Свет
Европскиот суд го прогласи за неважечки договорот за размена на податоци со САД

Европскиот суд за правда го прогласи за неважечки договорот кој им овозможува на големите технолошки компании да пренесат податоци во Америка и националните регулатори мораат да преземат поостри мерки за да ја заштитат приватноста на податоците на корисникот.
BREAKING: EU court strikes down agreement with US that tech companies use to transfer data outside the bloc. https://t.co/prOGFCrPjM
— The Associated Press (@AP) July 16, 2020
Оваа одлука не значи моментално прекинување на сите преноси на податоци надвор од ЕУ, бидејќи постои уште еден правен механизам кој некои компании можат да го користат.
Сепак, одлуката на судот значи дека надѕорот над преносот на податоците ќе биде зајакнат и дека ЕУ и САД можеби ќе мораат да пронајдат нов систем кој гарантира дека на европските податоци ќе им биде пружена иста заштита на приватноста во САД како и во ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Калас: На Украина ѝ е потребна сета можна воена поддршка

Министрите за одбрана на Европската Унија дадоа широка поддршка за проширување на обуката на украинската армија во случај на прекин на огнот, изјави денес шефицата на европската дипломатија, Каја Калас.
„Постои широка поддршка за продолжување на мандатот на нашата воена мисија за обезбедување обука и совети во Украина по каков било прекин на огнот“, изјави високата претставничка за надворешни работи и безбедносна политика по состанокот во данската престолнина.
Проширувањето на мисијата ќе бара едногласна одлука од 27-те членки на ЕУ, изјавија дипломатите.
Калас претходно објави дека алијансата може да го поддржи Киев со продолжување на обуката на украинската армија и со зајакнување на нејзината одбранбена индустрија.
Министрите собрани во Копенхаген, исто така, разговараа за безбедносните гаранции за Украина по завршувањето на борбите.
Таму, Калас ги повика членките на ЕУ да продолжат да го снабдуваат Киев со оружје.
„На Украина ѝ е потребна сета можна воена поддршка“, рече таа.
Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Свет
Песков: Путин верува дека секоја средба со Зеленски мора да биде добро подготвена

Русија не го отфрла предлогот претседателот Владимир Путин да се сретне со украинскиот претседател Володимир Зеленски, но таа мора да се базира на претходно договорени услови.
„Путин верува дека секоја средба на највисоко ниво мора да биде добро подготвена и да ги потврди резултатите постигнати на професионално ниво“, изјави денес портпаролот на Кремљ, Дмитриј Песков.
„Во моментов, дипломатското ниво не е многу активно“, продолжи Песков. Тој се осврна на вчерашната изјава на Фридрих Мерц кога германскиот канцелар рече дека повеќе не очекува средба меѓу Путин и Зеленски.
Претседателот на САД, Доналд Трамп, минатата недела за време на состанокот во Белата куќа со Зеленски и европските лидери сугерираше дека таква средба би можела да се одржи во следните две недели.
„Нашиот интерес и подготвеност за такви преговори остануваат“, рече Песков пред патувањето на Путин во Кина задутре.
Портпаролот на Кремљ рече дека Русија ги доставила сите свои барања за прекин на конфликтот во писмена форма. Москва, исто така, бара Киев да ги предаде анектираните територии на Русија.