Свет
Израел му порача на Ердоган: Престани со дестабилизација на регионот
Во редок, јавен дипломатски прекор израелскиот министер за одбрана ја обвини Турција за дестабилизација на регионот и ја повика меѓународната заедница да изврши притисок врз Анкара да ги повлече рацете од директен тероризам, пренесува „Тајмс оф Израел“.
Министерот за одбрана, Бени Гантц, ги критикуваше Турција и Иран, како негатори на промоцијата на мирот и поддржувачи на регионалната агресија, додека Ајлан ал-Ајлан, шефот на Стопанската комора на Саудиска Арабија, изјави дека одговорност на секој Саудиец е целосен бојкот на сите турски производи.
Ганц и Ал-Ајлан реагираа откако турскиот претседател, Реџеп Таип Ердоган, го нарече Ерусалим „наш град“ за време на обраќањето пред турските законодавци.
„Во овој град, кој мораше да го напуштиме со солзи за време на Првата светска војна, сè уште е можно да наидеме на траги од османлискиот отпор. Затоа Ерусалим е наш град, град од нас, “, рече Ердоган на отворањето на законодавната седница на турскиот парламент во четвртокот.
President @RTErdogan: “We consider it an honour on behalf of our country and nation to express the rights of the oppressed Palestinian people on every platform, with whom we have lived for centuries.” pic.twitter.com/yCcfrrc5RY
— Turkish Presidency (@trpresidency) October 1, 2020
Ердоган притоа се осврна на четиривековното владеење на Отоманската Империја во Ерусалим од 1517-1917 година. Тој истакна дека првата молитвена насока на исламот била кон џамијата Ал-Акса и Куполата на карпата на Ридот на храмовите во Ерусалим пред да биде пренасочена кон Каба во Мека.
„Друга криза што внимателно ја следат нашата земја и нашата нација е угнетувањето на Израел врз Палестинците и рамнодушните практики што ја занемаруваат приватноста на Ерусалим“, рече Ердоган.
„Прашањето за Ерусалим не е обичен геополитички проблем за нас. Како прво, сегашниот физички изглед на Стариот град, кој е срцето на Ерусалим, го изградил Сулејман Величествениот, со неговите sидови, чаршија и многу градби. Нашите предци со векови ја покажуваа својата почит ценејќи го овој град“.
Ердоган не спомна дека Сулејман многу веројатно имал мајка Еврејка и бил заштитник на своите еврејски поданици.
„Сметаме дека е чест од име на нашата земја и нација на секоја платформа да ги изразиме правата на угнетениот палестински народ, со кого живееме со векови. Со ова разбирање, ќе ги следиме и палестинската кауза, која е рана што крвави од глобалната совест, и случајот Ерусалим до крај “, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.