Свет
Добитниците на Нобеловата нагарада за мир: Путин води луда, криминална војна
Добитниците на Нобеловата награда за мир го повикаа светот да не го положува оружјето во „лудата и криминална“ војна што во Украина ја започна Владимир Путин. Добитници на наградата се три лица од трите главни земји кои учествуваат во конфликтот: белорускиот активист Алес Бјаљацки, кој се наоѓа во белоруски затвор, руската невладина организација Меморијал, распуштена по наредба на руското правосудство и Украинскиот центар за граѓански слободи (CCL).
Ним им беше доделена Нобеловата награда за мир за нивната посветеност на „човековите права, демократијата и мирниот соживот“ против авторитарните сили.
„ Народот на Украина сака мир повеќе од кој било друг во светот“, рече шефицата на Центарот за граѓански слободи (ЦЦЛ) Олександра Матвијчук. „Но, мирот во нападната земја не може да се постигне со полагање оружје. Тоа не би бил мир, туку окупација“, рече таа.
Основана во 2007 година, CCL, на чело со Матвијчук, ги документира воените злосторства извршени од руските трупи во Украина: уништување на станбени згради, цркви, училишта и болници, бомбардирање на коридори за евакуација, принудно раселување на населението, тортура, злосторства…
Во интервју за АФП непосредно пред доделувањето, Матвијчук рече дека го напишала својот говор на свеќи поради бомбардирањето на енергетската инфраструктура на Украина.
Во деветте месеци од руската инвазија, CCL броеше, како што наведува, „повеќе од 27.000 епизоди“ на воени злосторства, а тоа е „само врвот на ледениот брег“.
„Војната ги претвора луѓето во бројки. Затоа, сите жртви на воени злосторства мора да имаат име“, порача таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дачиќ: Припадниците на полицијата евакуираа девет лица од возовите
Веднаш по добиената дојава дека во тунел дошло до судир меѓу патнички и товарен воз, на местото на настанот пристигнале бројни полициски сили и 25 пожарникари-спасувачи со седум возила, со оглед дека екипите на итната медицинска помош нене можеле да се приближат до местото на судирот, изјави вечерва министерот за внатрешни работи Ивица Дачиќ.
Пожарникарите-спасувачи успеале, како што додаде, да стигнат до местото и евакуирале девет повредени лица и ги предале на екипите на итната помош за понатамошно лекување.
„Припадниците на српската полиција се уште се на терен и ги преземаат сите мерки и дејствија од нивна надлежност“, изјави Дачиќ.
Свет
Израелската армија пронајде тела на тројца заложници од Газа: Меѓу нив е и Шани Лук, која беше киднапирана на фестивал на првиот ден од војната
Контраадмиралот Даниел Хагари од израелските одбранбени сили изјави дека армијата пронашла три тела на заложници од Газа, меѓу кои и Шани Лук (22), млада девојка која стана симбол на нападот на Хамас по киднапирањето на музичкиот фестивал.
Хагари рече дека телата – идентификувани како Ицак Гелерентер, Амит Бускила и Шани Лук – биле откриени во операција во текот на ноќта на армијата и израелската служба за безбедност Шин Бет.
Војската не соопшти веднаш детали за тоа каде се пронајдени нивните тела.
Медиумите потсетуваат дека Шани беше на мировниот музички фестивал во близина на Кибуц Урим кога се случи нападот на 7 октомври минатата година. Прво биле испукани ракети, а потоа се појавиле вооружени милитанти кои почнале да пукаат кон толпата, пренесе „Инсајдер“. Посетителите на фестивалот изјавија за Си-Ен-Ен дека луѓето веднаш почнале да бегаат од масакрот, поминувајќи преку мртвите тела на земја.
Недолго по нападот на фестивалот, почна да кружи видео снимка од млада жена опкружена со милитанти на Хамас. Војник ја држел за косата а некои лица ја плукале по телото.
Нејзиното лице не се гледало, но семејството успеало да ја препознае благодарение на нејзините карактеристични тетоважи, напиша „Вашингтон пост“.
Потоа, Рикарда Лук, мајката на Шана, преку видео побара информации за судбината на нејзината ќерка, која имаше 20-ти години и има двојно германско-израелско државјанство, но немало спас за неа, пренесувааат светските агенции.
Свет
Захарова ги предупреди ЕУ, САД и Киев за украинските напади врз Русија: Си играте со оган
Русија ги предупредува САД и ЕУ, како и Киев, кој го контролираат, дека си играат со оган во врска со терористичките напади на украинската армија и дека Русија ќе одговори, изјави портпаролката на руското Министерство за надворешни работи, Марија Захарова.
Таа рече дека режимот во Киев изврши уште еден масовен напад со беспилотни летала и поморски дронови на Крим, Краснодарскиот крај и другите руски региони и дека Русија уште еднаш го предупредува Западот за овие напади дека си игра со оган и дека Русија ќе одговори.
Захарова посочува дека е очигледно дека зад овие „варварски напади“ со западно оружје стојат САД и Велика Британија, кои, како што наведе, го контролираат украинскиот претседател Володимир Зеленски.
„Тие не само што ја снабдуваат со ракети и тешко оружје со зголемен дострел, туку даваат зелено светло за нивна употреба против Русија, со што придонесуваат за натамошна ескалација на конфликтот“, рече Захарова.
По повод одлуката на естонскиот парламент да ја поддржи иницијативата за конфискација на рускиот имот, кој Талин го замрзна во корист на Украина, таа рече дека Русија ќе ги класифицира сите незаконски акти на конфискација на нејзиниот имот како директен грабеж и кршење на одредбите на меѓународното право.
„Непријателските дејствија на балтичките држави кон нашата земја не се нешто ново и едвај сме изненадени. Балтичките држави по правило се користат како полигон за некакви антируски идеи. Во однос на иницијативата на естонскиот парламент , го потврдуваме ставот дека сите незаконски дејствија на одземање на руски имот ги квалификуваме како директен грабеж, кршење на одредбите на меѓународното право“, посочи Захарова.
Како што наведе таа, доколку оваа законска иницијатива стапи во сила, Естонците, всушност, ќе создадат историски преседан: ќе уништат еден од вековните основи на постоењето на западното општество, принципот на неповредливост на приватната сопственост.
„Покрај тоа, во изјавата на првиот заменик генерален директор на ММФ, Гита Гопинат, од 7 мај, се наведува дека плановите на Западот да ги искористи средствата на Руската Федерација може да го поткопа глобалниот монетарен и финансиски систем“, изјави Захарова.
Во исто време, таа го привлече вниманието на фактот дека за време на актуелната посета на рускиот претседател Владимир Путин на Кина, двете земји во заедничка изјава остро ги осудија „иницијативите за запленување имот и имот на странски земји“ и укажаа на правото на таквите земји да преземат одмазднички мерки во согласност со нормите на меѓународното право.
„Русија неизбежно ќе се води од ова неотуѓиво право“, рече Захарова.