Свет
Едногодишно момче загина во стан: во него пукале братот и сестрата, кои случајно пронашле оружје во куќата

Едногодишно момче во Индијана било убиено од своите петгодишни брат и сестра во стан, соопшти полицијата во станбен комплекс во Лафајет.
Во вторникот околу 15 часот по локално време полицијата добила дојава за пукање. Полицајците го пронашле едногодишното дете мртво со прострелна рана.
„Детективите од полициската управа во Лафајет утврдија дека детето било застрелано од свпоите петгодишни брат и сестра, кои пронашле оружје во станот“, се вели во соопштението на полициската управа во Лафајет.
Во средата е извршена обдукција, а прелиминарната причина за смртта е единечна прострелна рана. Судскиот лекар ја идентификувал жртвата како 16-месечниот Исаја Џонсон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Севиља на удар: силниот ветер срамни фарма, три тела извлечени од урнатините

Најмалку три лица загинаа при уривање на магацин на фарма во близина на Севиља, а властите истражуваат дали колапсот е предизвикан од торнадо, пренесува Ефе.
Heavy rainfall causes floods in Seville, Spain 🇪🇸 (04.04.2025) pic.twitter.com/QOQBN6A3k1
— Disaster News (@Top_Disaster) April 4, 2025
Неименуваниот граѓанин кој алармирал во повикот објаснил дека ветрот го однел покривот и дека биле зафатени ѕидовите, а во последните неколку часа во околината на Севиља се забележани силни ветрови и врнежи.
Меѓу жртвите има двајца браќа на возраст од 61 и 59 години, како и еден 40-годишен маж.
Свет
Зеленски објави фотографии по нападот во родниот град: 14 загинати, од кои 6 деца

Украинскиот претседател Володимир Зеленски се огласи на социјалната мрежа Х откако Русија со балистичка ракета го погоди неговиот роден град.
„Руска ракета погоди обичен град, директно погоди улица во станбена зона. Прелиминарните извештаи сугерираат дека станува збор за напад со балистички проектили. Во моментов има 14 потврдени смртни случаи, меѓу кои и шест деца. Моето сочувство до нивните семејства и најблиските.
Акцијата за спасување е во тек, а оштетени се најмалку пет станбени објекти.
Руските напади се случуваат секојдневно. Луѓето умираат секој ден. Има само една причина зошто ова продолжува: Русија не сака примирје и ние го гледаме тоа. Целиот свет го гледа тоа. Секој проектил и секој напад со беспилотно летало докажува дека Русија бара само војна. Само светскиот притисок врз Русија, сите напори за зајакнување на Украина, нашата воздушна одбрана и нашите сили можат да одредат кога ќе заврши војната.
САД, Европа и остатокот од светот имаат капацитет да ја принудат Русија да се откаже од теророт и војната. Ова мора да се обезбеди – потребен е мир“, напиша Зеленски.
Свет
(Видео) Трамп ја покажа златната карта: тие што ја имаат ќе останат трајно во САД

Американскиот претседател Доналд Трамп на јавноста и ја покажа новата „златна карта“ вредна пет милиони долари со сопствен лик, која ќе им овозможи на побогатите мигранти да добијат зелена карта, односно постојан престој во Соединетите Американски Држави.
„За пет милиони долари, ова може да биде ваше“, им рече Трамп на новинарите во претседателскиот авион.
🚨Update: Trump unveils $5 million ‘gold card’ for rich migrants emblazoned with his image!! 🇺🇸🇺🇸🇺🇸pic.twitter.com/B53Lf0igf9
— US Homeland Security News (@defense_civil25) April 3, 2025
„Знаете ли што е оваа картичка? Тоа е златна карта, картата на Трамп“, додаде американскиот претседател.
Трамп изјавил дека тој самиот е првиот клиент на картичката, како и дека повеќе копии ќе бидат достапни за помалку од две недели, пренесува „Њузвик“.
Програмата „златна карта“ ќе им овозможи на поединците кои инвестираат 5 милиони долари во американски компании да останат во САД, заменувајќи ја постоечката виза EB-5.
Поддржувачите на оваа мерка на Трамп тврдат дека САД на овој начин би можел да собере значителен капитал, додека критичарите сметаат дека приоритет на Вашингтон треба да биде привлекување квалификувани таленти.
„Златната карта“ е дел од пошироките напори за замена на сегашната имигрантска виза за инвеститори EB-5 со нова програма која дава американско државјанство на странски инвеститори во американски фирми.
Според тековната програма EB-5, апликантите мора да платат помеѓу 100.000 и 200.000 американски долари како такси на Службите за државјанство и имиграција на САД (USCIS), да инвестираат помеѓу 800.000 и 1 милион американски долари и да отворат најмалку 10 работни места за американски работници.