Свет
Изгласан референдум во Австралија за давање право на глас на домородните луѓе во парламентот

Австралискиот Сенат денеска гласаше за одржување референдум оваа година за давање право на глас на домородното население во парламентот, со цел да му се овозможи на најранливото етничко малцинство во земјата да има збор за владината политика.
Десетици домородни Австралијци стоеја и аплаудираа додека сенаторите го усвоија предлог-законот за референдумот со 52 гласа „за“ и 19 „против“.
Застапниците се надеваат дека правото на глас во парламентот ќе го подобри животниот стандард на домородните Австралијци, кои сочинуваат 3,2 отсто од населението и ја претставуваат најранливата етничка група во Австралија.
Портпаролката на опозицијата Михаела Кеш во Сенатот изјави дека мнозинството нејзини колеги ќе гласаат за одржување на референдумот, бидејќи веруваaт во народот на оваа нација и во нивното право на глас.
Сепак, независната сенаторка Лидија Торп, која е член на домородната заедница, рече дека се противи на таквото право на глас, бидејќи тоа е секако глас без моќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Кина воведува дополнителни царини од 34 отсто за американските стоки

Кинеското Министерство за финансии објави дека од 10 април ќе воведе дополнителни царини од 34 отсто за американските стоки.
Во соопштението за печатот тие наведуваат дека царините наметнати од Соединетите Американски Држави за кинески производи „не се во согласност со меѓународните трговски правила“.
Оваа одлука доаѓа како директна реакција на најавата на актуелниот американски претседател Доналд Трамп за воведување на вкупни царини од 54 отсто за кинескиот извоз, вклучувајќи ги и мерките кои се веќе воведени претходно.
Свет
Канал на „Телеграм“ истражуваше со што се занимавала Украинката пред да биде најдена покрај пат во Дубаи

Марија Ковалчук (20), украинската манекенка, која беше пронајдена со страшни повреди во Дубаи по падот од височина, според последните информации, четврти пат е успешно оперирана. Она што се прашуваат многумина е што правела вечерта и како се нашла таму.
Имено, како што пишува порталот АОЛ, во истражување спроведено од „Телеграм“ на каналот „Маш“ бил пронајден нејзиниот онлајн-профил, каде што нудела услуги за возрасни во Барселона за 500 евра, без разлика на полот или бројот на клиенти. Исто така наводно известуваат дека имала проблеми со зависност од недозволени супстанции.
Се верува дека Ковалчук била во индустријата некое време и дека мајка ѝ била свесна за тоа.
Според каналот, 20-годишната девојка наводно учествувала во оргии во Дубаи и заработувала со давање сексуални услуги и екстремни фетиши.
И додека Ковалчук можеби навистина паднала од зграда во изградба, постои сомневање дека тоа се случило кога се обидела да побегне од клиенти што ја нападнале. Се сомнева дека присуствувала на забава организирана за членови на високото општество.
Овие оргии „Порта Поти“ наводно се доста вообичаени, а жените се изложени на малтретирања, физичко насилство и исполнување на највалканите фантазии.
Адвокатката Катја Гордон за „Сан“ објасни колку се опасни овие забави и покрај примамливите парични награди.
„Постојат видеа на кои шеиците наводно удираат девојки, им ја потстрижуваат косата и им прават разни други работи“, рече таа наведувајќи ги многуте приказни што се појавија по овој ужасен настан.
Пријателите на Ковалчук негираат дека манекенката би можела да учествувала на овие забави.
Иако ова е веројатната теорија што довела до пад на моделот, властите сè уште се обидуваат да ја состават рамката бидејќи работите се малку матни, без приказната на Марија. Таа неодамна излезе од кома и сè уште не може да зборува.
Прелиминарните информации наведуваат дека украинската манекенка пристигнала во Дубаи на 15 февруари. Таа била на одмор со својата пријателка, руската манекенка Анџелина Дорошенкова, која набргу потоа се вратила дома.
Марија Ковалчук ја немаше осум дена откога на пријателите им кажала дека е поканета на забава во хотел на 9 март. Моментно се наоѓа во болница, каде што беше успешно оперирана четврти пат. Таа е свесна, но сè уште не е доволно добро за да може да зборува.
Европа
(Видео) Русија го нападна Харков со дронови четврти пат за една недела, четири лица загинаа

Русија лансира серија беспилотни летала во нападот на Украина во текот на ноќта, при што загинаа најмалку четири лица, а беа ранети 35 во североисточниот град Харков, соопштија регионалните власти.
Во четвртиот ваков напад врз градот оваа недела руски беспилотни летала погодија станбени области оштетувајќи неколку високи згради и предизвикаа повеќе пожари.
Спасувачките екипи цела ноќ ги пребаруваа урнатините барајќи преживеани.
Overnight, Putin’s forces attacked Kharkiv with deadly drones. At least four civilians were killed and more than 30 injured. The target of the strike was a residential building.
A massive fire broke out at the scene, covering an area of over 600 square metres. pic.twitter.com/7q0DnIBQJB
— KyivPost (@KyivPost) April 4, 2025
„Од утрово, за жал, веќе има четворица мртви. Телото на уште едно лице ,кое беше убиено од рускиот агресор (беше извлечено) од урнатините“, рече градоначалникот Ихор Тереков на апликацијата „Телеграм“. „Имаме и 35 ранети“.
Канцеларијата на главниот обвинител соопшти дека обвинителите работат на идентификување на убиените. Во соопштението беше наведено и дека меѓу повредените во нападите со дронови има и три деца.
Украинските единици за воздушна одбрана и мобилните групи за лов на беспилотни летала соборија 42 од 78 руски беспилотни летала во текот на ноќта низ Украина, соопшти военото воздухопловство.
Минатата недела Харков беше цел на напади со руски беспилотни летала речиси секоја вечер. Градските индустриски компании и инфраструктурата беа оштетени во претходните напади, соопштија властите.