Свет
Захарова: Русија на ниту еден начин не прифаќа влез на Украина во НАТО
Влезот на Украина во северноатлантскиот блок е неприфатлив за Русија во која било форма, изјави портпаролката на руското Министерство за надворешни работи Марија Захарова, коментирајќи ги зборовите на поранешниот генерален секретар на НАТО, Андерс Фог Расмусен за влез на Украина во Алијансата“.
„Постојано го објаснуваме нашиот став во однос на влезот на Украина во НАТО од 2008 година, кога Алијансата првпат му вети членство на Киев. Позицијата на Русија не е променета. Влезот на Украина во НАТО во каква било форма е неприфатлив за Русија“, изјави Захарова.
Таа посочи дека политиката на НАТО кон Москва е агресивна, истакнувајќи дека пристапот на Киев во Алијансата претставува закана за безбедноста на Русија.
Претходно „Гардијан“ објави дека поранешниот генерален секретар на НАТО Андрес Фог Расмусен предложил Украина да биде прифатена во Алијансата без изгубени територии, односно само во границите што ги контролира Киев.
„Таквиот однос на земјите од колективниот Запад кон Украина е некрофилија. Или поранешниот генерален секретар на НАТО предложи тоа да се прифати во делови, или Полска бара ексхумации како услов за влез во евроатлантските институции. Ако тргнеме од фактот дека на Западот нема место за мир и преговарачки процес, ако не ги земат предвид овие сценарија за Украина, бидејќи се фокусираа исклучиво на агресија и војна, тоа е логичен заклучок на таквата филозофија“, вели Захарова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.