Свет
ИДФ објави фотографии: „Откривме засолниште на исламистите во близина на бегалскиот камп во Газа“

Портпаролот на израелската армија, Авичај Адрае, на социјалните мрежи објави фотографии и опис на засолништето на исламистите на Хамас и Исламскиот џихад, кои израелските сили го пронајдоа за време на копнена операција на периферијата на бегалскиот камп „Ал Шати“ на северот на Појасот Газа, северозападно од болницата „Ал Шифа“.
„Силите на 401. оклопна бригада продолжуваат со нападите на периферијата на кампот ‘Ал Шати’ фокусирајќи се на терористичката инфраструктура лоцирана во главните авторитарни институции меѓу цивилното население, вклучувајќи училишта, универзитети, џамии и домови на субверзивни елементи“, објави портпаролот на социјалните мрежи.
تواصل قوات لواء 401 مدرعات في القيام بعمليات مداهمة في ضواحي مخيم “الشاطئ” مع التركيز على البنى التحتية الإرهابية الواقعة في مؤسسات سلطوية رئيسية وسط السكان المدنيين منها المدارس، والجامعات، والمساجد ومنازل العناصر التخريبية.
وتم إنشاء البنى التحتية الحمساوية عمدًا داخل مبانٍ… pic.twitter.com/pPbJ1q7JJH
— افيخاي ادرعي (@AvichayAdraee) November 13, 2023
„Инфраструктурата на Хамас беше намерно воспоставена во цивилни згради, како што се Универзитетот ‘Ал Кудс’ и џамијата ‘Абу Бакр’, каде што силите пронајдоа големи количества експлозивни материјали, кои содржеа запаливи материјали и многубројни експлозивни направи. За време на операцијата, нашите сили запленија десетици парчиња оружје, борбена опрема и оперативни планови поврзани со терористичката организација Хамас“, изјави тој.
„Силите влегоа и во куќата на функционер на Исламскиот џихад, каде што пронајдоа голем број оружје. Во друга операција силите пронајдоа отвор на тунел, разузнавачки материјали на терористички организации и оружје во цивилна област во градот Беит Ханун“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Пожар во затвор во Сплит, неколку затвореници хоспитализирани

Неколку затвореници се повредени во пожарот во сплитскиот затвор Билице, кој е изгаснат, соопшти денес Сплитскиот противпожарен оперативен центар.
Како што е наведено, затворскиот персонал го изгаснал пожарот што избувнал синоќа, а пожарникарите ги евакуирале затворениците, од кои неколку побарале медицинска помош поради вдишување чад и биле пренесени во сплитската болница.
„Добивме дојава за пожар во една од ќелиите на затворот околу 21:30 часот, а по пристигнувањето на пожарникарите затворскиот персонал веќе го изгаснал пожарот во најголем дел, а пожарникарите веднаш ги евакуирале затворениците“, изјавиле за Хина од Противпожарниот центар.
Свет
Фицо: Не повикувам на укинување на демократијата, но ЕУ треба да размисли за промена на системот

За време на вчерашната посета на Узбекистан, словачкиот премиер Роберт Фицо посочи дека авторитарните држави можат да бидат економски поефикасни од демократиите и повика на преиспитување на европскиот демократски модел.
Фицо рече дека Европа треба да размисли за реформирање на својот систем на управување базиран на слободни избори за да остане глобално конкурентна. Тој ги пофали земјите како Узбекистан, Кина и Виетнам за нивната способност да дејствуваат порешително по економските прашања.
Кога новинарите го прашаа, Фицо појасни дека не повикува на крај на демократијата, но тврдеше дека вклучувањето премногу политички партии во донесувањето одлуки ја ослабува способноста на државата да дејствува.
„Ако имате сто политички партии, не можете да се натпреварувате“, рече тој.
„Ако владата се состои од четири политички субјекти, не можете да се натпреварувате“, додаде тој.
Фицо, кој се врати на власт во 2023 година за да го преземе својот четврти мандат, се соочи со масовни протести во последните месеци, а критичарите го обвинуваат за авторитарни аспирации и водење проруска надворешна политика.
Свет
Орбан: Дипломатите мора да ја преземат контролата од генералите, оваа војна не може да се добие

Унгарскиот премиер Виктор Орбан изјави дека на Украина ѝ е потребно примирје, преговори и мир, како и дека „дипломатите треба да ја преземат контролата од генералите“. На состанокот на парламентарната група „Патриоти за Европа“ во Европскиот парламент, рече дека политичарите кои се залагаат за војна сакаат луѓето да веруваат дека војната мора да продолжи, објави унгарската агенција МТИ.
„Ве уверувам дека оваа војна не може да се добие, нема решение на бојното поле, само мртви, страдање и уништување“, истакна тој. Унгарскиот премиер, исто така, рече дека неговата земја е „црна овца“ на Европската Унија и кошмар за Брисел, додека претставува надеж за европските патриоти.
„Не сакаме Брисел да воведе воена економија под изговор на војна, не сакаме да зема огромни кредити, да ги федерализира парите на земјите-членки и да ги вовлекува нашите земји во трка во вооружување. Ве молам да ги запрете“, им рече Орбан на учесниците на состанокот.
Според него, Брисел ѝ се заканува и ја уценува Унгарија со финансиски санкции затоа што не ги пушта мигрантите во земјата, но Будимпешта попрво ќе им плати отколку да им дозволи на мигрантите да ја уништат безбедноста на унгарските градови и улици. „Се бориме за нашите семејства и татковина, дури и ако треба да се соочиме со целата бирократија на Брисел“, заклучи унгарскиот премиер, пренесува Танјуг.