Свет
Ескалира кавгата меѓу Трамп и Маск – откажан е телефонскиот разговор
По драматичен ден исполнет со меѓусебни обвинувања, закани и економски потреси, Белата куќа објави дека американскиот претседател Доналд Трамп и Илону Маск ќе разговараат телефонски утре. Иако овој повик првично беше најавен како чекор кон смирување на најголемиот јавен спор меѓу поранешните политички сојузници, подоцна Белата куќа официјално потврди дека разговорите нема да се одржат.
Тензиите дополнително се вжештија откако Трамп, во телефонско интервју за „ABC News“, изјави дека „не е заинтересиран“ за разговор со Маск, нарекувајќи го „човек кој го изгубил разумот“. Изјавата дојде само неколку часа откако медиумите објавија дека Белата куќа го планирала телефонскиот разговор меѓу двајцата милијардери.
Во интервју за „CNN“, Трамп изјави: „Дури и не размислувам за Илoн. Тој има проблем. Сиромавиот има проблем.“ Тој додаде дека „му посакува се најдобро“.
Конфликтот кулминираше во четврток, кога Трамп од Овалната соба јавно го искажа своето разочарување од Маск, додека извршниот директор на Tesla и SpaceX возврати со низа критикувачки објави на социјалната мрежа X, вклучително и повик за импичмент на Трамп. Реакциите на пазарот беа брзи и остри – акциите на Tesla паднаа за повеќе од 14%, што ја намали пазарната вредност на компанијата за околу 150 милијарди долари – најголем дневен пад во историјата на Tesla.
Трамп размислува да го продаде својот „Тесла“
Според „CBS News“, повикувајќи се на висок функционер од Белата куќа, претседателот размислува да го продаде црвениот „Tesla“ што го купил со намера да го поддржи Маск и неговата компанија. Возилото со недели стои паркирано пред Белата куќа.
Во меѓувреме, Маск неодамна поднесе оставка од функцијата директор на Трамповата Агенција за ефикасност на владата и јавно го критикуваше новиот закон за даночни олеснувања и трошење, кој Трамп го нарекува свој „голем, убав закон“. Маск предупреди дека законот може дополнително да го зголеми јавниот долг на САД, кој веќе изнесува 36,2 билиони долари.
Како одговор, Трамп се закани дека ќе ги укине сите државни субвенции и договори поврзани со Масковите компании, вклучувајќи ги SpaceX и Starlink. Маск возврати со најави за повлекување на вселенското летало Dragon – клучно за американската вселенска програма – но подоцна ја повлече таа закана.
Републиканците загрижени
Во Републиканската партија расте загриженоста. Маск беше клучен донатор на Трамповата кампања и неговата поддршка одигра значајна улога во мобилизацијата на гласачи и финансирањето на изборната машинерија. Евентуално повлекување на поддршката од Маск може сериозно да ги ослаби позициите на Републиканците во пресрет на изборите.
Републиканскиот стратег Скот Џенингс изјави за „BBC“ дека „личната природа на конфликтот е несреќна“, истакнувајќи дека Трамп и Маск заедно „ја спасиле западната цивилизација“. Тој додаде дека „би сакал разумот да надвладее“. Во објава која наговестува можно примирје, Маск одговори со „Не си во право“ доцна во четвртокот на Икс, на коментарот на инвеститорот Бил Акман кој повикува на помирување помеѓу двајцата милијардери.
Во свет каде најмоќниот политичар и најбогатиот бизнисмен се во војна преку социјалните мрежи, само една работа е јасна: последиците може да ги надминат личните конфликти и да имаат длабоко влијание врз политиката, економијата и технолошката иднина на САД.
Како може да ескалира конфликтот?
Според индискиот весник The Times of India, постојат неколку начини на кои Трамп и Маск може меѓусебно да си наштетат:
Трамп може да ги поништи владините договори вредни три милијарди долари со Масковите компании, што би резултирало со губење на даночни поволности за Tesla.
Маск веќе се закани со повлекување на вселенската капсула Dragon од употреба – летало кое транспортира американски астронаути до Меѓународната вселенска станица – што би имало сериозни последици за американската вселенска програма.
Трамп, пак, може со еден потпис да му ги укине безбедносните дозволи на Маск, што би значело губење на пристап до клучни владини локации – нешто со што Маск често се фали.
Маск, исто така, направи анкета на мрежата Икс, во која праша дали треба да формира трета партија во САД. На анкетата 1,8 милиони гласачи одговорија позитивно, а таква партија, дури и да не победи, би можела да одвлече значителен број гласачи од Републиканската партија на Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Медведев: Затворањето на небото над Украина би значело војна со НАТО
По изјавите на полскиот министер за надворешни работи, Радослав Сикорски, дека НАТО размислува за затворање на небото над западна Украина поради честите напади со руски беспилотни летала, првата остра реакција дојде од Русија.
Заменик-претседателот на рускиот Совет за безбедност, Дмитриј Медведев, предупреди дека воспоставувањето зона на забрането летање над Украина и овластувањето на земјите од НАТО да соборуваат руски беспилотни летала би значело директен конфликт меѓу НАТО и Русија.
„Сериозно, спроведувањето на провокативната идеја на Киев и другите идиоти за создавање „зона на забрането летање над Украина“ и дозволување на земјите од НАТО да соборуваат наши беспилотни летала значи само едно: војна на НАТО со Русија“, напиша Медведев на својот Телеграм канал, коментирајќи ја изјавата на Сикорски.
Медведев, исто така, забележа дека „моќната европска иницијатива „Источна стража““ повеќе го забавила отколку што го исплашила. „Се чини дека ова е сè што останало од „коалицијата на оние што се подготвени“, истакна тој.
Тој се осврна и на посетата на естонскиот министер за одбрана Хано Певкур на Киев, додавајќи: „Колку е помала земјата, толку нејзините лидери се посклони кон агресија и глупост“.
Оваа изјава претставува прв отворен одговор на Москва на најавите на НАТО за потенцијално затворање на дел од украинскиот воздушен простор и дополнително ги разгорува тензиите во регионот, укажувајќи на можност за директна конфронтација со сојузниците од Алијансата, според написите во светските медиуми.
Фото: принтскрин
Свет
Лукашенко: Имаме сè за да му нанесеме неподнослива штета на агресорот
Одговорот на Белорусија во случај на директна закана ќе биде молскавично брз, Минск има сè што е потребно за да му нанесе незамислива штета на потенцијален агресор, изјави претседателот на земјата, Александар Лукашенко, во интервју за руските медиуми.
„Секако, го следиме развојот на ситуацијата на западните граници.
Во случај на директна закана, ќе одговориме со молскавично брзина на секој што ќе стапне на белоруска земја. Ако преминат од зборови на дела, ќе имаме со што да возвратиме.
Имаме што е потребно за да му нанесеме неприфатлива штета на агресор. Не им советувам да го тестираат тоа“, нагласи белорускиот лидер.
Лукашенко, исто така, оцени дека непријателската политика на Западот кон Русија и Белорусија не се менува, туку прераснува во отворено агресивна.
Според него, ваквите изјави се лицето на општата политика на Западот кон Белорусија и Русија.
„Најтажно е што оваа политика не се промени.
Поминаа 80 години од крајот на Втората светска војна, а таму, на Запад, тие сè уште ги сметаат нашите земји и нашиот братски сојуз за закана.
НАТО брзо ја вооружува Европа, а Полска и балтичките земји измислуваат наводно заштитни мерки за да им угодат на своите господари.
Една од нив е повлекување од Конвенцијата од Отава и деминирање на границата со Белорусија“, нагласи Лукашенко.
Во исто време, според него, сојузот меѓу Белорусија и Русија е тестиран со текот на времето и сè додека двете земји градат заедничка иднина, тие не можат да го прекинат.
Кога станува збор за решавање на ситуацијата во Украина, белорускиот претседател изјави дека нема алтернатива на мировните преговори за конфликтот, мора да се земат предвид интересите на сите страни, пренесува Спутник.
Лукашенко заклучи дека дијалогот мора да биде отворен и почитуван.
Фото: принтскрин
Свет
Беспилотно летало соборено над зградата на полската влада во Варшава
Безбедносните служби неутрализираа беспилотно летало што леташе над владините згради во центарот на Варшава, а двајца белоруски државјани се уапсени, објави вечерва полскиот премиер Доналд Туск.
„Службата за владина безбедност штотуку неутрализираше беспилотно летало што леташе над владината зграда и над палатата Белведер“, објави Туск на Икс. „Белведер“ е една од официјалните резиденции на полскиот претседател.
„Двајца белоруски државјани се уапсени“, додаде Туск. „Полицијата истражува“.
Инцидентот се случи во време кога Полска е во состојба на зголемена готовност откако група руски беспилотни летала влегоа во воздушниот простор на земјата минатата недела, анализираат медиумите во регионот.
Туск предупреди тогаш дека тоа е „најблиску што сме дошле до отворен конфликт од Втората светска војна“.
Фото: принтскрин
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
(Видео) Ангелов: Пожарот во Трубарево е целосно изгаснат, состојбата во „Дрисла“ е драстично подобрена
Пожарот во Трубарево е целосно изгаснат, целата опожарена површина е затрупана со песок и земја. Утрово покажуваше на неколку места...
(Видео) Хибридниот напад од странски центри е смешно алиби за неспособност на Мицкоски, вели Филипче
Претседателот на СДСМ, д-р Венко Филипче, денеска силно ги нападна изјавите на премиерот Мицкоски дека државата била цел на хибриден...
За да нема чадење од „Вардариште“, треба да се најде пристоен дом за над 200 луѓе што живеат среде депонијата, а некои од нив потпалуваат, вели Тошковски
Во решавање на проблемот со депонијата „Вардариште“ треба да се вклучат сите институции, да им се најде соодветен дом на...
(Видео) „Дуото Апасиев – Мециновиќ си пикнало во џебот милиони од партијата Левица, а на поддржувачите им велат донирајте ни пари“, вели Манасиевски
„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и...
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го...
(Видео) Граѓаните го блокираа мостот „Близнаци“: секој ден без акција значи уште еден ден вдишување отрови
Граѓаните, утрово, од 7.30 часот, еден час ја блокираа крстосницата кај мостот „Близнаци“ помеѓу општините Аеродром и Гази Баба. „Овој...
(Видео) Запленети 204 банкноти и монети за колекционерски цели
Запленети се 204 банкноти и монети за колекционерски цели, чија вредност е проценета на 700 илјади денари. Случајот е откриен...
„Скопје се труе, Изет се крие: од потпретседател на Али Ахмети, заврши како портпарол на Мицкоски“, велат од ДУИ
„Демократската унија за интеграција изразува длабока загриженост за еколошката катастрофа што го погоди главниот град по избувнувањето на пожарот во...
„Доста беа приказни, за еколошката катастрофа во Скопје мора да има политичка и кривична одговорност“, велат од СДСМ
„Македонија има неспособна власт која раскажува приказни додека горат депонии и фабрики, а граѓаните ја плаќаат цената со сопственото здравје....
Двајца претепале човек во Паркот на жената борец: починал во болница, Обвинителството бара притвор
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска...
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на...
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
