Свет
Золтан Ковач: Нуклеарната опција на ЕУ е лов на вештерки и политичка одмазда
Парламентот на ЕУ ги прекрши своите правила со активирањето на т.н. нуклеарна опција против Будимпешта, изјави портпаролот на унгарската влада за „Раша тудеј“, нагласувајќи дека членот 7, кој дозволува да ѝ се наметнат санкции на една земја, е политичка одмазда.
„Унгарија ќе го оспори правниот процес – или поточно политичкиот процес што беше камуфлиран како правен процес – во парламентот на ЕУ“, рече Золтан Ковач.
Тој верува дека гласањето на Европскиот парламент за активирање на членот 7, со кој ќе се дозволат казнени мерки против Унгарија, е спротивно на повелбата и кршење на правилата на ЕУ. Членот 7 од договорот од Лисабон од 2007 година, често нарекуван нуклеарна опција, е дизајниран да се применува ако постои јасен ризик од сериозно кршење на вредностите на ЕУ од страна на една земја членка и дозволува да се наметнат санкции.
Пратениците гласаа за активирање на постапката од член 7 против Унгарија на 12 септември. Ковач смета дека оваа одлука е политичка одмазда против Унгарија за она што Будимпешта го направи во изминатите осум години, со посебен акцент на унгарскиот став против нелегалната миграција. Според Ковач, европските левичарски и либерални функционери почнале да ги користат прашањата за човековите права, владеењето на правото и корупцијата како црвена буква против Будимпешта.
„Тие се обидуваат да нè притегнат во ќош од кој мораме да се браниме. Тоа е политичко уценување, тоа е лов на вештерки. Унгарија, сепак, ќе продолжи да се залага за својата верзија на она што се случува во Европа со посебен акцент на илегалната миграција“, рече Ковач, кој во неколку наврати изрази противење на квотите за мигранти на ЕУ.
Според Ковач, актуелната ситуација во Европа е бизнис-модел на границата на Европа, каде што трговците со луѓе и организациите за човекови права им помагаат на нелегалните имигранти да дојдат до ЕУ.
„Овие луѓе одат против правниот систем во кој треба да постои ЕУ. Унгарија реагира на реалноста на теренот и властите ќе воведат остри мерки против оние што работат заедно со трговците со луѓе и експлицитно им помагаат на нелегалните мигранти да ја преминат границата. Нашата намера е да ги вратиме работите на нозе и да ги вратиме законот и редот на границите на Европа“, додаде тој.
Прашан дали Унгарија некогаш може да го напушти блокот, тој одлучно одговори негативно.
„Ние нема да го напуштиме ниту ЕП ниту Европа. Унгарија отсекогаш припаѓала на европското семејство држави“, рече Ковач.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.