Свет
Израелски министер: Ова е погрешна насока, преговараме со нацистот и со неговиот спонзор

Израелскиот министер за финансии, Безалел Смотрич, на Х рече дека е јасно оти Израел не оди во вистинската насока во сегашната војна против Хамас. „Фактот што по 41 ден (шефот на Хамас, Јахја) Синвар сè уште може да води преговори за поставување услови за ослободување на заложниците вели дека не одиме во вистинската насока“, смета екстремно десничарскиот политичар.
Тој истакна дека „дојде време воениот кабинет да почне да покажува сила, да ги прекине контактите и преку акции да му стави јасно до знаење на овој нацист и на неговиот катарски покровител дека отсега Израел ги поставува условите“. Тој додаде дека Израелците „требало да бидат тие што ги одбиваат преговорите“ веќе некое време.
„Тоа е единствениот начин да се вратат сите заложници и безбедноста на државата Израел“, заклучил тој, пренесува „Тајмс оф Израел“.
Инаку, Смотрич е познат по своите контроверзни изјави и ставови. Така, претходно оваа година тој го негира постоењето на палестинскиот народ и рече дека тоа е концепт измислен пред помалку од 100 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Авион се урна покрај автопат во САД, има загинати

Има сомнежи дека две лица загинале во мал авион што се урнал во јужниот дел на американската сојузна држава Луизијана, соопштија властите.
Авионот вчера околу 20 часот и 30 минути по локално време, паднал во мочурлив простор во близина на автопатот, а причината за уривањето ја утврдуваат Националниот одбор за безбедност на транспортот и Федералната управа за авијација, пренесува АП.
До утрото, официјалните лица стигнаа до урнатините, а голем дел од авионот со двете лица бил под вода.
Официјален претставник на канцеларијата на шерифот ги потврди медиумските извештаи за Асошиетед прес дека и двете лица се претпоставува дека се мртви.
Свет
Венс за падот на берзата: Беше тоа само еден лош ден, ќе имаме бум

Американскиот потпретседател Џеј Ди Венс изјави за Newsmax дека вчерашниот пад на берзата, најголем од 2020 година, е само еден лош ден.
„Но, долго време ќе имаме бум на берзата, бидејќи повторно инвестираме во САД“, рече тој.
Потпретседателот нагласи дека владата сака Волстрит да работи успешно: „Но она што ни е најважно се американските работници и американските мали бизниси. Тие се оние кои ќе имаат најголема корист од овие политики“.
Венс, исто така, рече дека воведените царини можеле да бидат многу повисоки, но дека Трамп се обидува да испрати порака дека САД ќе бидат донекаде попустливи.
Свет
Данската премиерка за Америка: „Не можете да анектирате друга земја, дури и со аргументот за меѓународна безбедност“

Премиерката на Данска Мете Фредериксен вчера повторно ги отфрли повиците на американскиот претседател Доналд Трамп за анексија на Гренланд.
Трамп повеќе пати повторуваше дека сака големиот арктички остров да стане дел од Соединетите Американски Држави. Гренланд моментално е автономен дел од Кралството Данска.
На конференцијата со новоизбраниот премиер на Гренланд Јенс-Фредерик Нилсен и неговиот претходник Муте Егед, Фредериксен директно им се обрати на САД. „Не можете да анектирате друга земја, дури и со аргументот за меѓународна безбедност“, рече таа.
Таа рече дека САД и Данска се блиски пријатели и дека не сака ништо друго освен да го продолжи тоа пријателство.
„Ако дозволиме да бидеме поделени како сојузници, тогаш им правиме услуга на нашите непријатели“, рече таа. „Но, кога барате да преземете дел од територијата на Кралството Данска, кога се соочуваме со притисок и закани од нашиот најблизок сојузник, што да мислиме за земјата на која и се восхитуваме толку години?“
Таа рече дека не се работи само за Гренланд или Данска. „Се работи за светскиот поредок што го градиме заедно преку Атлантикот со генерации“.
Тридневната посета на данската премиерка на Гренланд дојде откако американската делегација предводена од потпретседателот Џеј Ди Венс минатата недела пристигна на островот.
Фредериксен се соочува со предизвикот да ги балансира односите со САД како важен трговски партнер, истовремено поддржувајќи го правото на Гренланд на самоопределување и одржување на кохезијата во Данска.