Свет
Зеленски до ЕУ: Путин ќе ве изеде за вечера со сета ваша слобода и демократија

Армијата на рускиот претседател Владимир Путин не успеа да заземе ниту еден голем град во 2023 година, а Украина успеа да ја пробие руската блокада на Црното Море овозможувајќи транспорт на милиони тони жито, изјави украинскиот претседател Володимир Зеленски во интервју за „Економист“ истакнувајќи дека ова е огромен резултат..
Според претседателот, Западот го изгубил чувството за итност во помагањето на Украина, а многу Украинци го изгубиле чувството за егзистенцијална закана.
„Можеби не успеавме во 2023 година како што сакаше светот. Можеби сè не се случува толку бргу како што се замислува. Но, помислата дека Путин победува не е ништо повеќе од чувство. А реалноста е дека руските војници умираат на места како Авдиевка“, рече Зеленски.
Како што наведе тој, извори од британското одбранбено разузнавање проценуваат дека, според сегашните трендови, Русија до 2025 година ќе има повеќе од 500.000 жртви – убиени и ранети.
Претседателот на Украина изјави дека не гледа фундаментални чекори кон мир од страна на Русија. Наместо тоа, како што рече, тој, како и сите Украинци, го чувствува напливот на воздушни напади врз украинските градови.
„Гледам само чекори на терористичка земја. Ако Русија испраќа сигнали дека сака да го замрзне конфликтот, како што наведуваат некои западни медиуми, тоа не е затоа што се праведни, туку затоа што им недостигаат проектили, муниција или обучени војници“, рече Зеленски.
Тој нагласи дека со поддршката на Украина, Европа се штити од руска агресија.
„Со тоа што ни давате пари или оружје се издржувате. Вие ги спасувате вашите деца, а не нашите. Ако ѝ се дозволи на Русија да зема украински деца, тие ќе земат и други деца. И ако Русија ги прекрши правата на Украинците, ќе ги прекрши правата на целиот свет“, предупреди Зеленски.
Тој додаде дека ако Украина загуби, Путин ќе ги приближи своите војни до Западот.
„Путин чувствува слабост како животно затоа што е животно. Ја чувствува крвта, ја чувствува нејзината моќ. И ќе ве изеде за вечера со сите ваши ЕУ, НАТО, слобода и демократија“, рече Зеленски.
Тој во интервју за британски весник изјави дека разузнавачките служби на неколку европски земји почнале да ја проучуваат можноста за напад на Русија на нивна територија, а како што истакна, станува збор и за оние земји што не биле дел од Советскиот Сојуз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Откриено е што му рекол Зеленски на Трамп на погребот на папата Франциско

Украинскиот претседател, Володимир Зеленски, ги искористил 15-те минути со претседателот на САД, Доналд Трамп, на погребот на папата Франциско за да се обиде да го убеди да заземе поостар став кон Владимир Путин и да се фокусира на прекинот на огнот, дознава известувачот на Аксиос, Барак Равид од два извори запознаени со средбата.
Според овие извори, украинскиот претседател имал сериозни сомневања дали воопшто треба да се согласи на уште една средба со американскиот претседател по, како што ја нарекуваат во Киев, „катастрофата во Овалната соба“ на крајот на февруари.
Но, по неформалниот разговор во базиликата Свети Петар, Зеленски беше убеден дека за прв пат успеал делумно да влијае на мислењето на Трамп за Путин.
На враќање во САД во претседателскиот авион, Трамп невообичаено директно го критикуваше рускиот претседател на социјалните мрежи
„Поради овој напад на Киев, почнувам да мислам дека можеби тој воопшто не сака да ја запре војната. Можеби само ме завлекува и има потреба – банки или секундарни санкции? напиша Трамп, осврнувајќи се на неодамнешниот смртоносен руски воздушен напад врз главниот град на Украина.
Според извори на Аксиос, Зеленски уште пред погребот добил „сигнали“ дека Трамп можеби е подготвен за неформална средба. Ништо официјално не беше закажано, но двајцата лидери случајно се сретнаа на самиот влез во базиликата. Тие го искористија моментот и се повлекоа во една од страничните области, далеку од камерите и протоколот.
Во Киев сметаат дека разговорот бил поуспешен бидејќи овојпат не биле присутни потпретседателот Џеј Ди Венс и пратеникот на Трамп Стив Виткоф, кого Украинците го сметаат за проруски.
Зеленски му рекол на Трамп дека Путин „нема да попушти без дополнителен притисок“ и го повикал да се врати на неговиот претходен предлог за безусловен прекин на огнот. Овој предлог претходно беше прифатен од Украина, а Москва го отфрли.
Според еден од изворите, Трамп изгледал подготвен да се преиспита, иако Белата куќа не ја потврди или негира содржината на разговорот. Од кабинетот на претседателот Зеленски одбија да ги коментираат деталите.
Зеленски повтори дека Украина никогаш нема да го признае Крим како руска територија, а Трамп, според истите извори, јасно му рекол да не го бара тоа од него. Планот сега на маса се однесува на американското признавање на Крим како руска територија, а не како украинска.
Украинскиот претседател рече дека не е против компромис, но дека за тоа се потребни силни безбедносни гаранции. Во текот на разговорот, Трамп наводно му вршел притисок да го потпише американско-украинскиот договор за минерални суровини што е можно поскоро, за кои преговорите тогаш биле во напредна фаза. Инаку, договорот беше потпишан синоќа.
Зеленски, како што е наведено, планирал да гостува во емисијата на ABC, но интервјуто го откажал поради технички проблеми со преводот.
„Тоа беше многу добар состанок и Зеленски не сакаше ништо да ризикува“, рече еден извор.
Останува прашањето дали ќе трае новиот, поостар тон на Трамп кон Путин.
Во интервјуто за ABC News што беше емитувано неодамна, Трамп повтори дека „Путин можеби само се преправа“, но тој сепак тврди дека верува дека рускиот претседател сака да стави крај на војната.
Во меѓувреме, портпаролката на Стејт департментот, Тами Брус, рече дека Вашингтон е подготвен да се повлече од преговарачката улога доколку наскоро нема напредок.
Свет
Америка инвестира половина милијарда долари во развој на универзални вакцини

Соединетите Држави инвестираат 500 милиони долари во проект за вакцини, со цел да се развијат универзални вакцини кои штитат од повеќе видови на вируси одеднаш, објави „Волстрит журнал“.
Проектот вклучува производство на вакцини од хемиски инактивирани цели вируси, што потсетува на начинот на кој вакцините против грип беа развиени пред неколку децении, соопшти Волстрит журнал.
Овој потег е дел од она што Министерството за здравство и човечки услуги го нарекува „Генерациски златен стандард“ – универзална технологија за вакцини што претставува промена во финансирањето од проектите „Ковид-19“ кон студии за повеќе вируси, објави весникот.
Проектот, исто така, вклучува истражување на втора универзална вакцина против грип и универзални вакцини за коронавирус.
Свет
Почина најстарата личност на светот

Бразилката која беше прогласена за најстарата личност на светот, Ина Канабаро Лукас, почина на 117-годишна возраст.
Таа почина во Конгрегацијата на сестрите Терезијан во Порто Алегре, каде ги помина последните години, објави БФМ.
Ина стана најстарата личност на светот по смртта на Јапонецот Томико Итока во јануари, кој исто така почина на 116-годишна возраст.
Својата духовна кариера ја започнала на 16-годишна возраст кога влегла во училиштето на сестрите Терезијан, а на 26-годишна возраст се замонашила.
Во текот на животот служеше како учителка и секретар, а во 2018 година, на речиси 110-годишна возраст, доби апостолски благослов од папата Франциско.
Лукас е втората најстара калуѓерка во историјата, по Французинката Лусил Рандон, која живеела до 118 години.
По смртта на Лукас, најстарата личност на светот стана Англичанката Етел Катерам, која во моментов има 115 години и 252 дена, според Геронтолошката истражувачка група (ГРГ).