Свет
Драма во Лос Анџелес: Маж уби патник и киднапирал автобус
Драматичниот инцидент се случил околу 12:45 часот кога полицијата добила итен повик за пукање и киднапирање на автобус на улицата Фигаро и авенијата Манчестер.
Осомничениот застрелал патник во автобус во Лос Анџелес пред да го киднапира возилото, а потоа ја предводел полицијата во дива потера што траела повеќе од еден час пред да биде уапсен, соопшти полицискиот оддел на Лос Анџелес (LAPD).
Полицијата соопшти дека осомничениот убил едно лице пред да го држи возачот под закана и да го принуди да вози на север. За време на почетната фаза од киднапирањето, други патници биле забележани како излегуваат од автобусот, соопшти полицијата.
Потерата заврши во близина на улиците Шеста и Аламеда. Возачот е спасен безбедно, а осомничениот е приведен.
Полицискиот функционер Доналд Греам изјави за новинарите дека сопатникот кој бил застрелан бил пренесен во болница, каде што била констатирана смрт.
Тој рече дека уште еден патник кој за време на киднапирањето се сокрил во задниот дел од автобусот бил спасен од полицијата.
Возачот го притиснал копчето за паника во автобусот, предупредувајќи ја полицијата за неговата тешка ситуација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху: Израел ќе употреби сила против Хезболах додека не се вратат жителите на север
Израелскиот премиер Бенјамин Нетанјаху денеска изјави дека неговата земја ќе употреби сила против Хезболах во Либан додека жителите на северен Израел не се вратат дома.
„На Хезболах му нанесуваме удари кои не можеше да ги замисли, тоа го правиме со сила и со трикови. Можам да ви ветам едно: нема да застанеме додека не се вратат дома“, рече Нетанјаху во видео пораката што ја објави неговиот кабинет, пренесе Франс прес.
Неименуван израелски функционер во меѓувреме изјави за Си-Ен-Ен дека Нетанјаху и дал дозвола на неговата влада да се приклучи на напорите на САД да посредува за прекин на огнот во Либан.
Нетанјаху даде одобрение под услов каков било договор да им дозволи на израелските цивили да се вратат во своите домови во северен Израел и подоцна додаде дека нема да мирува додека тоа не се случи.
Советникот на Белата куќа Амос Хохштајн е вклучен во преговорите за прекин на огнот, но Американците не разговараат директно со Хезболах.
Си-Ен-Ен денеска објави дека САД итно работат на план за намалување на тензиите меѓу Хезболах и Израел поради зголемената загриженост дека конфликтот може да ескалира.
Свет
Експлозија во судница во Калифорнија, двајца повредени: „Експлодираше торба“
Две лица се повредени во експлозија во судница во Санта Марија, Калифорнија, соопшти канцеларијата на шерифот на округот Санта Барбара.
„Ве молиме избегнувајте ја областа. Местото на настанот не се смета за безбедно. Следуваат повеќе информации“, соопшти канцеларијата на шерифот во објавата на X.
Time of call is 8:48. We have two reports of non- life threatening injuries. One person of interest detained immediately. Scene remains active. Please continue to avoid the area. https://t.co/AQoU7cIH6x
— PIO Raquel Zick (@SBSOPIO) September 25, 2024
Две лица се здобиле со повреди кои не се опасни по живот, изјавија од канцеларијата на шерифот за локалните медиуми.
Осомничениот бил во судницата и фрлил торба во судницата која потоа експлодирала, објави Noozhawk, локален портал во округот Санта Барбара, цитирајќи го извршниот службеник на Врховниот суд, Дарел Паркер.
Канцеларијата на гувернерот на Калифорнија, Гевин Њусом, соопшти дека тој и Канцеларијата за итни служби на државата активно ја следат ситуацијата и се координираат со органите за спроведување на законот.
Свет
Путин: Заканата за суверенитетот на Русија и конвенционалниот напад се основа за нуклеарен одговор
Рускиот претседател Владимир Путин денеска изјави дека Русија може да користи нуклеарно оружје доколку биде нападната од која било земја, пренесоа руските медиуми.
Русија го задржува правото да користи нуклеарно оружје во случај на агресија врз неа, меѓу другото, ако непријателот користи конвенционално оружје, ако тоа претставува закана за виталните интереси на државата, рече Путин.
„Го задржуваме правото да користиме нуклеарно оружје во случај на агресија врз Русија и Белорусија, како членка на Федералната држава. Со белоруската страна, со претседателот на Белорусија, сите овие прашања се договорени, вклучително и доколку противникот со користењето на конвенционално оружје, создава витална закана за нашиот суверенитет“, рече Путин на состанокот на постојаниот состанок на Советот за безбедност за нуклеарно одвраќање.