Свет
Захарова: Ако Србија влезе во ЕУ, ќе мора да се бори за националниот идентитет
Портпаролката на Министерството за надворешни работи на Русија, Марија Захарова рече дека Србија ќе мора да се бори за својот национален идентитет, доколку стане членка на Европската унија, бидејќи во ЕУ примаат исклучиво врз основа на генетски модифицирана национална свест.
Таа реагираше по повод интервјуто на српскиот вицепремиер, министер за одбрана и лидер на СНС, Милош Вучевиќ за весникот „Политика“, во кое тој меѓу другото изјави дека Србија „мора да стане полноправна членка на Европската унија, бидејќи тоа ќе донесе придобивки за нејзините граѓани“, но дека нема намера да воведува санкции кон Русија, како и дека ќе одржува „партнерски односи со Кина, како и со арапскиот свет, Индија, Африка и двете Америки“.
-Одличен говор. Единствениот проблем е што во ЕУ се примаат исклучиво врз основа на генетски модифицирана национална свест, напиша Захарова на Телеграм.
Како пример таа ги наведе Полска и Унгарија, кои како полноправни членки на Европската унија, како што кажа, „буквално се принудени да се борат за зачувување на својот национален идентитет“.
-Арбитражи, судови, дури и внатрешни санкции, а при тоа се членки на НАТО и постојано гласаат за незаконски антируски санкции. И не треба да ја изгубиме од вид западната расипаност: тие ветуваат многу, а кога ќе го добијат тоа што го сакаат, ништо не исполнуваат, рече Захарова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Кси Џинпинг му подари скулптури на Вучиќ кои го симболизираат кинеско-српското пријателство
За време на официјалната посета на Белград, кинескиот претседател Кси Џинпинг на српскиот претседател Александар Вучиќ му подари скулптури на Небесниот храм во Пекинг и Храмот на Свети Сава изработени од челик.
Фотографија на Кси Џинпинг и Вучиќ во присуство на нивните сопруги кои ги гледаат подароците беше објавена на интернет од страна на помошничката министерка за надворешни работи на Кина, Хуа Чунјинг, а пренесена од Спутник.
President Xi gifted President Vučić sculptures made of steel produced by the HBIS Smederevo steel plant. pic.twitter.com/66Mh5cae5v
— Hua Chunying 华春莹 (@SpokespersonCHN) May 9, 2024
Таа во најавата наведе дека на скулптурите се претставени небесниот храм во Пекинг и храмот Свети Сава во Белград, кои го симболизираат кинеско-српското пријателство.
Свет
Ердоган по повод Денот на Европа: Односот на некои земји кон кризата во Газа ја разниша вербата во европските вредности
Претседателот на Турција, Реџеп Таип Ердоган, објави порака по повод Денот на Европа, во која посочи дека политиката што ја спроведуваат некои европски институции и земји во контекст на кризата во Газа ја разнишаа вербата во европските вредности.
Ердоган изјави дека 9 мај, кога беше објавена декларацијата на Шуман, со која беа поставени темелите на европската интеграција, во Турција се доживува како Ден на Европа од 1999 година кога Анкара го доби статусот на кандидат за членство во Европската Унија.
„Денот на Европа, 9 Мај, не само што го означува почетокот на политичкото и економското единство на Европа туку ги означува и мирот и стабилноста, кои се плод на децениските заеднички напори“, посочи тој.
Свет
ОН: 109 Палестинци убиени, 296 ранети во Појасот Газа од понеделник до среда
Најмалку 109 Палестинци беа убиени, а 296 ранети во израелските напади врз Појасот Газа од понеделник до среда попладне, вклучително и жени и деца што беа убиени во нападите на станбени куќи во Рафа, соопшти канцеларијата на Обединетите нации за координација на хуманитарните прашања (УНОЧА) врз основа на податоците добиени од Министерството за здравство во Газа контролирано од Хамас.
УНОЧА соопшти дека 32 лица биле убиени во шест израелски напади врз Рафа, меѓу кои 11 деца и осум жени.
Девет лица, меѓу кои четири деца и две жени, загинаа во израелски напад врз бегалски камп југоисточно од Рафа.
Девет лица загинаа во нападот во источна Рафа, меѓу кои четири деца и три жени.
Две деца и две жени загинаа кога беше погодена нивната куќа во источниот дел на Раф.
Пет лица, меѓу кои една жена и едно дете, загинаа во израелски напад врз куќа во западна Рафа.
Според УНОЧА, во два одделни напада на истокот и западот на Рафа загинаа уште пет лица, пренесе „Ал џезира“.