Најмалку седум пациенти загинаа, а 30 лица се повредени кога денеска изгоре болница во Индија.

Две жени и едно дете беа меѓу оние што починаа во приватна четирикатна болница во Диндигул, Тамил Наду, Индија.

At least seven patients were killed and 20 others were injured after a fire broke out in a leading orthopaedic hospital in #TamilNadu's Dindigul. Among the deceased are one child and two women, according to local authorities.

Know more 🔗 https://t.co/QBj85ZMJBF pic.twitter.com/hgPjRwJhq1

— The Times Of India (@timesofindia) December 13, 2024

Сите биле пронајдени во несвест во лифтот пред да бидат прогласени за мртви, објавија локалните медиуми.

Во болницата имало 100-ина пациенти кога избувнал пожарот, а се стравува дека многу од нив можеби биле заробени внатре.

Пожарот, за кој се претпоставува дека избувнал од краток спој на приземјето, бргу ја зафатил целата зграда.

Швајцарија сака да ја обнови мрежата на своите стари нуклеарни засолништа, кои сè повеќе се сметаат за вреден ресурс во време на глобална неизвесност, особено по руската инвазија на Украина. Благодарение на законот од 1963 година, оваа земја веќе е пред соседите како Германија. Имено, во Швајцарија на секој од 9-те милиони жители, вклучувајќи странци и бегалци, им е загарантирано место во бункер за да се заштитат од бомби и нуклеарно зрачење, пренесуваат медиумите во регионот.

„Во следните години (швајцарската) конфедерација сака да отстрани некои исклучоци од сегашните правила и да реновира некои постари засолништа“, изјави Луис-Анри Деларагез, командант за цивилна заштита за кантонот Вауд, за „Ројтерс.

Владата почна консултации во октомври за да обезбеди „отпорност на Швајцарија во случај на вооружен конфликт“ и планира да инвестира 220 милиони швајцарски франци (250 милиони долари) за модернизирање на старите капацитети.

„Ова не значи дека се подготвуваме за конфликт – тоа не е пораката – но имаме мрежа на засолништа и мораме да ги одржуваме и да се погрижиме да бидат функционални“, додаде тој.

Во селото Бершер во кантонот Вауд службениците за цивилна заштита во портокалови комбинезони неодамна извршија проверка на бункер под станбена зграда како дел од задолжителната 10-годишна инспекција.

„Ова засолниште во моментот е неупотребливо“, заклучи водачот на тимот, Грегори Фирер. На станарите ќе им биде дадена една година да ги отстранат недостатоците или ќе треба да платат по 800 франци (900 американски долари) за место во јавно засолниште, додаде тој.

Швајцарија остана надвор од странски војни откога стана неутрална во 1815 година. Во 18 век била окупирана од Франција, а претрпела и одредени воздушни бомбардирања за време на Втората светска војна.

Деларагез рече дека неговата канцеларија забележала зголемен број повици од загрижените жители за засолништа по руската инвазија на Украина во 2022 година.

„Одеднаш ние сме навистина многу барани меѓу луѓето што сакаа да знаат: каде се засолништата, каде е моето место, дали е подготвено неговото засолниште.

До неговата канцеларија се наоѓа едно од 350-те кантонални комунални засолништа, добро одржувано, со кревети на кат и тоалети. Во близина се наоѓаат подземен команден центар, подземна болница со операциона сала и бункер за заштита на уметнички дела.

„Во Швајцарија имаме предвидливост. Има една латинска поговорка, која вели: „Ако сакате мир, подгответе се за војна“, рече Деларагез.

Хрватскиот претседател Зоран Милановиќ, денеска, по повод обновените дискусии во НАТО за можното испраќање војници во Украина, изјави дека додека тој е претседател, хрватскиот војник нема да води туѓи војни.

„Хрватски војник нема да води туѓи војни. Додека сме сведоци на глобални промени и конфликти, кои може да имаат непроценливо влијание врз светскиот мир и поредок, повторно почнуваат дискусии за можно заминување војници од одделни членки на НАТО во Украина“, напиша Милановиќ на својот официјален профил на „Фејсбук“.

Тој рече дека додека е претседател, ќе ја држи Хрватска надвор од вакви конфликти.

„Хрватска нема да спроведува туѓи одлуки без размислување и следење наредби, туку ќе биде внимателна и ќе се грижи за сопствениот интерес, постојано ќе го доведува во прашање она што се случува околу нас, но ќе биде искрена и лојална на оние со кои потпиша сојуз“, рече Милановиќ.