Европа
Европскиот парламент одобри безвизен режим за Британците по брегзитот
Европскиот парламент во четвртокот одобри безвизно патување за Британците и по излегувањето од унијата.
Тие ќе можат без виза да останат во Европската унија до 90 дена во било кој период од 180 дена. Ваквата одлука ќе стапи на сила само доколку и Британија спроведе слична мерка за граѓаните на ЕУ.
Она што е контроверзно кај законот е што го опишува Гибралтар како британска „колонија“, за што Британија рече дека е „сосема несоодветно“.
Мерката беше одобрена со 502 гласови за, 81 против и 29 воздржани. Истата сега мора да биде усвоена од Советот на министерствата и мора да биде објавена во Службениот весник на ЕУ пред 12 април за да биде ефективна доколку Велика Британија го напушти блокот без договор на тој датум.
Таа стигна до парламентот откако во средата беше усвоена со 38 гласови за и 8 против од страна на Комитетот за граѓански слободи, правда и внатрешни работи (ЛИБЕ) по неколкунеделните прекини на преговорите и по отстранувањето на британскиот европратеник Клод Морас како известувач.
Морас беше против додавањето на фуснота во која Гибралтар се опишува како британска колонија. Предлогот беше поддржан откако тој беше заменет со бугарскиот европратеник Сергеј Станислав, чекор за кој Мораес рече дека претставува „злоупотреба на нашите законски обврски“.
Пред гласањето, европратениците ги отфрлија обидите за одложување на гласањето, одржување целосна расправа за текстот и за додавање измени.
Во својата изјава, Станислав рече во четвртокот дека законот е „важен чекор за гарантирање на безвизно патување помеѓу ЕУ и Велика Британија по брегзит, особено во случај да нема договор“.
„Не е тајна дека преговорите беа блокирани поради инсистирањето на Советот во однос на фуснотата за Гибралтар, прашање кое не е поврзано со суштината на извештајот. Овој неодговорен пристап сериозно го поткопува духот на соработка помеѓу институциите на ЕУ“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Ги убил двајцата внуци, па си пресудил самиот на себе: пензионер се забарикадирал во куќа во Шпанија
Трагедија се случи во мал шпански град кога пензионер ги уби своите двајца внуци на возраст од 10 и 13 години пред да се самоубие – два месеца откако сопруга и ќерката му загинаа во сообраќајна несреќа додека тој возел.
Полицијата ја опколила куќата на 72-годишниот маж откако тој синоќа се забарикадирал во имотот со момчињата.
Нивните три тела беа пронајдени околу 8.30 часот утринава во разни простории од куќата во Хуетор Тајар – град со околу 10.000 жители, во близина на градот Гранада во јужна Шпанија – кога насилно влегле вооружени полицајци.
Едното дете е убиено со огнено оружје, а другото се удавило.
Извори блиски до истрагата велат дека едно од децата имало прострелни рани, а другото се верува дека се удавило.
Истражителите на Цивилната гарда велат дека пензионерот се застрелал со истото огнено оружје што го користел за да го убие својот внук.
Неговата сопруга и ќерката, мајка на две деца, ја загубија борбата за живот кога беа исечени од остатоците од автомобилот што го управуваше 72-годишникот.
Европа
Се огласи болницата во Банска Бистрица: Ова се последните информации за состојбата на Роберт Фицо
Состојбата на словачкиот премиер Роберт Фицо, кој беше ранет во обид за атентат минатата недела, е стабилна, соопштија од болницата во Банска Бистрица.
„Клинички се подобрува, комуницира, воспалителните параметри полека се намалуваат. Премиерот останува под наша грижа“, соопштија од болницата во Банска Бистрица по денешната седница на советот.
Фицо беше тешко ранет минатата среда по состанокот на кабинетот кога се приближи до насобраните луѓе.
Тој со хеликоптер беше префрлен во болницата во Банска Бистрица, каде што итно беше опериран и оттогаш е таму.
Претходните денови се зборуваше за префрлање на премиерот во друга институција, но како што може да се заклучи од денешното соопштение на болницата, тој засега останува во Банска Бистрица.
Европа
Украина со дронови нападна руска рафинерија: „Има штета, престана да работи“
Руска нафтена рафинерија во Славјанск, во Краснодарската област, беше оштетена по напад со беспилотно летало кон крајот на минатата недела, објави денеска државната новинска агенција „Тасс“ цитирајќи претставник на компанијата за безбедност.
Шест беспилотни летала погодија област на нафтена рафинерија во Славјанск во јужниот дел на Русија Краснодар во раните утрински часови, според локалните власти.
Новинската агенција „Интерфакс“ објави дека рафинеријата престанала да работи по нападот.
„Причинета е штета. Ќе се утврдат нејзината големина и опсегот“, ја цитира „Тасс“ изјавата на безбедносниот претставник Едуард Труднев во понеделникот.
Рафинеријата во Славјанск е приватна постројка со капацитет од речиси 100.000 барели дневно. Произведува гориво за домашни потреби и за извоз.