Свет
Киргистанската влада функционира во посебен режим
Киргистанската влада продолжи да функционира во посебен режим поради социо-политичките процеси што се водат во републиката, објави прес-службата на Кабинетот на министри, пренесува ТАСС.
Кабинетот на министри ги повика сите учесници во политичкиот процес да дојдат до мирно решавање на ситуацијата.
„Сите прашања треба да се решат на легален начин во корист и за безбедноста на нашиот народ и просперитет на земјата. Владата функционира во режим за итни случаи, специјализираните државни тела работат на обезбедување јавна безбедност и навладеење на правото“, се посочува во соопштението.
Во меѓувреме, точната локација на членовите на владата не се споменува.
Киргистан ги одржа парламентарните избори на 4 октомври на кои гласаа 56 отсто од 3,5 милиони регистрирани гласачи. Вкупно шеснаесет партии се бореа за 120 места во парламентот.
Според прелиминарните податоци, само четири партии го поминаа прагот од седум отсто за влез во парламентот. Официјалните резултати се очекуваат пред 24 октомври.
Во понеделникот вечерта демонстрантите кои не се согласуваа со изборните резултати, ја зазедоа зградата на парламентот, во која се наоѓаат и администрацијата на претседателот, канцеларијата на градоначалникот и канцеларијата на генералниот обвинител.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ги повлекува тенковите Абрамс од борба: Пет од нив веќе се уништени во руските напади
Украина ги повлече од борбата тенковите Абрамс М1А1 испратени до неа од САД, делумно затоа што нападите со руски беспилотни летала ја попречија работата на тие тенкови и затоа што тие се цел на напади, изјавија за АП двајца американски воени претставници.
Засега, тенковите се преместени од првите линии на фронтот, а САД ќе соработуваат со Украинците за да најдат нова тактика за користење на тие тенкови, изјавија заменик-претседателот на Здружениот генералштаб, адмирал Кристофер Грејди и неименуван претставник на одбраната.
САД одобрија испраќање 31 тенк Абрамс во Украина во јануари 2023 година, откако украинските власти побараа нивна испорака, тврдејќи дека тенковите, кои чинат по околу 10 милиони долари, се од витално значење за пробивање на руските борбени линии.
Оттогаш фронтот значително се промени, особено поради употребата на руски извидувачки беспилотни летала, што им отежна на украинските сили да ги заштитат тенковите Абрамс од руски напади, бидејќи беспилотните летала брзо ги откриваат, наведува АП.
Агенцијата додава дека пет од 31 тенк Абрамс веќе се уништени во руските напади.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.