Свет
Зеленски: Украина ја произведе својата прва балистичка ракета
Украина успешно ја тестираше првата балистичка ракета од домашно производство, изјави украинскиот претседател Володимир Зеленски.
„Имавме позитивен тест на првата украинска балистичка ракета. Им честитам на нашата посветена индустрија“, рече Зеленски на прес-конференцијата во рамките на форумот „Независност од Украина 2024 година“.
Тој посочи дека не може да открие повеќе детали за ракетата и додаде дека мора да открие барем толку, за општеството во Украина да ги знае и цени работниците во домашната посветена индустрија, кои „работат 24 часа, седум денови во неделата“, пренесува Политико.
Зеленски изјави дека производството на домашно оружје е во пораст од почетокот на војната меѓу Русија и Украина во 2022 година, но дека, и покрај тоа, Киев сè уште првенствено се потпира на воената помош од Западот.
„Ова е делумно затоа што немаме доволно пари да го финансираме домашното производство во голем обем“, рече претседателот на Украина.
Западните земји не ги финансираат директно вооружените сили на Украина, но помагаат со испраќање оружје и обука на војници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Крај на драмата во Шпанија: мажот што ги избоде родителите пренесен во болница
Четириесетгодишен маж, кој се забарикадирал во населбата Сан Адријан во Билбао, откако ги избоде родителите, се фрли од балконот. По падот бил префрлен во затворската болница.
Двете постари лица, родители на дотичниот маж, рано попладне биле пренесени на лекување, пренесе Ел Мундо.
Според шпанскиот портал, мажот за кој се претпоставува дека е на психолошки третман, а кој ги нападнал родителите, а потоа скокнал од балкон, утрово доживеал необична несреќа кога со своето возило паднал од четврти кат на паркингот на аеродромот во Лоиу.
Автомобилот бил пронајден уништен, но возачот исчезнал без трага до моментот на нападот.
Свет
Папата ги критикуваше Харис и Трамп, на католиците им порача: Мора да го изберете помалото зло
Папата Франциско го критикуваше поранешниот американски претседател Доналд Трамп за неговиот план да депортира милиони имигранти и американската потпретседателка Камала Харис за поддршката на правата за абортус.
На прашањето за американските претседателски избори на летот од Сингапур до Рим, папата Франциско рече дека неприфаќањето мигранти е „тежок“ грев, а абортусот го спореди со „убиство“.
Тој рече дека американските католици ќе мора „да го изберат помалото зло“ на изборите во ноември.
Франциско им зборуваше на новинарите по исцрпувачката 12-дневна турнеја низ Југоисточна Азија и Океанија. Иако Папата не ги спомна Трамп и Харис по име, тој посебно се осврна на нивната политика. И покрај тоа што ги критикуваше двајцата кандидати, тој рече дека католиците треба да гласаат на изборите.
„Треба да го изберете помалото зло. Кој е помалото зло? Таа дама или тој господин? Не знам. Секој со совест (мора) да размислува и да го направи тоа“, рече 87-годишниот папа Франциско.
Тој претходно ја критикуваше антиимигрантската реторика на Трамп. Во 2016 година, Папата рече дека Трамп „не е христијанин“ во своите ставови.
А денеска рече дека политиките на двајцата кандидати е „против животот“.
„Без разлика дали е тој што протерува мигранти или тој што убива деца. И двајцата се против животот“, рече папата Франциско.
Регион
(Фото) Грчки нуркачи го чистеа морето кај Солун, пронајдоа „цел возен парк“
Тим од 20 нуркачи волонтери го чистеа брегот кај Солун и извлекоа неочекуван „улов“ од водата: цела флота возила, наведуваат на страницата Никана.гр.
„Дваесет нуркачи волонтери, со помош на други членови на тимот и механизација, го чистеа брегот кај Солун на потегот од Белата кула до првото пристаниште. Како што можете да видите на сликите, „фатен е“ цел арсенал на превозни средства“, скутери, велосипеди, па дури и помали мотори. Им честитаме на волонтерите и секако ги поддржуваме ваквите акции кои придонесуваат за почиста морска средина“, беше наведено заедно со фотографии од местото на настанот.
Многумина беа шокирани, на луѓето не им е јасно како и зошто сето ова се нашло на морското дно, а објавата брзо стана вирална како предупредување за околината.