Европа
Захарова: Ги споделуваме ставовите на Кина за украинската криза
![](https://makfax.com.mk/wp-content/uploads/2022/08/marija-zaharova.jpg)
Москва високо ги цени напорите на Кина да придонесе за мирно решавање на украинскиот конфликт, изјави портпаролката на руското Министерство за надворешни работи, Марија Захарова, во врска со планот од 12 точки што беше објавен претходно денеска во Пекинг.
Таа додаде дека Москва ги дели ставовите на Пекинг за украинската криза.
„Во однос на украинската криза, Русија е отворена за остварување на целите на специјалната операција на руската армија преку политички и дипломатски средства. Тоа подразбира прекин на испораката на западно оружје и испраќање платеници од Запад, крај на непријателствата, враќање на Украина во неутрален статус, признавање на нови територијални реалности создадени како резултат на реализацијата на правото на народот на самоопределување, демилитаризација и денацификација на Украина, како и елиминација на сите закани кои доаѓаат од нејзините територии“, изјави Захарова.
„Ние сме посветени на принципите на почитување на Повелбата на ОН, нормите на меѓународното право, вклучително и хуманитарното право, неделивоста на безбедноста, според кои безбедноста на една земја не смее да се зајакне на сметка на безбедноста на друга држава. , што е применливо и за безбедноста на одредени групи држави. Како и нашите кинески колеги, ние сметаме дека сите рестриктивни мерки кои не се одобрени од Советот за безбедност на ОН се нелегитимни. Тоа е брутален инструмент на нелојална конкуренција и економска војна, изјави портпаролката на руското Министерство.
Захарова додаде дека на граѓаните на Украина, вклучително и на населението што зборува руски, мора да им се гарантираат сите неотуѓиви права, како што е правото да зборуваат и да се образуваат на својот мајчин јазик.
„Неопходно е да се укинат сите незаконски рестриктивни мерки и да се повлечат политизираните тужби пред меѓународните судски инстанци. Убедени сме дека напредокот во оваа насока води кон сеопфатен, праведен и одржлив мир“, заклучи Захарова.
Министерството за надворешни работи на Кина претходно денеска објави документ од 12 точки во кој детално е опишан ставот на Кина за решавање на конфликтот во Украина, а најважна точка е итен прекин на непријателствата и преминување кон мировни преговори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Полска ги подигна борбените авиони
![](https://makfax.com.mk/wp-content/uploads/2024/03/voeni-avioni-polska.jpg)
Полска ги подигна борбените авиони за да го заштити својот воздушен простор откако Русија го изврши најсмртоносниот напад оваа година врз Украина.
Авионите беа лансирани откако руските авиони „повторно почнаа да испалуваат проектили кон Украина“, соопшти полското воено воздухопловство на мрежата Икс.
Европа
Италија ја обвини Русија дека извршила воено злосторство со нападот на детска болница
![](https://makfax.com.mk/wp-content/uploads/2024/07/Screenshot-2024-07-08-160716.jpg)
Италија ја обвини Русија дека извршила воено злосторство за време на ракетните напади што го погодија главниот град на Украина и оштетија детска болница.
Италијанскиот министер за надворешни работи Антонио Тајани повика на меѓународна осуда на Русија.
„Изненаден сум од сликите од бомбардирањето во Киев, кога беше погодена и детска болница. Тоа се воени злосторства кои мора да бидат осудени од целата меѓународна заедница“, напиша Тајани на X, додавајќи дека италијанската влада „ќе продолжи да го брани суверенитетот на Украина и нејзиниот народ“.
Бројот на загинати се искачи на 31
Бројот на загинати во денешните руски напади се искачи на 31, а повеќе од 150 лица се повредени, соопштија украинските власти.
Последните извештаи велат дека 17 лица загинале во главниот град Киев, од кои две во детската болница, а уште 11 на неколку места во регионот Дњепропетровск.
Европа
Орбан воведе придонеси за одбрана на банките и големите компании: „Мораме да ја зајакнеме армијата“
![](https://makfax.com.mk/wp-content/uploads/2024/07/ungarska-armija.jpg)
Унгарската влада воведе обврска за банките, енергетиката и мултинационалните компании да плаќаат придонеси за финансирање на одбраната, изјави шефот на кабинетот на премиерот Виктор Орбан.
Унгарија во мај 2022 година воведе дополнителен данок на добивка од 2,8 отсто за банките, осигурителите, малопродажните и енергетските компании, телекомуникациите и авиокомпаниите велејќи дека ќе ги искористи приходите за поддршка на комуналните услуги и за финансирање на одбраната во услови на скокови на цените поради руската инвазија на Украина.
„Војната се одолжува, нема знаци на подобрување на политиката на санкции што ја спроведува Брисел и тоа ќе доведе до драстично зголемување на цените“, рече Орбан во мај 2022 година.
Унгарија ги регулира цените на енергенсите за домаќинствата, па комуналните претпријатија беа под притисок и мора „веднаш да ја зајакнат армијата“, рече унгарскиот премие додавајќи дека трошоците ќе се финансираат од данокот на дополнителна добивка што ќе се собира за 2022 година и 2023 година.
Во 2024 година даночната стапка на дополнителна добивка требаше да се намали од 2,8 на еден процент, при што владата забележа дека инвестициите и истражувањето ќе бидат услов.
Денеска, владата објави дека компаниите и оваа година ќе плаќаат дополнителен данок на добивка со стапка од 2,8 отсто, изјави шефот на кабинетот на премиерот Виктор Орбан, Гергели Гуљас.