Европа
ЕУ ќе водеде нови правила за добивање на возачки дозволи
Eвропската Унија оваа година планира да донесе нова директива за возачки дозволи. Засега тоа е само нацрт, но познати се првите контури на предлогот што ќе го усвојат европските тела, пишува германскиот автоклуб ADAC.
Возачката дозвола од Б категорија се однесува само на моторни возила до вкупна дозволена маса од 3,5 тони. Со тоа, повеќето мобилни домови не смеат да ги управуваат имателите на возачка дозвола, бидејќи тие се премногу тешки. Оттука се планира зголемување на дозволената вкупна маса на 4,25 тони.
Регулативите кои порано важеа само на национално ниво ќе бидат признати низ цела ЕУ
Веќе неколку години, возачката дозвола Б категорија во Германија може да се прошири и на возачката дозвола Б196. Со тоа се овозможува возење на лесни мотоцикли до 125 кубика, но само во Германија. Тоа може да се промени со четвртата Директива за возачка дозвола. Имено, прописите кои претходно се применуваа само на национално ниво во иднина ќе бидат признати низ ЕУ. Тогаш би можело да се патува преку националните граници со мотоцикл од 125 кубика.
Минималната возраст за возачки дозволи за камиони или автобуси може да се намали на 18 години. Во Германија, на пример, Ц категорија за камиони може да се добие само на возраст од 21 година, а категоријата Д за автобуси само на возраст од 24 години.
Дигиталната возачка дозвола треба да добие и втора шанса: целта е соодветната апликација за паметен телефон да биде доволна во случај на полициска проверка или кога изнајмувате автомобил. Се размислува и за QR код кој ќе го замени сегашниот чип за да биде поотпорен на фалсификување.
Досега не можеше да се положи теоретски и практичен возачки испит во различни земји членки на Европската Унија. За да се земе предвид зголемената мобилност на населението, тоа треба да се дозволи во иднина. За тоа би требало да се поедностават сегашните регулативи за престој.
Исто така, се дискутира дека практичната настава треба да се започне само откако теоретскиот испит е успешно положен. Во иднина барем дел од возачкиот испит би можел да се полага на симулатори. Задолжителниот курс за освежување на знаењето една година по добивањето на возачка дозвола е наменет за намалување на бројот на несреќи. Експертите за безбедност на патиштата ја препорачаа оваа мерка.
Должината на одземање на возачката дозвола (на пример, за возење под дејство на алкохол) треба да биде стандардизирана и взаемно да се признае. Забраната за возење воведена во Италија тогаш ќе се применува и во Германија.
Во овој контекст, пишува Феникс Магазин, се бараат и униформни гранични вредности за консумирање алкохол и дрога, да се усогласат системите за бодови во различни земји, а податоците за возачките дозволи на сите граѓани на ЕУ да се чуваат во европска база на податоци. Тоа би требало да ги олесни полициските проверки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Ги убил двајцата внуци, па си пресудил самиот на себе: пензионер се забарикадирал во куќа во Шпанија
Трагедија се случи во мал шпански град кога пензионер ги уби своите двајца внуци на возраст од 10 и 13 години пред да се самоубие – два месеца откако сопруга и ќерката му загинаа во сообраќајна несреќа додека тој возел.
Полицијата ја опколила куќата на 72-годишниот маж откако тој синоќа се забарикадирал во имотот со момчињата.
Нивните три тела беа пронајдени околу 8.30 часот утринава во разни простории од куќата во Хуетор Тајар – град со околу 10.000 жители, во близина на градот Гранада во јужна Шпанија – кога насилно влегле вооружени полицајци.
Едното дете е убиено со огнено оружје, а другото се удавило.
Извори блиски до истрагата велат дека едно од децата имало прострелни рани, а другото се верува дека се удавило.
Истражителите на Цивилната гарда велат дека пензионерот се застрелал со истото огнено оружје што го користел за да го убие својот внук.
Неговата сопруга и ќерката, мајка на две деца, ја загубија борбата за живот кога беа исечени од остатоците од автомобилот што го управуваше 72-годишникот.
Европа
Се огласи болницата во Банска Бистрица: Ова се последните информации за состојбата на Роберт Фицо
Состојбата на словачкиот премиер Роберт Фицо, кој беше ранет во обид за атентат минатата недела, е стабилна, соопштија од болницата во Банска Бистрица.
„Клинички се подобрува, комуницира, воспалителните параметри полека се намалуваат. Премиерот останува под наша грижа“, соопштија од болницата во Банска Бистрица по денешната седница на советот.
Фицо беше тешко ранет минатата среда по состанокот на кабинетот кога се приближи до насобраните луѓе.
Тој со хеликоптер беше префрлен во болницата во Банска Бистрица, каде што итно беше опериран и оттогаш е таму.
Претходните денови се зборуваше за префрлање на премиерот во друга институција, но како што може да се заклучи од денешното соопштение на болницата, тој засега останува во Банска Бистрица.
Европа
Украина со дронови нападна руска рафинерија: „Има штета, престана да работи“
Руска нафтена рафинерија во Славјанск, во Краснодарската област, беше оштетена по напад со беспилотно летало кон крајот на минатата недела, објави денеска државната новинска агенција „Тасс“ цитирајќи претставник на компанијата за безбедност.
Шест беспилотни летала погодија област на нафтена рафинерија во Славјанск во јужниот дел на Русија Краснодар во раните утрински часови, според локалните власти.
Новинската агенција „Интерфакс“ објави дека рафинеријата престанала да работи по нападот.
„Причинета е штета. Ќе се утврдат нејзината големина и опсегот“, ја цитира „Тасс“ изјавата на безбедносниот претставник Едуард Труднев во понеделникот.
Рафинеријата во Славјанск е приватна постројка со капацитет од речиси 100.000 барели дневно. Произведува гориво за домашни потреби и за извоз.