Европа
Идентификацијата на лешевите е во тек, уште не се знае целосната рута на камионот
Вчера британската полиција пронајде 39 тела во камион со приколка-ладилник во Есекс, Англија.
Веста ја шокираше Англија, Европа и светот и покрена една од најголемите полициски истраги. Mеѓу првите прашања кои вчера ги поставија медиумите и јавноста е кои се луѓето чии мртви тела беа пронајдени во камионот.
Одговорот на тоа сè уште не е познат. Полицијата извести дека во моментов се прави идентификација, а единствената конкретна информација е дека станува збор за тела на 38 возрасни лица и на еден тинејџер.
Потоа се постави прашањето од каде биле луѓето, односно од каде потекнуваат.
Во текот на денот, започна дебата за тоа од каде ги собрал возачот на камионот. Полицијата најпрво соопшти дека камионот најверојатно потекнува од Бугарија. Сепак, подоцна оваа изјава беше променета со нова информација дека контејнерот минал преку Белгија и дека бил натоварен на брод на пристаништето Зебригж.
Бугарската влада објави дека камионот бил регистриран во Варна и тоа на име на ирски државјанин. Жртвите веројатно не се Бугари, соопшти бугарскиот премер Бојко Борисов, повикувајќи се на полициски извори.
Дмитар Димитров, извршен директор на Комората на бугарски превозници, рече дека возила од други европски земји честопати се регистрираат во Бугарија поради поволните тарифи.
Не е јасно дали патувањето започнало од таму, но и натаму е отворена тезата дека станува збор за мигранти кој се движиле по балканската рута.
Возачот е идентификуван, а неговото име беше објавено вчера. Станува збор за Мо Робинсон, 25-годишник од Северна Ирска. Тој е уапсен, обвинет за убиство и во моментов е на распит во полицијата. Полицијата во Северна Ирска извршила и претреси во две куќи поврзани со него.
Би-би-си го покрена прашањето дали станува збор за криумчарење на луѓе.
Додаваат дека сè уште не е познато односно дека полицијата во Есекс предупредува дека истрагата е долга и сложена. Националната агенција против криминал соопшти дека се обидува да ги идентификува организираните криминални групи кои би можеле да бидат поврзани со случајот.
Тие исто така додадваат дека се користат се поопасни методи за криумчарење на луѓе. Споменуваат дека една од нив е токму транспортот во приколки-ладилници, односно дека луѓето се шверцуваат во ладилници каде температурата е длабоко под нула.
Би-би-си исто така пишува дека Бугарија е важен фактор бидејќи повеќето баратели на азил кои стигнуваат до Западна Европа, скриени во камиони, доаѓаат од границите на Бугарија и Турција.
Се наведува дека шверцерите ги чуваат во куќи во Бугарија, обично во близина на српската или романската граница, а потоа ги ставаат во камиони за ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.