Земјотрес со интензитет од 6,1 степен според Рихтеровата скала го погоди јужниот брег на Крит во Грција, соопштија сеизмолошките служби. Земјотресот предизвика проценка на ризикот од цунами за целиот регион.

Американскиот геолошки завод (USGS) објави дека земјотресот е регистриран на длабочина од 68,9 километри, со епицентар во морето, 58 километри североисточно од Елунда, популарна туристичка дестинација.

Иако засега нема извештаи за повредени или поголема материјална штета, грчките власти и експертите остануваат во состојба на зголемена готовност.

Во исто време, Европско-медитеранскиот сеизмолошки центар (EMSC) потврди дека е во тек проценка на можноста за цунами.

Грчките служби за итни случаи се ставени во состојба на готовност, додека цивилната заштита продолжува да ја следи ситуацијата на терен. Жителите на крајбрежните области се повикуваат да останат внимателни и да ги следат понатамошните упатства од властите.

Крит, најголемиот грчки остров, се наоѓа во сеизмички активна зона и во последните години доживеа неколку силни земјотреси.

За време на спуштањето во вода на нов севернокорејски воен брод, на кој присуствуваше и лидерот Ким Џонг Ун, се случи сериозна несреќа што Ким ја нарече „криминален чин што не може да се толерира“, објави денес државната агенција КЦНА.

Ким, кој беше сведок на неуспешното лансирање на разурнувачот, ја осуди несреќата како „небрежност што го наруши достоинството на земјата“, нареди бродот да биде обновен пред клучниот состанок на владејачката партија во јуни.

Во извештајот не се споменува дали имало жртви.

A serious accident occurred on Wednesday during the launch ceremony of #NorthKorea's newly built 5,000-ton destroyer.#KimJongUn, who was watching the ceremony at the scene, said "It was a criminal act caused by absolute carelessness, irresponsibility, and unscientific… pic.twitter.com/XTIDHAYdmk

— Ifeng News (@IFENG__official) May 22, 2025

КЦНА соопшти дека инцидентот во пристаништето Чонгџин на истокот од земјата бил предизвикан од губење на рамнотежата за време на спуштањето на бродот и дека делови од дното на воениот брод биле смачкани, но не даде дополнителни детали за претрпената штета.

„Ким Џонг Ун даде строга проценка, велејќи дека станува збор за сериозна несреќа и кривично дело предизвикано од апсолутна невнимание, неодговорност и ненаучен емпиризам што е надвор од границите на можното и не може да се толерира“, објави КЦНА.

Ким рече дека несреќата „го довела до колапс достоинството и самопочитта на нашата држава“, додавајќи дека итна поправка на разурнувачот „не е само практично прашање, туку политичко прашање директно поврзано со авторитетот на државата“.

🇰🇵 Nothing makes a father happier than showing the new “innovative destroyer” to his daughter on a pier walk.

“Kim Jong-un and his daughter enjoying a stroll near the DPRK's new 5,000-ton destroyer-class warship.” pic.twitter.com/loy8EKlfAQ

— Lord Bebo (@MyLordBebo) April 27, 2025

Реткото јавно објавување на несреќата следи по извештаите за лансирање на друг разурнувач со слична големина во април, на кој Ким присуствуваше во бродоградилиште на западниот брег на земјата.

Американската државна обвинителка Пам Бонди на прес-конференција по пукањето пред Еврејскиот музеј во Вашингтон, во кое беа убиени две лица, изјави дека неколку пати разговарала со претседателот Доналд Трамп.

„Во име на претседателот, неговите молитви се со сите нас – со еврејската заедница, со сите во Вашингтон и со државните, локалните и федералните агенции, како и со нашата одлична американска обвинителка Џанин Пиро, која ќе го води овој случај“, рече Бонди.

Трамп објави порака со сочувство до семејствата на убиениот пар на Truth Social кратко потоа.

Американскиот претседател Доналд Трамп им упати сочувство на семејствата на двајца вработени во израелската амбасада кои беа убиени во пукање во близина на Еврејскиот музеј во Вашингтон.

„Овие ужасни убиства во Вашингтон, очигледно мотивирани од антисемитизам, мора веднаш да престанат! Омразата и радикализмот немаат место во САД. Сочувство до семејствата на жртвите. Жално е што вакви работи воопшто се случуваат! Нека Бог ве благослови сите“, напиша претседателот на Truth Social.