Свет
Европските држави со првата INSTEX-трансакција испраќаат медицински производи во Иран
Франција, Германија и Велика Британија официјално потврдија дека ја завршиле својата прва INSTEX-трансакција со Иран извезувајќи медицински производи во земјата погодена од американските санкции, пренесува „Спутник“.
Според германското Министерство за надворешни работи, Берлин се надева дека ќе го подобри механизмот и ќе изврши поголема трансакција со Техеран.
Механизмот за трговија INSTEX претходно беше создаден од европските земји за да се надминат едностраните ограничувања наметнати од Вашингтон против Исламската Република бидејќи САД се заканија дека ќе ги таргетираат тие тргувања со Техеран преку секундарни санкции.
Меѓутоа, Иран во повеќе наврати го критикува INSTEX за неправилно функционирање.
Веста доаѓа неколку месеци откако Финска, Шведска, Норвешка, Данска, Белгија и Холандија се приклучија на механизмот кој им овозможува на земјите да ги заобиколат санкциите на САД против Иран.
Медицинските производи се испраќаат во земјата во услови на пандемија на коронавирусод Ковид-19, која сериозно го зафати Иран, кој е најтешко погодената азиска земја по Кина.
Според официјалните податоци, во Исламската Република има над 41.000 заразени, а бројот на починати во моментот е 2.757.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Украина работи на развој на нови видови воздушна одбрана
Украинскиот претседател Володимир Зеленски денеска изјави дека Украина работи на развој на нови видови воздушна одбрана за да се спротивстави на, како што рече, новите ризици откако Русија искористи нова ракета со среден дострел.
Зеленски во своето ноќно видео обраќање рече дека потегот на Русија бара сериозен одговор за да се спречи, како што наведе, рускиот претседател Владимир Путин да ја прошири војната и да ги почувствува вистинските последици од неговите постапки.
Путин во четвртокот рече дека Русија, како одговор на нападите на американските и британските ракети со долг дострел, истрела нова балистичка ракета со среден дострел „Орешник“ на украинска територија, на која современите системи немаат начин да се спротивстават.
Свет
САД: Северна Кореја е подготвена за можна седма нуклеарна проба
Соединетите Американски Држави веруваат дека Северна Кореја е подготвена за можна седма нуклеарна проба, за која само се чека политичка одлука, изјави денеска заменик-помошникот државен секретар за контрола на вооружувањето.
Се додава дека САД и нивните сојузници брзо и одлучно ќе одговорат на евентуалниот нуклеарен напад на Северна Кореја врз Јужна Кореја.
Предупреди дека уште една нуклеарна проба од Северна Кореја ќе ги ескалира регионалните тензии и ќе претставува „безбедносен ризик за целиот свет“, објави Јонхап.
Свет
Мелони: Налогот за апсење на Нетанјаху ќе биде тема на Г7, Израел и терористите не се исто
Италија планира да го разгледа налогот на Меѓународниот кривичен суд (МКС) за апсење на израелскиот премиер Бенјамин Нетанјаху на претстојниот состанок на групата Г7, изјави италијанската премиерка Џорџа Мелони.
„Оваа влада останува цврста на една работа: одговорноста на државата Израел и терористичката организација Хамас не може да се поистоветува“, се вели во изјавата на премиерката Мелони, која рече дека ќе ги испита мотивите на судот.
Италија, која во моментов претседава со групата Г7, во понеделник ќе биде домаќин на министрите за надворешни работи во Фиуџи, град во близина на Рим.
Во четвртокот, МКС издаде налози за апсење на Нетанјаху и неодамна сменетиот израелскиот министер за одбрана Јоав Галант за наводни воени злосторства и злосторства против човештвото во Газа.
Сојузниците на Израел ја критикуваа одлуката. Генерално, од земјите-членки на МКС се бара да спроведат налози за апсење, иако меѓу тие држави постои несогласување за тоа како да се однесуваат со Нетанјаху. Унгарија веќе соопшти дека има намера да го игнорира налогот за апсење.