Свет
Идентификуван напаѓачот во детската градинка во Русија – го убил соседот, му го зел оружјето и тргнал кон градинката

Во пукањето во градинката во Русија убиени се петгодишно момче, шестгодишно девојче и една воспитувачка. Како што утврдила полицијата, пукањето го извршил 26-годишниот Руслан Ахтјамов, кој потоа се самоубил, пишува „Челнинские известија“.
Тој е сосед на 67-годишниот Александар Дронин, на чие име било регистрирано оружјето. Неговото тело е пронајдено во близина на селото Вескајма.
Според прелиминарната верзија, Ахтјамов првин го убил Александар и му го зел оружјето. Потоа отишол во градинкат, каде што смртно ги застрелал воспитувачката и уште две деца по што се самоубил.
⚡ Лайф публикует список погибших в результате стрельбы в детсаду под Ульяновском: https://t.co/ct7YHegvL6 pic.twitter.com/rURkhGomTa
— lifenews_ru (@lifenews_ru) April 26, 2022
Ахтјамов од 2013 година е пријавен во душевна болница и боледувал од растројство на личноста, а татко му го идентификувал. Тој живеел на истата улица каде што се наоѓала градинката. Таткото на Руслан потврдил дека често одел со Дронин да пука во каменолом и дека немал врска со градинката.
Установата немала обезбедување, а според првичните информации, напаѓачот на паузата дошол во градинката со пушка „ИЗ-27“. Полицијата на местото на настанот го утврдува мотивот за злосторството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Париз, Лондон и Берлин повикаа да престане хуманитарната катастрофа во Газа

Хуманитарната катастрофа во Појасот Газа мора веднаш да престане, повикаа вчера во заедничко соопштение Париз, Лондон и Берлин.
„Хуманитарната катастрофа на која сме сведоци во Газа мора веднаш да престане“, нагласија трите европски земји.
Тие на овој начин одговорија на алармот објавен од ОН и невладините организации дека постои ризик од непосреден и широко распространет глад во Газа. Трите европски престолнини ја повикуваат европската влада веднаш да ги укине ограничувањата за испорака на помош.
Франција, Велика Британија и Германија, исто така, потсетуваат дека Израел мора да ги почитува своите обврски според меѓународното хуманитарно право.
„Дојде моментот да се стави крај на војната во Газа“, додадоа тие и ги повикаа сите страни да го прекинат конфликтот со склучување на договор за моментално прекин на огнот.
Регион
Топлотниот бран ги затвори Акропол и археолошките локалитети во Атина

Поради топлотниот бран и високите температури што од почетокот на седмицава ја зафатија Грција, археолошките локалитети во Атина, како и Акропол и во текот на викендов ќе бидат затворени за туристи во периодот од 12 до 17 часот.
Новиот топлотен бран што ја зафати Грција, според најавите и прогнозите се очекува да трае до недела.
Вчера беше најтоплиот ден, просечната максимална температура достигна 37,6 степени Целзиусов, на Пелопонез измерени речиси 46 степени, а во многу делови од земјата надмина 42 степени.
Свет
Русија до Западот: Тврдоглаво игнорирате додека режимот во Киев се обидува да ја спаси кожата на Зеленски

„Тврдоглаво се обидувате да игнорирате како темелно корумпираниот режим во Киев се обидува да ја спаси кожата на украинскиот претседател Володимир Зеленски, доведувајќи ја во прашање иднината на својата земја. За тоа детално ќе разговараме на посебниот состанок што го побаравме за 31 јули, каде што предлагаме фокусирање на акциите што ја поткопуваат потрагата по дипломатски пат за решавање на украинскиот конфликт – вклучително и обидите да се попречи директниот руски-украински преговарачки процес во Истанбул“, изјави заменикот на рускиот амбасадор во ОН, Дмитриј Пољански, на седницата на Советот за безбедност, обраќајќи им се на претставниците на западните земји, пренесува ТАСС.
Според него, Русија подолго време и доследно предлага решавање на украинската криза по дипломатски пат.
„Но вас тоа не ве задоволува – сè додека сте подготвени да продолжите да се борите против Русија преку рацете на Украинците. А фактот што ги има сè помалку – воопшто не ве вознемирува“, предупреди рускиот дипломат.
Русија и Украина во мај и јуни одржаа две рунди преговори, по што следуваше размена на заробеници и предавање на телата на загинатите украински војници. Двете страни исто така разменија нацрти меморандуми за решавање на конфликтот.