Свет
Еден загинат, неколку повредени во две експлозии, во Дубаи и во Абу Даби

Еден човек загина, а голем број луѓе се повредени во ОАЕ по двете експлозии на гас што се случија во ресторан во Дубаи и експлозијата на гас што се случи на улицата „Шеик Рашид бин Саид“ во главниот град Абу Даби, пренесува „Нејшнел“.
Едно лице загина во експлозија на плинска боца што се случи во ресторанот ОАЕ во Дубаи во раните утрински часови во понеделникот. Инцидентот се случил во 4 часот и 31 минути по локално време во четирикатна зграда во областа „Интернешнл сити“, се наведува во статијата.
there was an explosion that happened in abu dhabi and my family lives near the place ?? pic.twitter.com/qOHM0PNW4R
— ??????⁷ (@taestyjmk) August 31, 2020
Весникот објави дека пожарникарите и спасувачките екипи веднаш стигнале на местото на инцидентот и ги евакуирале жителите. Пожарот е изгаснат во рок од 33 минути, а полицијата започна истрага за случајот.
Експлозијата предизвика значителна штета на приземјето на зградата, вели портпаролот на цивилната одбрана во Дубаи.
Претходно истиот ден, државната новинска агенција ВАМ објави за уште една експлозија на гас што се случи на улицата „Шеик Рашид бин Саид“ во главниот град на ОАЕ, Абу Даби, каде што се повредени голем број луѓе.
.@ADPoliceHQ is dealing with an explosion caused by a gas connection in a restaurant on Sheik Rashid Bin Saeed Road. Cases of minor and moderate injuries are being treated in hospital.
— مكتب أبوظبي الإعلامي (@admediaoffice) August 31, 2020
Тимови за брза интервенција од Дирекцијата за итни случаи и јавна безбедност биле брзо испратени на местото на инцидентот. Повредените биле пренесени во болница на лекување. Според медиумите во ОАЕ, тимовите за итни случаи ги евакуирале жителите од областа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.
Свет
Пожарникар почина од срцев удар додека гаснеше пожар во Турција

Шумски пожари што беснеат низ Турција со недели му се заканија на четвртиот по големина град во земјата, Бурса, во северозападна Турција, денеска принудувајќи повеќе од 1.700 луѓе да ги напуштат своите домови, и веќе има еден загинат еден пожарникар.
Пожарите што избувнаа во пошумените планини околу Бурса се проширија брзо. Десетици големи шумски пожари ја погодуваат земјата секој ден од крајот на јуни, а владата во петокот прогласи две западни провинции, Измир и Билеџик, за зони погодени од катастрофа.
Канцеларијата на гувернерот на Бурса денеска објави дека 1.765 луѓе се безбедно евакуирани од село на североисток, додека повеќе од 1.900 пожарникари се борат со пламените јазици.
– Пожарникарот почина од срцев удар додека беше на работа, изјави градоначалникот на градот, Мустафа Бозбеј, додавајќи дека пламените јазици изгореле 3.000 хектари околу градот. Орхан Сарибал, опозицискиот парламентарец за покраината, ја опиша сцената како „апокалипса“.
Невообичаено високите температури за оваа сезона, сушните услови и силните ветрови ги поттикнуваат пожарите.