Свет
Израелски проектили погодиле стратешка планинска област во близина на Голанската Висорамнина
Ракети, веројатно истрелани од израелските авиони, ја погодија стратешката планинска област Тал ал-Хара во провинцијата Дараа во Сирија, предизвикувајќи материјална штета, но нема жртви, пренесува РТ.
Тал ал-Хара е највисока точка во провинцијата Дараа и гледа кон Голанската Висорамнина што Израел ја окупираше во 1967 година и ја анектираше во 1981 година. Израел и претходно ја нападна стратешката локација, стрелајќи голем број ракети во Тал ал-Хара на 12 јуни.
Израелската војска вообичаено не ги коментира воздушните напади против Сирија, а официјалниот став на Тел Авив е дека тие се дел од одбраната на израелската национална безбедност.
Премиерот Бенјамин Нетанјаху вети дека ќе продолжи да ги напаѓа иранските сили во Сирија – вклучувајќи ја и локалната милиција Хезболах, поддржана од Техеран – кои го помагаат Дамаск против милитантите и терористите на Исламска држава.
Сирија во неколку наврати ги осуди нападите како кршење на нејзиниот суверенитет и рече дека го зајакнуваат моралот на другите терористи. Во вторникот Дамаск уште еднаш ги повика ОН да стават крај на израелските напади и да интервенираат за да ги спречат овие прекршувања.
„Израелскиот окупациски ентитет и натаму напаша врз Сирија за да им понуди поддршка на терористичките организации”, изјави претставникот на Сирија во ОН, Башар ал Џафари, во Советот за безбедност само неколку часа пред последниот напад, истовремено осудувајќи ја продолжената окупација на Израел на Голанската Висорамнина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.