Свет
Ескобар: Русија не го поттикнува конфликтот во Косово
Специјалниот пратеник на САД за Западен Балкан, Габриел Ескобар, истакна денеска дека не мисли оти Русија го поттикнува конфликтот на северот од Косово, пренесува „РТ Балкан“.
Како што оцени Ескобар, Русија „ја користи кризата во регионот како аргумент дека Западот пропаѓа“, но напомена дека кризата е долгорочен проблем што ѝ претходеше на кризата во Украина.
„Настаните во Косово одразуваат проблем меѓу разните групи, што трае долго време, постоеше и пред кризата во Украина, која го направи поважен. Но, не мислам дека овој конфликт е поттикнат од Русија“, рече Ескобар.
Формирањето на заедницата на српските општини (ЗСО), како што наведува тој, е правен услов за институциите во Приштина.
„Значи, јас зборувам за фактите. Тоа барање се наоѓа во Бриселскиот договор, во заклучоците на Европскиот совет, во рамките на договорот од Охрид. Тоа не е договор меѓу Курти и Србија, туку меѓу Косово и Србија. Ако Косово сака да се вклучи во процесот на евро-атлантска интеграција, мора да го исполни тој услов. Прашањето е дали тоа ќе се реализира сега или во рамките на некоја идна влада“, посочи Ескобар.
Тој посочи дека договорот од Охрид е сеопфатен и подразбира нормализација на односите меѓу Белград и Приштина.
„Одговорностите на двете страни таму се јасно наведени. Сè може да се направи бргу, вклучително и формирањето на ЗСО. Може да имаме сè, повеќето елементи“, рече американскиот претставник.
Ескобар нагласи дека во разговорот со српскиот претседател Александар Вучиќ јасно укажал дека вртењето грб на европскиот предлог и на договорот значи вртење грб на Европа со сите последици во смисла на неуспех во натамошните интеграции и поблиска соработка со ЕУ, што, како истакна тој, сама по себе е сериозна последица.
„Пред сè, мора веднаш да ги смириме тензиите, што значи дека се надеваме дека градоначалниците нема да се обидат да ги користат тие општински згради и дека косовската полиција ќе се повлече од зградите, но и дека српските демонстранти ќе ги напуштат локациите. Ако има нови избори, Србите треба да учествуваат на нив без никакви предуслови“, рече Ескобар и истакна дека Вучиќ рекол ќе го искористи своето влијание Србите повторно да учествуваат на изборите на северот од Косово.
Ескобар нагласи дека, во врска со новите избори на северот на Косово, „не сака да чека до крајот на јули, туку дека тоа е план што во моментовт се развива“.
„Најголемиот предизвик за Србија е да ги убеди Србите во Косово да се вратат во институциите. Ова е нешто за што сме усогласени со Србија. Мора да се погрижиме Србите да учествуваат на изборите, да се вратат во институциите и да бидат добредојдени“, истакна тој.
Ескобар додаде дека „ако Приштина не сака партнерство, тогаш ќе се оддалечи од сојузот со НАТО, што само по себе е голема последица“.
„Не му дадов никаков рок на Курти. Белата куќа бара од мене в петок да дадам најнова информација за ова што се случува, но тоа е следниот чекор за мене, не е краен рок. Врз основа на следниот извештај ќе донесеме некои одлуки за иднината, но не е никаков рок за никој“, нагласи тој.
Ескобар на крајот повтори дека САД се посветени да им помогнат на Србија и на Косово „на начин што им одговара на сите“ и дека тоа води кон регионален план од кој имаат корист сите што живеат на Западен Балкан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Руси: Започнавме со ослободување на градот Херсон
Владимир Салдо, нелегалниот руски гувернер на Херсонската област, изјави за ТАСС дека „руските вооружени сили започнаа со ослободувањето на Херсон од украинската армија“. Според него, „индустриската зона и викендичките на островите во долниот тек на реката веќе се под руска контрола“.
Нелегално прогласениот гувернер објасни дека неколку делови од градот се наоѓаат на левиот брег на реката Днепар и се под контрола на руските вооружени сили. Тој нагласи дека овие области се главно индустриски зони, а покрај тоа, „руската војска контролира голем број викендички“.
„На островите што се наоѓаат во долниот тек на Днепар, од Херсон па сè до Црното Море, има доста голем број летниковци. Сите тие се исто така под контрола на (руските) вооружени сили. Затоа, ослободувањето на самиот град Херсон веќе започна“, рече Салдо.
Тој изјави дека руските трупи ја контролираат индустриската зона Херсон на левиот брег на реката Днепар, како и населбите со дачи на островите во долниот тек на реката.
фото:илустрација
Свет
Трамп: Претседателот на Колумбија е нарко-бос
Претседателот на САД, Доналд Трамп, денес објави на социјалната мрежа Truth Social дека САД ја прекинуваат финансиската помош за Колумбија, долгогодишен американски сојузник, обвинувајќи го нејзиниот претседател дека одобрува производство на дрога.
Трамп рече дека левичарскиот претседател Густаво Петро не прави ништо за да го спречи производството на кокаин и покрај „големите плаќања и субвенции од САД“.
„Претседателот Густаво Петро од Колумбија е нелегален нарко-бос кој силно го поттикнува масовното производство на дрога, на големи и мали полиња, низ цела Колумбија. Тоа стана убедливо најголемиот бизнис во Колумбија, а Петро не прави ништо за да го спречи тоа, и покрај огромните плаќања и субвенции од Соединетите Американски Држави кои не се ништо повеќе од долгорочен грабеж на Америка.
Од денес, овие плаќања, или која било друга форма на плаќање или субвенции,веќе нема да се вршат во Колумбија. Целта на ова производство на дрога е да се продадат огромни количини од производот во Соединетите Американски Држави, предизвикувајќи смрт, уништување и хаос. Петро, слабо оценет и многу непопуларен лидер, со нов, груб став кон Америка, подобро е веднаш да ги затвори овие полиња на смртта, или Соединетите Американски Држави ќе ги затворат за него, и нема да биде убаво. Ви благодарам за вашето внимание на ова прашање!“ објави Трамп на Truth Social.
Минатиот месец, Вашингтон објави дека го повлекува статусот на Колумбија како сојузник во борбата против дрогата.
По една деценија близок сојуз во таканаречената војна против дрогата, Трамп во септември го обвини Петро не само дека не успеал да го ограничи производството на кокаин, туку и дека го надгледувал неговото зголемување до „највисоки нивоа на сите времиња“, според потпишаната резолуција што Белата куќа ја испрати до Конгресот.
Колумбија возврати со запирање на купувањето оружје од САД, нивниот најголем воен партнер.
Свет
Примирјето е прекршено – Израел изврши напади врз Газа
Израелските воздухопловни сили нападнаа цели на Хамас во Појасот Газа откако терористичката организација испали противтенковска ракета кон ИДФ, кршејќи го прекинот на огнот.
Израелските одбранбени сили (ИДФ) објавија дека почнале бран напади во јужниот дел на Појасот Газа.
Според соопштението, нападите се насочени против терористички цели на Хамас, по јасното кршење на договорот за прекин на огнот што се случи денес.
Israeli occupation aircraft launched more than 20 airstrikes on areas eastern Khan Younis, south of the Gaza Strip. pic.twitter.com/hFx5rWNy4H
— Quds News Network (@QudsNen) October 19, 2025
Хамас соопшти дека не е во контакт со никакви борци кои можеби сè уште се во близина на Рафа, каде што ИДФ соопшти дека се случиле судирите.
Претходно денеска беше објавено дека премиерот на Израел, Бенјамин Нетанјаху, ќе ги повика своите врвни помошници на итен состанок за одговорот на Израел на нападот на Хамас врз војниците на ИДФ претходно денес и неуспехот на групата да ги врати повеќето од преостанатите убиени заложници, објави „Тајмс оф Израел“.
Агенцијата за цивилна заштита во Газа денес објави дека најмалку 11 лица се убиени во серија израелски воздушни напади низ територијата, додека двете страни се обвинуваат меѓусебно за кршење на прекинот на огнот.
Махмуд Басал, портпарол на агенцијата управувана од Хамас, рече дека шест лица се убиени кога израелски напад погодил група цивили во северна Газа.
Израелската војска изјави за АФП дека ги проверува извештаите за жртви. Претходно, воен претставник рече дека Израел би можел да започне дополнителни напади откако неговите сили ги таргетирале милитантите во Рафа и Беит Лахија, по три одделни напади врз израелските сили.
Израелски воен претставник изјави дека може да се извршат нови воздушни напади врз Газа, по нападите врз Рафа на југ и Беит Лахија на север во текот на денот, објави АФП.
„Постои можност за повеќе напади“, изјави претставникот за новинарите за време на онлајн брифинг, откако војската соопшти дека ги таргетирала милитантите одговорни за три одделни напади врз израелските сили.
фото:илустрација
До 17 часот гласале 39,61 отсто од гласачите
Од податоците добиени од 3.221 избирачки места, односно 92,72 отсто од вкупниот број, до 17 часот и 20 минути часот...
На новинарка сакале да ѝ го земат телефонот, интервенирала и полицијата
Здружението на новинарите на Македонија (ЗНМ) апелира до Државната изборна комисија (ДИК), општинските изборни комисии, и Министерството за внатрешни работи...
Погрешно испечатени ливчиња во Ново Село и наводи за поткуп во Велес, Прилеп, Крива Паланка и Свети Николе
Денешното гласање до сега поминува мирно без поголеми нарушувања на изборниот процес, соопшти Јавното обвинителство. „Од почетокот на гласањето утрово,...
Регистрирани се 20 пријави за нарушување на изборниот молк
За време на предизборниот молк, во текот на 18.10.2025 до 07:00 часот на 19.10.2025, односно до отворање на избирачките места,...
(Видео) ДИК: На две избирачки места гласањето се одвива без користиње на уредот за биометриска идентификација
Во Куманово едно избирачко место, број 1133, каде се запишани 12 гласачи, поради објективни околности, односно немање струја во тоа...
(Видео) Тошковски: На терен се над 90 отсто од силите со кои располага МВР
Денеска е ден на демократијата, денеска македонските граѓани ќе можат да си го остварат своето право на глас во рамки...
Откриен новиот услов на Путин за завршување на војната
Рускиот претседател Владимир Путин, во телефонски разговор со американскиот претседател Доналд Трамп минатата недела, побара целосна контрола врз Донецк, стратешки...
ДИК: Навреме отворени сите избирачки места, гласањето се одвива без проблем
Државната изборна комисија извести дека денес навремено се отворени сите избирачки места и процесот на гласање се спроведува без проблем....
Прв поранешен претседател на земја од ЕУ зад решетки: Саркози ќе оди во затвор за два дена
Поранешниот француски претседател Никола Саркози треба да оди во затвор во вторник поради неговиот заговор за обезбедување либиско финансирање за...
Бројот на дронови што упаѓаат во аеродромите низ Европа значително се зголеми
Голем број беспилотни летала го нарушија воздушниот простор низ Европа во последните недели, предизвикувајќи тревога поради повторените упади со дронови...
(Видео) Американците објавија снимка од нападот на Карибите; Пентагон: Транспортираа товар со дрога
Министерството за одбрана на САД објави снимка од напад со беспилотно летало извршен пред два дена врз полу-нурнат брод на...
Хамас предаде уште две тела на заложници, израелската армија идентификуваше едно
Израелските одбранбени сили (ИДФ) го идентификуваа телото на еден од заложниците вратени од Хамас како дел од договорот за прекин...
Отворени избирачките места, право на глас имаат 1,83 милиони граѓани
Во 7 часот денеска започна гласањето на осмите Локални избори од осамостојувањето на државата. На Локалните избори 2025 во Северна...
Скандал во студентскиот дом „Гоце Делчев“, студент снимал девојки додека се туширале
Студент бил фатен како тајно снима студентка во студентскиот дом „Гоце Делчев“ во Скопје. „На 16 октомври 2025 во 20...
Возел со 3,32 алкохол во крвта и направил сообраќајка
Кавадарчанец бил лишен од слобода, со 3,32 промили алкохол во крвта управувал возило и учествувал во сообраќајка, информираа денеска од...
ДИК: Вкупно 8.848 болни или немоќни лица денес можат да го остварат своето право на глас
Денес се спроведува гласањето на болните или немоќни лица, лицата кои се на издржување на казна затвор или се во...
ОЈО Струга отвори предмет за спомен-куќата на Владо Малески
Основното јавно обвинителство Струга оформило предмет во врска со уривањето на спомен-куќата на Владо Малески, при вршење градежни работи во...
Куманово со најмногу гласачи 94.041, Лозово со најмалку 1.905
Право на глас на осмите Локални избори 2025 в недела имаат 1.832.415 гласачи, од кои 1.717.803 во земјата и 112...
Од ноќеска на полноќ заклучно со 19:00 часот на 19 октомври е изборен молк
Од ноќеска на полноќ заклучно со 19:00 часот на 19 октомври е изборен молк. Агенцијата за аудио и аудиовизуелни медиумски...
Трета жртва од тешката сообраќајка во Сремска Митровица – почина за време на операцијата
Уште едно лице загинало по сообраќајната несреќа што се случи денес во Сремска Митровица, кога автобус се преврте и излета...
