Свет
Доктор од болницата „Ал Шифа“: Израелските сили постојано нѐ испрашуваат за Хамас

Лекарот во палестинската болница „Ал Шифа“ во Газа, Ахмед ел-Михалати, рече дека израелските сили постојано ги испрашуваат вработените во болницата за Хамас.
„Вообичаеното прашање е – дали знаете нешто за групата Хамас, дали знаете нешто за тунелите под болницата?“, изјави Ел Михалати за Си-ен-ен додавајќи дека персоналот е ограничен да се движи во болницата, која ја посети минатата недела. Таму, како што раскажува, влегла израелската војска.
Голем број пациенти беа евакуирани во текот на викендот од „Ал Шифа“, вклучително и 31 бебе, кои беа префрлени во болницата„ Ал-Хелал ал-Емирати“ во јужниот дел на Газа.
Ел Михалати рече дека две бебиња и двајца возрасни починале во саботата, а останале 259 пациенти, седум лекари и пет медицински сестри во болницата.
Тој нагласи дека болницата останува без анестетици, боци со кислород, лекови и резерви крв, пренесува „Танјуг“.
Апелирајќи до меѓународната заедница да помогне, тој изјави дека израелските сили само еднаш доставиле вода и храна во болницата.
Израел тврди дека под најголемата болница во Газа има командни центри и тунели на Хамас, а палестинската милитантна група ги отфрла овие тврдења.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколкумина загинаа откако патнички воз излета од шините во југозападна Германија

Неколку лица загинаа, а многу други се повредени откако патнички воз излета од шините во југозападна Германија, јави ДПА, повикувајќи се на безбедносни извори.
Спасувачките тимови се на местото на настанот и го пребаруваат возот и околината во потрага по патници.
Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.