Свет
Зеленски се закани, Столтенберг вети: Ќе бидете примени во НАТО
Украинскиот претседател Володимир Зеленски ќе присуствува на самитот на НАТО во Вилнус следната недела, најави генералниот секретар на НАТО, Јенс Столтенберг.
Столтенберг рече дека очекува лидерите на НАТО да го потврдат идното членство на Украина на самитот на 11-12. јули, што беше своевиден стимул по фрустрацијата на Киев поради колебањето на некои членови. Зеленски се закани дека ќе ја одбие неговата покана доколку Украина не добие конкретна потврда за нејзиниот пристап.
Во моментов, украинскиот лидер е на турнеја низ Централна Европа, каде што ја доби поддршката од Прага за членство во НАТО. Неговата следна станица е Словачка, каде што ќе разговара за самитот со Братислава, како и за одбраната и енергетската поддршка.
Литванскиот претседател Гитанас Наузеда рече дека Украина ќе добие „прилично малку“ од самитот. Вилнус беше гласен поддржувач на членството на Украина во НАТО.
„Имам чувство дека, сепак, ќе се договориме за оние формулации кои нема да ги разочараат Украинците и ќе кажат повеќе од она што сме навикнати да го кажуваме“, рече претседателот Наузеда во интервју за БНС, литвански дневен весник.
Столтенберг, исто така, рече дека на состанокот во Литванија ќе се формира Совет НАТО-Украина, кој ќе има за цел да го приближи членството и да го зајакне политичкото партнерство на Украина со Алијансата и да понуди многу подлабока соработка за „заедничко одлучување“.
Сепак, украинскиот министер за надворешни работи Дмитро Кулеба возврати на предлогот минатиот месец, велејќи: „Воспоставувањето Совет Украина-НАТО во Вилнус без да се преземе одлучувачки чекор кон членството е како обезбедување тенк без топ“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.