Свет
Западот ја обвини Русија дека предизвикува глад во светот
Русија беше обвинета пред Советот за безбедност на Обединетите нации дека предизвикува глобална криза со храна и ги става луѓето во ризик од глад со почнување на војната во Украина, која е житница на Европа.
„Рускиот претседател Владимир Путин ја почна оваа војна. Владимир Путин ја создаде оваа глобална криза со храна. Одговорноста за водење војна во Украина – и за ефектите од војната врз глобалната безбедност на храната – лежи исклучиво на Русија и на претседателот Путин“, рече американскиот заменик-државен секретар Венди Шерман на состанокот на Советот за безбедност посветен на хуманитарната ситуација во Украина..
Францускиот амбасадор во ОН, Николас де Ривиер, истакна дека „руската агресија против Украина го зголеми ризикот од глад во светот“ и дека првин ќе биде погодено населението на земјите во развој.
„Русија несомнено ќе се обиде да нѐ убеди дека токму санкциите против неа создаваат нерамнотежа во ситуацијата со безбедноста на храната во светот“, додаде Де Ривиер.
Амбасадорот на Москва во ОН, Василиј Небенсија, изјави дека потенцијалните турбуленции на глобалниот пазар на храна всушност навистина се предизвикани од „нескротливата хистерија на санкции што Западот ја воведе против Русија“.
Шерман и директорот на Светската програма за храна (WFP), Дејвид Бисли, известија дека Украина и Русија, кои се исто така главни производители на жито, сочинуваат 30 отсто од светскиот извоз на пченица, 20 отсто од пченката и 75 отсто од сончогледовото масло.
Европската Унија во петокот објави иницијатива за ублажување на недостигот на храна предизвикан од војната. ЕУ и САД сакаат мултилатерална посветеност за ограничување на извозот на земјоделски суровини.
Помошникот на генералниот секретар на ОН за хуманитарни прашања, Џојс Мсуја, рече дека конфликтот во Украина „се заканува да ја влоши ситуацијата во најголемите хуманитарни кризи во светот, како Авганистан, Јемен и Рогот на Африка“, каде што храната веќе е проблем.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.