Свет
Европратениците го критикуваат кршењето на човековите права во Бахреин
Во писмо испратено до шефот за надворешна политика на ЕУ, Жозеф Борел, 16 европратеници ја изразија својата длабока загриженост за влошувањето на човековите права во Бахреин, пренесува „Мидл Ист монитор“
Писмото беше испратено до Борел пред неговата средба со министерот за надворешни работи на Бахреин.
„Длабоко сме загрижени поради постојаното влошување на човековите права во Бахреин, по една година во која, како што нагласија од ‘Хјуман рајтс воч’, ескалираше репресијата на владата на Бахреин против критичарите“, се вели во писмото објавено на „Tвитер“ од европратеничката Карен Мелхиор.
I and MEPs deeply concerned about deterioration of human rights in Bahrain. Meeting planned between Bahraini Minister of Foreign Affairs and @eu_eeas ambassador to Bahrain where Cooperation Agreement is expected to be signed. Letter to @JosepBorrellF: https://t.co/XsotsZa6jH pic.twitter.com/5jLgs3s9wO
— Karen Melchior ?❌ ??? (@karmel80) January 22, 2021
„Затоа, љубезно ве повикуваме да ја искористите оваа можност да ги повикате на одговорност вашите колеги од Бахреин, ставајќи акцент на случаите на Абдулхади Ал-Каваја и Шеик Мохамад Хабиб Ал-Мукдад, кои имаат бахреинско државјанство и се државјани на ЕУ, а повикувајќи го Бахреин да го врати мораториумот на смртната казна“, се додава во писмото.
Европратениците исто така привлекоа внимание кон де факто суспендирањето на мораториумот на смртната казна во кралството во 2017 година, истакнувајќи дека пет од шест извршени казни се сметаат за произволни од специјалниот известувач на ОН за вонсудски егзекуции, Агнес Каламард.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.