Свет
ЕУ ќе ѝ додели заем од 35 милијарди евра на Украина

Европската Унија ќе ѝ одобри заем до 35 милијарди евра на Украина за да ѝ помогне на таа земја заглавена во тешката војна со Русија, најави претседателката на Европската комисија, Урсула фон дер Лајен.
Заемот, кој беше најавен за време на посетата на шефот на комисијата на Киев, е дел од поширокиот план на земјите од Г7 за собирање пари со користење од руските средства замрзнати за да се санкционира Русија поради инвазијата.
„Немилосрдните руски напади значат дека на Украина ѝ е потребна континуирана поддршка од ЕУ“, рече Фон дер Лајен во објавата на „Икс“.
Украина се соочува со огромни финансиски потреби по повеќе од две години интензивна војна, која ја уништи нејзината инфраструктура.
Русија деактивира околу 9 гигавати (GW) од енергетската инфраструктура на Украина.
Групата 7 (Г7) замрзна руски финансиски средства во вредност од речиси 300 милијарди долари кусо време по инвазијата на Москва на Украина во 2022 година. Тие ветија дека ќе ги искористат средствата за да му помогнат на својот сојузник, но поминаа месеци дебатирајќи точно како може да функционира таков механизам.
Во мај ЕУ склучи договор меѓу своите земји членки, според кој 90 отсто од тие приходи ќе одат во фонд управуван од ЕУ за воена помош за Украина, а другите 10 отсто ќе го поддржат Киев на други начини.
Се очекува Украина да ја добие првата транша од помошта во јули, соопштија дипломатите на ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Летот на европска ракета траеше помалку од минута, се урна и експлодира

Пробна ракета, која имала за цел да почнат да се лансираат сателити од Европа, денеска се урна на земјата и експлодира 40 секунди по полетувањето од Норвешкиот вселенски центар.
Ракетата „Спектрум“ беше најавена како прв обид за орбитален лет од Европа, каде неколку земји, вклучувајќи ги Шведска и Велика Британија, изразија желба да заземат дел од растечкиот пазар за комерцијални мисии во вселената.
LAUNCH! Isar Aerospace’s Spectrum rocket launches from the Orbital Launch Pad at the Andøya Space Center in Norway.
Overview:https://t.co/64HcC1kqIH
Live Isar/NSF:https://t.co/aGH02uqNum
And failed early in first stage flight. That’s why it’s a test flight. pic.twitter.com/SfolnqhtBu
— NSF – NASASpaceflight.com (@NASASpaceflight) March 30, 2025
Германскиот стартап „Исар Аероспејс“, кој предупреди дека првичното лансирање може да заврши предвреме, рече дека тестот обезбедил „обемни податоци од кои нивниот тим може да учи“.
Свет
Земјотрес со јачина од 7,1 степени според Рихтеровата скала ја погоди Тонга, издадено предупредување за цунами

Силен земјотрес со јачина од 7,1 степени по Рихтер ја погоди областа во близина на Тонга, поради што е издадено предупредување за цунами за оваа островска држава. Америкнскиот геолошки возавод соопшти дека земјотресот е регистриран на околу 100 километри североисточно од главниот остров во Тонга.
Тихоокеанскиот центар за предупредување од цунами издаде предупредување дека опасните бранови можат да ги погодат крајбрежните области на 300 километри од епицентарот. Засега нема извештаи за жртви или материјална штета.
Тонга е островска држава во Полинезија, која се состои од 171 остров, со население од нешто повеќе од 100.000, од кои повеќето живеат на главниот остров Тонгатапу.
Се наоѓа на повеќе од 3.500 километри источно од австралискиот брег.
Свет
Спасувачки тимови од целиот свет пристигнаа во Мјанмар

По земјотресот што го погоди Мјанмар, неколку земји испратија спасувачки тимови да помогнат во потрагата и спасувањето.
Кина вчера испрати спасувачки тим од 82 члена во Мјанмар, а друг тим во трговскиот центар Јангон.
Хонг Конг денеска испрати тим од 51 член, со кучиња трагачи, специјализирана опрема и уреди за откривање живот.
Индиски хуманитарен авион слета во Мјанмар со тим за пребарување и спасување, комплети за хигиена, ќебиња и пакети со храна.
Малезиското Министерство за надворешни работи соопшти дека испраќа тим од 50 луѓе.
Други земји кои испратија спасувачки тимови се Филипините, Виетнам, Индонезија, Ирска, Јужна Кореја и Нов Зеланд.