа

Повредено лице во пожарот во Шуто Оризари, пукотниците се од плински уреди на хаварисани возила, кои горат во отпад за железо

Едно лице утрово е повредено при гаснењето на пожарот во Шуто Оризари, од кој се креваат облаци густ црн чад....

Македонија13 часа

(Видео) Полицискиот хеликоптер утринава фрли 30 тони вода врз пожарот во Дојран

Во утринската акција за гаснење на пожарот во Дојран беше активиран хеликоптерот „агуста бел 212“, со кој во повеќе налети...

Регион15 часа

Вајц: Мора да се бориме против српското влијание во Северна Македонија

Во Северна Македонија гледаме многу странско влијание. Мора да се бориме против него, без разлика дали е српско, кинеско или...

Македонија15 часа

(Видео) Ангелов: Пожарот во Чучер-Сандево е целосно изгаснат, денеска фокусот ќе биде гасењето на пожарот во Дојранско

Рано утрово пожарот кој три дена гореше во атарот на општина Чучер-Сандево е целосно изгаснат. Сè уште се гледа чадење...

Свет16 часа

(Видео) Пентагон ги запре испораките на оружје за Украина, Трамп не знаеше: „Беше затекнат“

Министерот за одбрана на САД, Пит Хегсет, минатата недела не ја известил Белата куќа дека планира да ги запре испораките...

Свет17 часа

(Видео) Трамп на тајна снимка: Му реков на Путин дека ќе ја бомбардирам Москва ако ја нападне Украина

Американскиот претседател Доналд Трамп им рекол на донаторите собрани на приватен настан во 2024 година дека му се заканил на...

Свет17 часа

Министерот на Трамп: Собравме 100 милијарди долари од царини

Министерот за финансии, Скот Бесент, изјави дека САД досега собрале околу 100 милијарди долари приходи од царини оваа година, а...

Свет17 часа

Француски разузнавач: Никој не можеше да направи совршена процена на ситуацијата во Иран

Состојбата на иранската програма по израелските и американските напади во јуни беше предмет на бројни прашања, а шефот на француската...

Македонија18 часа

На граничните премини од македонска страна нема подолги задржувања за влез и излез од државата

Поради завршување со градежните работи на „Санација на мостот преку река Вардар кај Башино село“ на регионален пат Р1312, делница...

Македонија18 часа

Сончево со мала до умерена облачност, попладне со услови за повремен дожд

Сончево со мала до умерена облачноста. Во северните делови ќе има услови за повремен локален дожд. Ќе дува умерен до...

Македонија1 ден

Во државата се регистрирани 23 пожари, 11 се активни, еден е под контрола, соопшти ЦУК

Центарот за управување со кризи соопшти дека до 19 часот на територија на државата регистрирани се вкупно 23 пожари на...