Европа
Европски сателит тежок 1.360 килограми ќе падне на Земјата: се очекува вечерва да заврши во Атлантскиот Океан
Сателитот „Еол“ на Европската вселенска агенција (ЕСА) вечерва ќе падне на земјата, доколку се оди според планот. Кампањата за спуштање на сателитот на земјата трае цели пет дена, пишува „Space.com“.
„Она што го правиме е навистина уникатно. Нема слични примери во историјата на вселенските летови. Ова е прв пат потпомогнатото враќање на планетата да се прави на овој начин“, рече Холгер Краг, шеф на Канцеларијата за вселенски отпад на ЕСА, на конференцијата пред почетокот на мисијата.
🥹 Now we're getting emotional 🥹
🗣️ We've just spoken to our Keeper of the Winds for the last time…
📡 The spike you can see on the left is the signal from Aeolus received at the ground station as it passed
😭 Gosh.
Thanks, Aeolus, for all the winds 🫶🌬️🍃#ByeByeAeolus pic.twitter.com/6BwqmvOsQk
— esa aeolus mission (@esa_aeolus) July 28, 2023
„Еол“, кој беше наречен и „невозможен сателит“, тежи 1.360 килограми, а беше лансиран во август 2018 година за да ги следи ветровите на Земјата, што дотогаш не беше направено од орбитата. Леталото им помогна на истражувачите да ги подобрат климатските модели и временската прогноза. Оперираше речиси 4,5 години, што е 18 месеци подолго од очекуваното. Меѓутоа, со текот на времето остана без гориво, но наместо да дозволи „Еол“ хаотично да падне на Земјата, како што е вообичаено за сателитите кога нивните мисии ќе завршат, ЕСА одлучи да преземе поактивна улога на есен. Тие смислија петдневен план со кој ќе се осигура дека „Еол“ ќе изгори на празен дел од Атлантскиот океан и дека нема да претставува никаква закана за луѓето или зградите на теренот.
Сателитот не е дизајниран за контролирано враќање на Земјата и во нормална ситуација би паѓал само неколку месеци. Сепак, АВРМ одлучи да го направи тоа поинаку.
„Последните команди се испратени до сателитот, последниот пат кога тој ќе слушне глас од контролната соба на АВРМ тоа ќе биде и последниот поздрав“, е објавено на блогот на АВРМ.
„Еол“ го добил името по грчкиот бог на ветровите токму затоа што ги следел ветровите. Членовите на „ЕСА“ веќе одобрија буџет од 413 милиони евра за почеток на развојот на вселенското летало „Еол-2“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Орбан: Европејците сакаат да започнат војна, ние не сакаме да се бориме
Унгарскиот премиер Виктор Орбан најави започнување на антивоена кампања, која ќе биде придружена со мировни собири низ цела Унгарија.
„Опасноста од ширење на војната е поголема од кога било. Европејците сакаат да започнат војна. И ние сме Европејци, но не сакаме да се бориме“, рече Орбан во видео порака емитувана од телевизискиот канал М1.
„Почнуваме антивоена кампања“, рече тој, додавајќи дека заедно со поддржувачите на мирот ќе одржи „серија антивоени акции“ низ целата земја. Според него, акциите ќе започнат на 15 ноември од градот Ѓер во северозападна Унгарија.
„Да му покажеме на целиот свет дека Унгарија не сака војна“, им се обрати Орбан на своите сонародници.
Тој потсети дека на 23 октомври во Будимпешта се одржаа Марш на мирот и антивоен митинг, на кој, според организаторите, се собраа 80.000 луѓе. „Мировниот марш беше фантастичен успех. Многумина од нас се изјаснија против војната и за мир. Ви благодариме на сите што бевте таму“, рече Орбан.
Се огласи и унгарскиот министер за надворешни работи Петер Сијарто, кој рече дека дефинитивно ќе се приклучи на антивоената кампања и ќе присуствува на митингот во Ѓер.
фото: принтскрин
Европа
Белгиски министер: Ќе ја срамниме Москва со земја ако го нападнат Брисел
Белгискиот министер за одбрана, Тео Франкен, тврди дека НАТО ќе ја „срамни со земја Москва“ доколку Русија некогаш го нападне Брисел. Во опширно интервју, Франкен се осврна на низа итни стратешки прашања, вклучувајќи ја војната во Украина, европската одбрана и нуклеарното одвраќање, објави „The Brussels Times“.
Кога директно го прашаа дали се плаши дека рускиот претседател Владимир Путин може да започне конвенционален ракетен напад врз Брисел, неговиот одговор беше недвосмислен: „Не, бидејќи тогаш тој би го погодил срцето на НАТО, а потоа ние би ја срамниле Москва со земја“.
Франкен изрази силна поддршка за американското лидерство во рамките на НАТО и ја повтори својата доверба во Член 5, клаузулата за заемна одбрана што е основа на Алијансата.
На прашањето дали американскиот претседател Доналд Трамп би го почитувал Член 5, Франкен одговори потврдно. „Секако дека би го сторил тоа. Во Европа има многу предрасуди против американската влада. Зошто не би го почитувал Член 5?“

Франкен рече дека е повеќе загрижен за употребата на хибридно војување од страна на Русија отколку за заканата од конвенционален напад. „Крстосувачки проектил врз Брисел? Јасно е дека тоа би го активирало Член 5, без разлика која дефиниција ја користите. Путин нема да го стори тоа“, рече тој.
„Повеќе сум склон кон сценарио со сива зона: ‘мали зелени луѓе’ кои го поттикнуваат рускојазичното малцинство во Естонија против „нацистичкиот режим“. Пред да се свестите, тие анексираа дел од Естонија“, објасни министерот.
Министерот за одбрана не покажа ентузијазам за идејата за заедничка европска армија. Тој ги критикуваше поголемите европски земји за „максимизирање на сопствените пазари“ и праша како земјите кои во моментов не можат ниту да соработуваат во набавката на одбранбена опрема би можеле да ги интегрираат своите национални армии.
„Секој што верува во европска армија продава магла“, рече тој. „За среќа, го имаме НАТО, кој повторно ја докажа својата ефикасност со воздушната одбрана во Полска и Естонија“.
фото: принтскрин
Европа
(Видео) Руски дрон се упати кон новинарска екипа, украински војник го собори со пушка
Во украинскиот град Константинивка руски ФПВ-дрон се обиде да нападне новинарска екипа, но бргу беше запрен од портпаролот на 24. бригада, објави украинската војска.
Инцидентот се случил додека новинар на холандскиот весник „Хет Недерландс Дагблад“ ги снимал урнатините на црквата „Успение на Пресвета Богородица“, оштетена во претходните руски напади.
Додека екипата ја документирала штетата, руски дрон одеднаш се упатил кон нив. Портпаролот на 24. бригада, Олег Петрасјук, ја забележал заканата и пукал од својата пушка. По неколку истрели, тој успеал да го собори дронот.
Целиот инцидент е снимен и на видео, кое го прикажува моментот кога Петрасјук го забележува и го соборува дронот до оштетената црква.
фото: принтскрин

