Свет
Илон Маск вели дека Тајван е дел од Кина, а властите на островот му одговараат: „Не сме на продажба“
Милијардерот Илон Маск ги налути тајванските власти објавувајќи дека островот е дел од Кина.
„Слушајте, Тајван не е дел од Народна Република Кина и, секако, не е на продажба!“, рече министерот за надворешни работи, Џозеф Ву, на мрежата X, која е во сопственост на Маск.
На деловниот самит оваа недела, Маск го спореди Тајван со Хаваи, нарекувајќи го интегрален дел на Кина.
Пекинг го смета Тајван за своја територија со одредена самоуправа, а од минатата година се зголемија тензиите во нивните односи, особено по потезите на високи американски функционери, како посетата на Ненси Пелоси, тогашна претседателка на Долниот дом на американскиот Конгрес.
Кина потоа спроведе големи воени вежби околу Тајван и тоа го повтори оваа недела.
Тајван соопшти дека открил повеќе од 40 кинески воени авиони и 10-ина брода во неговите води.
Ова не е првпат Маск, кој има деловни интереси во Кина, да ја налути владата на Тајван, анализираат медиумите.
Во октомври тој рече дека тензиите во односите може да се решат со давање на Кина одредена контрола над Тајван.
Во интервју за „Фајненшл тајмс“ тој тогаш рече дека верува оти двете влади би можеле да постигнат разумно прифатлив договор.
Кинескиот амбасадор во САД го пофали Маск, но неговиот тајвански колега тогаш изјави дека „слободата не е на продажба“.
Реагирајќи на последната забелешка на Маск, тајванскиот министер за надворешни работи, Џозеф Ву, исто така напиша на социјалната мрежа на Маск, порано позната како „Твитер“.
Ву претходно изјави дека воените вежби на Кина имаат цел да влијаат на изборите во Тајван во јануари.
„НР Кина (Народна Република Кина) јасно стави до знаење дека сака да ги обликува претстојните национални избори во Тајван. На нашите граѓани им останува да одлучуваат, а не на насилникот од соседството“, напиша тој.
Претходно, Маск имаше предлог за решение на војната во Украина, што ја налути владата во Киев.
Производителот на електрични автомобили „Тесла“, во сопственост на Маск, има голема фабрика во Шангај.
Маск последен пат ја посети земјата во мај кога се сретна со највисоките кинески претставници.
Кинеското Министерство за надворешни работи тогаш објави дека компанијата на Маск е подготвена да ги прошири операциите во Кина.
Неговата посета привлече големо внимание со оглед на тоа што односите меѓу Кина и САД беа многу затегнати во последните години.
И покрај продолжувањето на дијалогот на високо ниво, двете земји сè уште не се согласуваат за голем број прашања, вклучувајќи го и Тајван.
САД одржуваат, како што ги нарекуваат, „силни неофицијални односи“ со Тајван, но имаат формални дипломатски врски со Кина, а не со Тајван.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Привремениот либански премиер Микати: На Либан му треба итен прекин на огнот
Привремениот премиер на Либан, Наџиб Микати, денеска изјави дека на неговата земја и е потребен итен прекин на огнот меѓу Израел и милитантите на организацијата Хезболах и најави дека околу 1,2 милиони луѓе се раселени поради израелските напади.
„Запрете ги борбите. Не ни треба повеќе крв. Не ни треба повеќе уништување“, рече Микати на онлајн конференција организирана од Американската работна група за Либан, непрофитна организација со седиште во САД, пренесува Ројтерс.
Тој нагласи дека „итно е потребно прекин на огнот“.
Свет
Бајден: Не поддржувам напади врз иранските нуклеарни постројки како одговор на нападот
Американскиот претседател Џозеф Бајден изјави денеска дека не поддржува напади врз иранските нуклеарни постројки како одговор на ракетниот напад врз Израел.
„Ќе разговараме со Израелците за тоа што ќе направат, но сите седуммина (земјите од Г7) се согласуваме дека имаат право да одговорат, но тие треба да одговорат пропорционално“, им рече Бајден на новинарите, пренесе Ројтерс.
Бајден одговори дека ќе бидат воведени нови санкции кон Иран и додаде дека наскоро ќе разговара со израелскиот премиер Бенјамин Нетанјаху.
„Очигледно е дека Иран отстапи далеку од курсот“, нагласи тој.
Иран вчера лансираше повеќе од 180 балистички ракети кон Израел, потег што Бајден претходно го опиша како „неефикасен“.
Израелскиот премиер Бенјамин Нетанјаху вети дека Иран ќе плати за нападот.
Некои аналитичари наведуваат дека одговорот на Израел овој пат веројатно ќе биде поостар, што укажува на тоа дека Израел би можел да ги таргетира иранските нуклеарни или нафтени постројки, пренесува Танјуг.
Свет
Претставникот на Израел во ОН: Итно да се воведат санкции кон Иран поради неговиот ладнокрвен напад врз Израел
Претставникот на Израел во ОН Дени Данон побара денеска на итната седница на Советот за безбедност на Обединетите нации посветена на кризата на Блискиот Исток, веднаш да се воведат санкции кон Иран поради, како што наведе, ладнокрвнниот ракетен напад врз Израел.
„Ова е напад врз милиони израелски цивили. Тоа се жени и деца, муслимани, христијани, Евреи, луѓе од сите вери. Во овој невиден чин на агресија, Иран истрела речиси 200 балистички проектили“, рече Данон, ОН, соопшти Советот за безбедност.
Тој изјави дека милиони луѓе се во засолништа и посочи дека нападот на Иран е обид да се нападне срцето на израелското општество и дека на мета биле најсветите места – џамиите, црквите и синагогите.