Свет
Захарова до Лиз Трас: Лондон ја штитеше трговијата со органи и шверцот со оружје на Косово

Портпаролката на руското Министерство за надвореши работи, Марија Захарова реагираше на изјавата на шефицата на британската дипломатија Лиз Трас за „погубното влијание на Русија на Балканот“.
Таа потсети како западната коалиција, заедно со Лондон, тргувала со органи и шверцувала оружје на Косово и Метохија во 1990-тите.
„ За време на посетата на Балканот, Лиз Трас ги повика граѓаните на Босна и Херцеговина да не и веруваат на Русија, која има катастрофално влијание врз регионот. Експертите шепотат: Чудно е да се зборува за деструктивно и непринципиелно влијание на НАТО врз Балканот, но сепак потсетувам: Северноатлантската алијанса ја бомбардираше Југославија во 1999 година користејќи осиромашен ураниум“, рече Захарова, пренесува РИА Новости.
Таа потсети и дека „Лондон придонел за нивната подредена положба во текот на целиот период на зависниот престој на Словените на Балканот, поткопувајќи го на секој можен начин потенцијалот на националноослободителните движења“.
„ Не Британија, туку Русија помогна да се постигне грчка независност во 19 век, а кога тоа беше корисно за Лондон, Англија директно влезе во конфликтот против Русија и нејзините словенски сојузници на Балканот, како што беше случајот за време на Кримската војна и т.н. наречена источна криза во втората половина на 1870-тите“, рече Захарова.
Портпаролката на руското Министерство истакна дека „Балканот долго време се смета за буре барут во Европа“, а ескалацијата на противречностите во Југоисточна Европа ја поддржа и Велика Британија, бидејќи првенствено им наштети на интересите на австриско-германската коалиција и Русија во регионот, а што пак резултирало со Прва светска војна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Големи пожари беснеат на најмалку пет различни локација во Грција

Во источниот дел на областа Атика, поширокиот регоион на Атина, во северна Грција, на островите Евија и Китира, како и во јужниот дел на Пелопонез, попладнево се активни големи пожари, а од бројот 112 за итни случаи беа испратени низа пораки до жителите на зафатените области.
Во пожарот во централна Евија, изгореа две противпожарни возило, а четворица пожарникари со полесни повреди на рацете и очите и со респираторни проблеми биле префрлени во болница.
Во сите пожари, беа превентивно евакуирани жителите на населените места во непосредна близина на огнената стихија, откако од бројот 112 за итни случаи беа испратени соодветни пораки.
За Атика, Евија и за дел од Пелопонез за денеска имаше предупредување за екстремно голема опасност од пожари, категорија пет, што воедно е и највисоката категорија во прогнозите за опасност од пожари на Министерството за цивилна заштита и климатски кризи на Грција.
Свет
Најмалку 25 лица загинаа во текот на ноќта во нови напади на израелската армија врз Појасот Газа

Најмалку 25 лица загинаа во текот на ноќта во нови напади на израелската армија врз Појасот Газа, во време кога мировните преговори се во застој.
Според здравствени извори, голем дел од жртвите се убиени додека чекале хуманитарна помош во близина на граничниот премин Зиким со Израел. Меѓу загинатите има и четири лица од иста семејна зграда во градот Газа.
Организацијата на Обединетите нации предупреди на ризик од масовна глад во енклавата, и покрај тврдењата на Израел дека не ги блокира доставите на помош. Според ОН, големиот дел од помошта не може да стигне до населението поради воени блокади и грабежи.
Преговорите за прекин на огнот меѓу Израел и Хамас се прекинати, откако американските и израелските преговарачи се повлекоа од Катар. Израелскиот премиер Бенјамин Нетанјаху најави дека се разгледуваат „алтернативни опции“, додека Хамас смета дека повлекувањето било тактика на притисок.
Свет
Поради пожарите во Турција евакуирани се над 2.600 лица

Турската Дирекција за управување со вонредни ситуации (АФАД) евакуираше 2.619 лица откако оваа недела Турција се соочи со серија интензивни шумски пожари во повеќе провинции, јави весникот „Дејли сабах“.
Пожарите, поттикнати од екстремно високи температури, силен ветер и сушно време, мобилизираа илјадници спасувачи и доброволци кои учествуваат во гаснењето на огнот. Екипите се активни од воздух и копно, а според АФАД, ангажирани се 4.231 лице, 45 летала и 1.236 копнени возила.
Најтрагичниот инцидент се случи во средата, во руралниот дел на провинцијата Ескишехир, каде животот го загубија десет лица – пет шумски работници и пет припадници на организацијата АКУТ за пребарувачко-спасувачки операции, додека се бореле со огнената стихија.
Претседателот на Турција, Реџеп Тајип Ердоган, изјави во петокот дека во гаснењето учествуваат 27 авиони, 105 хеликоптери, 6.000 возила и 25.000 лица. Тој изрази сочувство до семејствата на загинатите.