Свет
Естонија: Русија ја разбира само грубата сила, треба некој да ѝ го скрши ‘рбетот
Eстонија ќе ја поддржува Украина со 0,25 отсто од нејзиниот домашен бруто-производ (БДП) во следните четири години, соопшти естонската влада повикувајќи ги сојузниците да го сторат истото тоа.
Естонија, која се граничи со Русија, се очекува да потроши 3,2 отсто од својот БДП во 2024 година за одбрана, вклучително и поддршка за Украина.
„Нашите пресметки покажуваат дека ако слободниот свет е подготвен да ѝ помогне на Украина во износ од 0,25 отсто од нејзиниот БДП годишно, тоа би било доволно за да ѝ го скрши грбот на Русија, која разбира само брутална сила“, рече министерот за одбрана, Хано Певкур.
„Тоа е мала цена што треба да се плати во споредба со трошоците ако руската агресија на крајот се исплати“, додаде тој.
Еден од најверните поддржувачи на Украина во Европската Унија и НАТО исто така најави пакет помош од 80 милиони евра за Украина во четвртокот вклучувајќи и противтенковски ракети.
Централната банка на Естонија прогнозира БДП на земјата за 2024 година на 41,2 милијарда евра, што значи дека нејзината поддршка од 0,5 отсто за Украина може да изнесува околу 206 милиони евра следната година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.