Свет
Жена од Перт го фрлила кучето од височина, потоа се правдала дека му направила услуга

Ејми Џаџ од Перт е осудена на затвор бидејќи минатата година го фрлила својот миленик малтезер од височина. Кучето починало од повредите.
Случаен минувач го пронашол тешко повреденото куче и веднаш го однел на ветеринар, но малтезерот поради тежината на повредите бил успиен.
Овој инцидент се случил во април минатата година, но сопственичката на кучето, Ејми Џаџ (26), денеска е осудена на една година затвор поради суровост кон животните. По падот од височина, кучето имало внатрешно крвавење, повреда на мозокот, ‘рбетот и на карлицата.
Неколку недели подоцна го признала делото и напишала дека со фрлањето на миленичето му направила услуга на своето куче.
„Не можам да живеам со оваа вина. Го фрлив моето куче од врвот на паркингот во трговски центар, а потоа го гледав како паѓа до смрт. Тоа успеа да преживее, но требаше да заспие поради тоа што му го направив. Го убив моето куче и вистината мора да излезе на виделина. Ме искина вината, не можам повеќе да живеам во лаги. Сега кога сите ја знаат вистината, можам да се смирам и да престанам да лажам“, напиша таа на „Фејсбук“.
Нејзината објава предизвика големо внимание на социјалните мрежи.
Во моментот на нападот со неа бил и нејзиниот свршеник, кој е осуден на глоба и три години не смее да поседува домашно милениче.
На снимката од надзорните камери може да се види како Ејми му дозволува на животното да оди на работ од покривот на паркингот, а потоа го зема миленичето и го фрла од височина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
„Шпионирала за Киев, планирала да труе војници“: Русите уапсија готвачка на Крим

Федералната служба за безбедност (ФСБ) на Русија објави дека уапсила 45-годишна Русинка, главен готвач во ресторан во Севастопол, на Крим, под сомнение за шпионажа за Украина и план за труење руски војници, објави „Киев пост“.
Неименуваната жена, која е во притвор, е обвинета дека работела за Главната дирекција за разузнавање на Украина (ХУР) во последните две години. ФСБ тврди дека таа ги понудила своите услуги на украинската разузнавачка служба уште во септември 2023 година.
Таа наводно користела „Воцап“ за да споделува информации со своите врски за локациите и за рутите на рускиот воен персонал и опрема во Севастопол, поранешното главно пристаниште на руската Црноморска флота. ФСБ конкретно тврди дека таа фотографирала бродови на Црноморската флота стационирани во Севастополскиот Залив, кои подоцна биле користени од украинските вооружени сили за планирање ракетни напади.
Таа е обвинета и за план за труење припадници на руските специјални сили, кои го посетувале ресторанот во кој работела.
Кримскиот одред на ФСБ соопшти дека жената е обвинета за велепредавство според член 275 од Рускиот кривичен законик додавајќи дека истрагата за нејзините криминални активности е во тек. Во соопштението за медиумите на ФСБ се наведува дека ова е уште еден пример за тоа како „украинските специјални служби ја дестабилизираат општествено-политичката ситуација и предизвикуваат економска штета на државата со активно регрутирање сторители на саботажи и терористички напади“.
фото: принтскрин
Регион
(Видео) Општа тепачка на свадба во Србија: гостинка ја удри невестата, возврати младоженецот

Свадбена прослава во Горњи Милановац се претвори во вистинска драма кога избувна масовна тепачка меѓу гостите.
Според порталот „192.рс“, инцидентот почнал кога гостинка на свадбата, од причини што засега се непознати, физички ја нападнала невестата и ја удрила.
Потоа реагирал младоженецот обидувајќи се да ја заштити својата сопруга, а конфликтот набргу се проширил и на другите гости.
View this post on Instagram
Според снимката, во салата владеел целосен хаос, а некои од присутните се обидувале да ја смират ситуацијата.
фото: принтскрин
Регион
Дојава за бомба на имотот на Милорад Додик

Утрово, во Бања Лука е примена пријава за поставена бомба на имотот на Милорад Додик, поранешниот претседател на Република Српска.
Според Радио Сараево, полицијата веднаш излегла на местото на настанот и спроведува контрадиверзиска инспекција на имотот.
Претходно наутро, примена е и пријава за бомба во хотелот „Палас“ во Бања Лука. Министерството за внатрешни работи на РС извршило увид и утврдило дека станува збор за лажна пријава.
фото: принтскрин