Свет
Запаливи балони кои паднаа врз градинка во Израел предизвикаа прекин на примирјето
Израелската армија и екстремистите во Појасот Газа се судрија три дена по стапувањето во сила на неофицијалниот прекин на огнот. Со овој договор требаше да се стави под контрола најголемата ескалација на насилство во војната на палестинската територија.
Израелски авион нишанел кон група Палестинци кои пуштале балони со запалив материјал од источниот дел на Појасот Газа и наводно раниле две лица, објавија израелските медиуми.
Балон од запалив материјал паднал и во детска градинка во јужниот дел на Израел, во близина на границата со Газа. Наводно, во тој момент имало деца во дворот на градинката, но никој не бил повреден.
На конфликтот му претходеше средба на израелскиот премиер Бенјамин Нетанјаху и министерот за одбрана, Авигдор Либерман, со претставници на израелските безбедносни сили на границата.
„Се наоѓаме во средиштето на размена на удари и можам да ви кажам дека израелските одбранбени сили се подготвени за секое сценарио“, рече Нетанјаху.
Либерман објави дека во случај на војна Израел ќе одлучи за правилата на игра и ќе победи.
Во меѓувреме претставниците на екстремистичките организации, Хамас што владе со Појасот Газа и Исламскиот џихад, наводно се договориле со египетските служби како да го прекинат продолжувањето на непријателството.
Сепак, и по прекинот на огнот во саботата вечерта, кој беше постигнат со посредство на Египет, Палестинците продолжија да пуштаат змејови и балони со запаливи материи кон јужниот дел на Израел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху: Ќе ги донесеме сите заложници дома
Израелскиот премиер Бенјамин Нетанјаху го коментираше враќањето на првите жени заложнички во Израел.
Тој го поздрави ослободувањето на Роми Гонен, Дорон Штајнбречер и Емили Дамари.
„Овој момент е постигнат благодарение на пожртвуваноста и борбата на нашите херојски борци – хероите на Израел“, пишува Нетанјаху на „Икс“.
„Ветувам: сите ќе ги донесеме дома!“, додаде.
Свет
Tрите девојки кои Хамас ги држеше повеќе од година во заложништво се соединија со своите мајки
На профилот на Израел на „Икс“ објавени се емотивни фотогрфии од средбата на ослободените заложнички со нивните мајки.
Тие денеска се вратија дома, како дел од договорот за прекин на огнот, кој вклучува етапно ослободување на заложниците кои Хамас ги грабна на 7 октомври 2023 година, кога го напдна Израел, по што почна војната во Газа.
There’s nothing stronger than a mother’s embrace ❤️
Welcome home Emily, Doron and Romi 🇮🇱🎗️ pic.twitter.com/FLCc4qgLbz
— Israel ישראל (@Israel) January 19, 2025
Свет
Видео од моментот на преземање на заложничките од страна на израелската војска
Објавена е снимка на која израелската армија ги презема трите заложнички кои денес ги ослободи Хамас, како дел од договорот за прекин на огнот.
Девојките се пренесени во Израел.
🔴Μια στιγμή που δεν θα ξεχάσουμε ποτέ: Η Emily, η Romi και η Doron μεταφέρονται από τον Ερυθρό Σταυρό στους IDF 🇮🇱🎗️❤️ pic.twitter.com/ndH9UJISJC
— Israel in Greece 🇮🇱🇬🇷 (@IsraelinGreece) January 19, 2025
Објавена е и фотографија од заложничката Емили Дамари. Емили има преврзана рака, но изгледа добро расположена.