Регион
Захарова: Унијата ѝ дава на Украина европска перспектива со кршење на сопствените барања

Изјавите на претставниците на ЕУ по самитот ги прекршуваат принципите на кои некогаш се градеше Унијата, изјави портпаролката на руското Министерство за надворешни работи, Марија Захарова.
„ Настанот на 3-ти февруари во Киев уште еднаш потврди дека ЕУ продолжува да го поддржува неонацистичкиот режим во Киев, со цел да ја ослабне Русија и да им служи на хегемонистичките аспирации на САД и НАТО“, рече таа.
Според неа, Унијата ѝ дава на Украина европска перспектива со кршење на сопствените барања кон кандидатите и прокламирање на „заеднички вредности“, со што се солидаризира со сузбивањето на различните мислења, кршењето на слободата на говорот и јазикот и конфесионалните права во Украина.
Притоа, таа ја нагласува посветеноста за целосно почитување на правата на националните малцинства.
Портпаролката рече дека на сите учесници на самитот им претстои сурово разочарување – целите на специјалната операција ќе бидат постигнати.
„Повиците на Брисел за мир се лицемерни во услови кога тој изјавува подготвеност да инвестира во продолжување на вооружените акции“, посочи Захарова.
Вчера во Киев се одржа самитот ЕУ-Украина со учество на претседателот на Европскиот совет, Европската комисија и шефот на дипломатијата на Европската унија.
Лидерите на европските институции ветија континуирана поддршка за Украина, воведување нови санкции против Русија, работа на „механизам за кривично гонење на злосторствата за агресија“ и анализа на можноста за користење замрзнати руски средства за обнова на Украина.
Зборувајќи за можноста Украина да влезе во Европската унија во блиска иднина, лидерите на ЕУ беа резервирани и истакнаа дека нема строги временски рамки за таков процес и дека Украина треба да спроведе реформи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Фото+видео) „Тука сме затоа што предолго страдавме, но нема повеќе“ рече студентка на протестот во Белград

Во главниот град на Србија се одржува протест организиран од студенти кои веќе три и пол месеци ги блокираат универзитетите низ земјата, барајќи политичка и правна одговорност за смртта на 15 лица при уривање на настрешница во Нови Сад. На собирот не се забележани никакви инциденти.
Студентка на Славија која читаше говор на сцената рече „ние сме тука затоа што предолго страдавме, но нема повеќе“, додавајќи дека „повеќе нема да се дозволи корупцијата да загрозува нечиј живот“.
„Тука сме затоа што повеќе нема да дозволиме да ни ја одземате слободата, затоа што меѓусебно се заштитуваме, како што го лишивте студентот Реља и другите граѓани на протестот во Нови Сад. Тука сме затоа што повеќе нема да дозволиме функционери од која било партија организирано да напаѓаат студенти, како што ги нападнаа студентите на Факултетот за драмски уметности“, рече таа.
Студентката во својот говор истакна дека студентите повеќе нема да дозволат да бидат газени, како што ги газеа музичарите на белградската филхармонија, лекарите и студентите Соња и Кристина …
„Тука сме затоа што повеќе нема да дозволиме да не тепате со палките што ги чувате во партиските простории, како што ја тепавте студентката Ана. Тука сме затоа што повеќе нема да дозволиме да не лажат и навредуваат, како што тоа го прави јавниот медиумски сервис и државниот врв од самиот почеток на студентските блокади. Тука сме затоа што повеќе нема да ви дозволуваме да споделувате отпуштања врз основа на објави на социјалните мрежи, како што споделивте со работниците на ЕПС“, рече студентката.
🇷🇸✨Београд✨🇷🇸
🇷🇸✨15.🇷🇸03.🇷🇸2025.✨🇷🇸 pic.twitter.com/incb4YLX7Y— dnevnadozaludosti (@kikiolichica) March 15, 2025
Протестот во Белград се одржува по масовните собири организирани од студентите во Нови Сад, Крагуевац и Ниш.
ŽIVJETI SLOBODNO! ❤️ #Beograd pic.twitter.com/wBAfUQEuF4
— Илијана Милановић (@m_ilijana) March 15, 2025
Неколку дена претходно, студентите тргнаа пеш од неколку правци кон Белград, каде што пристигнаа во петокот вечерта, а во главниот град им беше приреден свечен пречек.
Регион
(Видео) „Светот го нема видено ова“ – најмасовен протест во историјата на Србија

Во Белград се одржува голем протест организиран од студентите.
Пред српското Собрание во моментов има огромен број луѓе, а други пристигнуваат од сите страни.
Студентите најавија дека главната бина ќе биде на плоштадот Славија, кој е на 15 минути пешачење од Собранието на Србија.
На таа сцена ќе се одржат главната програма и говорите.
Говорите ќе бидат емитувани и на аудио бина пред Народното собрание.
На социјалните мрежи се објавени голем број видеа и фотографии од протестот.
Ovo nikad nije bilo! pic.twitter.com/cgzJUg1CR1
— Tijana Kojović (@tkojovic) March 15, 2025
Ne Beograd, ovo svet video nije.. 🇷🇸🇷🇸🇷🇸 pic.twitter.com/zdbEGUaYL0
— Ivana (@Ivana66157567) March 15, 2025
Beograd je danas najlepši grad na svetu 💚 pic.twitter.com/ya1GJ7gKSk
— Zeleno-levi front (@nedavimobgd) March 15, 2025
"Gde god da odem taj grad me prati, Beograd moj sebi me vrati" ♥️🇷🇸 pic.twitter.com/KFIdXCwfpN
— Igor Vujanović (@Infoverzum) March 15, 2025
Регион
(Видео) Бескрајни колони од луѓе доаѓаат од сите страни кон Собранието на Србија

Илјадници граѓани кои денеска се собраа на четири локации во Белград, пристигнуваат во центарот на градот, каде за 16 часот имаат закажано протест пред Народното Собрание. Сообраќајот е во прекин околу Народното собрание на Србија и Славија, како и на другите улици во центарот на градот, околу Автокоманда.
Sajam, Mostar, Savska… Sve puno! Ne vidi se ni početak ni kraj! pic.twitter.com/DQSy2N7GNA
— Stranka slobode i pravde (@SlobodaIPravda) March 15, 2025
Зградите на српскиот парламент и на белградското собрание се опколени со метална ограда, а околу нив се распоредени силни полициски сили. Пред Собранието има моторџии, а од другата страна на плоштадот Никола Пашиќ има трактори кои го опкружуваат кампот на ученици кои сакаат да посетуваат настава и кои се во шатори во Паркот на Пионерите.