Свет
Затворена плажа во Њујорк поради напад на ајкула: Каснала спасител за градите и раката

Официјални лица од округот Сафолк ја затворија плажата во Лонг Ајленд за пливање по напад на ајкула во кој е повреден спасител.
Како што се наведува, спасителот симулирал давеник за време на вежбање кога ајкулата ги каснала за градите и раката, изјави извршниот директор на округот Сафолк, Стив Белоне на прес-конференција.
Повредите се санирани, а спасувачот е во „многу добра состојба“, изјави Белоне.
„ Ако ви се случува да имате средба со ајкула, ова е веројатно најдоброто сценарио што можете да го имате. Ваков инцидент никогаш не се случил. Се надеваме дека тоа никогаш повеќе нема да се повтори“ – изјави Белоне.
Тој истакна дека по нападот била забележана уште една ајкула, иако не е јасно дали се работи за истата ајкула.
Плажата се очекува повторно да се отвори денеска, а властите ќе ја надгледуваат водата во потрага по ајкули.
Џастин Андерсон, надзорник на спасувачите, рече дека во минатото ајкулите ретко биле видени, но минатото лето хранењето на ајкулите било алармантно блиску до капачите, што предизвикало привремено затворање на базените долж океанскиот брег на Лонг Ајленд.
Извршниот директор на округот Насау, Брус Блејкмен, одржа прес-конференција во петокот на блиската плажа Никерсон, за да објави дека окружните полицајци ќе ги зголемат патролите ова лето, и со брод и со хеликоптер, за да го покриваат брегот на секој час.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколкумина загинаа откако патнички воз излета од шините во југозападна Германија

Неколку лица загинаа, а многу други се повредени откако патнички воз излета од шините во југозападна Германија, јави ДПА, повикувајќи се на безбедносни извори.
Спасувачките тимови се на местото на настанот и го пребаруваат возот и околината во потрага по патници.
Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.