Свет
Израел тврди: Имале докази за тунел под најголемата болница во Газа што го користел Хамас

Во четири месеци војна, Израелците упаднаа во неколку палестински болници, како што се катарската болница, болницата Камал Адван и специјализираната детска болница Ал-Рантиси, во потрага по оружје и милитанти. Сепак, болницата Ал-Шифа зазема посебно место во конфликтот бидејќи е најголемата болница во Газа и затоа што израелските лидери тврдат дека под неа се наоѓа команден центар на Хамас, а болничкиот персонал ги негира обвинувањата.
Доказите разгледани од „Њујорк Тајмс“ покажуваат дека Хамас складирал оружје во болницата и дека под неа имало тунел со пристап до вода, струја и вентилација. Тунелот е долг најмалку 200 метри и веројатно се поврзува со мрежата на тунелите на Хамас.
Израелските војници пронашле подземни бункери, станбени простории и соба со компјутери и опрема за комуникација. Израелците морале внимателно да се движат низ тунелот бидејќи бил полн со замки, па го уништиле бидејќи им снемало време за истражување. Тие морале да ја напуштат болницата бидејќи тоа бил еден од условите на примирјето во ноември.
Американските разузнавачи тврдат дека борците на Хамас се евакуирале неколку дена пред Израелците да ја пребараат болницата и дека ги уништиле документите и електрониката што војниците би можеле да ги најдат таму. Во болницата непосредно пред претресот што го извршиле Израелците, пет новороденчиња починале поради недостиг на струја и гориво.
Израел јавно објави докази кои, според нив, потврдуваат дека Хамас ги криел своите борци меѓу пациентите и таму држел заложници. Израелската армија соопшти дека пред претресот на Ал-Шифа го предупредиле болничкиот персонал, ги отвориле патиштата за евакуација и заедно со војниците испратиле медицински персонал.
Израел објави видео од безбедносните камери во болницата Ал-Шифа, на кое, наводно, се гледа како двајца заложници биле донесени во болница откако биле киднапирани на 7 октомври.
ополнителните докази што Израелците ги пронајдоа таму беа гранати и торба со предмети кои наводно им припаѓале на заложниците од Кибуц Беери. На паркингот на болницата е пронајдено и возило идентично на она што беше употребено во нападот на 7 октомври.
Израелската војска на својата веб-страница напиша дека под Ал-Шифа „лежи лавиринт од тунели кои лидерите на Хамас ги користат за спроведување терористички активности и каде што произведуваат различно оружје и муниција“. Израелците останале во болница нешто повеќе од една недела, по што со експлозив го уништиле тунелот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Петгодишниот брат ја застрелал малолетната сестра со пушка: децата си играле во семејната куќа во БиХ

Викендов се случил инцидент во БиХ кога петгодишен брат ја застрелал својата малолетна сестра (4) за време на игра.
Обвинителството потврди за Hercegovina.info дека дежурниот обвинител, Јосип Аничиќ, бил информиран за инцидентот и наредил да се спроведе истрага на местото на инцидентот.
– Според моментално достапните информации, братот (5) и сестрата (4) си играле во семејната куќа кога дошло до пукање од воздушна пушка – изјави портпаролката на обвинителството, Петруњела Матијевиќ, за Hercegovina.info, пренесува Srpskainfo.
Таа додаде дека полицајците, по наредба на обвинителот, се во фаза на испрашување на сведоците, со цел да утврдат како пушката се нашла на дофат на децата и кој ја оставил таму.
Според информации на медиумите во регионот, девојчето е добро и стабилно и без сериозни последици.
Фото: Принтскрин
Свет
Од 580 до 3.200 евра: колку може да варира износот на пензија во земјите од Европа

Иако износот на законските пензии е предмет на дебата во Германија со години, споредбата со нејзините европски соседи открива колку можат да варираат износите, и колку сигурност носи долгиот работен век.
Стандардната пензија во Германија за лице со 45 години стаж во 2025 година ќе биде 1.835,55 евра бруто. По одбитоци за здравствено и долгорочно осигурување (околу 215 евра), на пензионерот ќе му останат околу 1.621 евра нето, пред даноци. Сепак, реалноста за повеќето граѓани е далеку од таа бројка, пренесуваат медиумите во регионот.
Според податоците од Германското пензиско осигурување (DRV), просечната старосна пензија во 2023 година била 1.348 евра за мажи и само 908 евра за жени. Ова ја става Германија во долниот среден опсег во меѓународна споредба.
Колку изнесуваат пензиите во соседните земји?
Луксембург – 3.200 евра месечно; Швајцарија – околу 2.560 евра; Австрија – 1.645 евра (податоци за 2022 година); Данска – 1.530 евра; Франција – околу 1.500 евра; Холандија – помеѓу 1.400 и 1.600 евра; Белгија – од 1.250 до 1.350 евра; Чешка – околу 833 евра; Полска – околу 580 евра.
Кој заработува повеќе и како тоа влијае на пензиите?
Приходите за време на работниот век директно влијаат на износот на пензијата. Во соседните земји, просечниот годишен приход во Швајцарија е околу 83.000 евра; Данска – околу 53.000 евра; Германија – околу 50.000 евра; Белгија – 46.000–48.000 евра; Франција – околу 45.000 евра, според написите.
Луксембург, има највисок сооднос помеѓу просечниот приход и пензијата – дури 90,4%, додека во Германија соодносот е само 48%, според податоците од платформата Growney.
Австрискиот модел на пензиско осигурување обезбедува значително повеќе од германскиот – просечната законска пензија во Австрија е околу 1.645 евра, што е приближно 500 евра повеќе отколку во Германија.
Оваа разлика се објаснува со повисоките придонеси (22,8%), но и со поширокиот круг на плаќачи – во Австрија, самовработените исто така придонесуваат во пензискиот фонд, а бројот на државни службеници кои имаат посебен пензиски режим е значително помал. Овој систем овозможува постабилна распределба и повисоки просечни пензии, забележуваат германските медиуми.
Свет
(Видео) Торнадо го погоди брегот на Италија: луѓето бегаат од плажата во паника

Плажата Макарезе во близина на Рим викендов беше погодена од виорен ветер познат како пијавица, кој крена песок и ги однесе чадорите.
Иако ударот траеше само неколку секунди, тој беше доволен за да предизвика конфузија, а седум лица беа повредени: шестмина добија помали модринки, додека едно лице доби медицинска помош.
Според написите, погодени беа три плажни комплекси.
Пијавицата накратко се појавила на брегот северно од Рим, а шанкер од едно од кафулињата за порталот „Аднкронос“ изјави дека времето одеднаш се влошило и дека капачите немале време да ја напуштат плажата поради ова.
„Одеднаш, задува силен ветер и почна да носи сè пред себе – чадори летаа низ воздухот. Траеше само неколку минути, но луѓето се испаничија и почнаа да трчаат во засолниште. Веднаш отидов до лежалките за да им помогнам на спасувачите. Брзо ги затворивме сите чадори и се обидовме да ги обезбедиме луѓето. Владееше општ хаос, но за среќа никој не беше сериозно повреден. Наскоро сè се врати во нормала“, рече тој.